"قالا اكىمى باقىتجان ساعىنتاەۆتىڭ تاپسىرماسى بويىنشا جقجك اياسىندا ىسكەرلىك بەلسەندىلىكتى جانە جۇمىسپەن قامتۋدى قولداۋ ءۇشىن 32 جوبا انىقتالدى, ونىڭ ىشىندە 27 جوبا ىسكە اسىرىلدى, بيزنەستى ىنتالاندىرۋدان باسقا بۇل 785 جاڭا جۇمىس ورنىن قۇرۋدى قامتاماسىز ەتتى", دەپ اتاپ ءوتتى ب.داندىباەۆ.
سونداي-اق, اۋداندا بيزنەستىڭ الەۋمەتتىك جاۋاپكەرشىلىگى اياسىندا الەۋمەتتىك جوبالار ىسكە اسىرىلۋدا. ينۆەستورلاردىڭ قولداۋىمەن "Jas tolqyn" ونەر ورتالىعى اشىلدى. ورتالىقتا جىلىنا 500 بالانى دومبىرا, گيتارا, فورتەپيانو, ۆوكال, كەسكىندەمە جانە ت.ب. ۇيىرمەلەرىمەن تاربيەلەۋ جوسپارلانۋدا. ورتالىقتا حالىقتىڭ الەۋمەتتىك سەزىمتال ساناتتارىنان 10 جاستان 18 جاسقا دەيىنگى بالالاردى تەگىن وقىتاتىن بولادى (مەكەنجايى: ناۋرىزباي اۋدانى, قالقامان شاعىن اۋدانى, ەر جانىبەك كوشەسى 4/1; بايلانىس ءنومىرى: 8 707 592 00 19; جۇمىس كۇندەرى: دۇيسەنبىدەن سەنبىگە دەيىن 9:00-دەن 12: 30-عا دەيىن; 13:00-دەن 16: 00-گە دەيىن).
"Social Music Center" شىعارماشىلىق ورتالىعىندا دومبىرا, فورتەپيانو, شاحمات, توعىزقۇمالاق, قولونەر ۇيىرمەلەرىمەن جىلىنا 300 بالانى قامتۋ جوسپارلانۋدا. ورتالىق حالىقتىڭ الەۋمەتتىك سەزىمتال ساناتتارىنان 5 جاستان 15 جاسقا دەيىنگى بالالاردى تەگىن وقىتاتىن بولادى.
