ۇكىمەت • 06 قاراشا، 2020

اسقار مامين: تمد ەكونوميكالىق دامۋ ستراتەگياسىن ءتيىمدى ىسكە اسىرۋ قاجەت

14 رەت كورسەتىلدى

پرەمەر-مينيستر اسقار مامين بەينەكونفەرەنتسيا بايلانىسى رەجىمىندە تاۋەلسىز مەملەكەتتەر دوستاستىعىنىڭ (تمد) ۇكىمەت باسشىلارى كەڭەسىنىڭ (ۇبك) وتىرىسىنا قاتىستى، دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.

"بىزگە پاندەميا سالدارىن بارىنشا ازايتۋ جانە جاڭا ەكونوميكالىق شىنايىلىقتارعا دايىندىق ءۇشىن ءوزارا ءىس-قيمىل نۇكتەلەرىن بىرلەسىپ ىزدەۋدى جالعاستىرۋ قاجەت"، دەدى ا. مامين.

قازاقستان ۇكىمەتىنىڭ باسشىسى پاندەميانىڭ سالدارىن ازايتۋ جونىندەگى شارالاردى قوسا العاندا، تمد-نىڭ 2030 جىلعا دەيىنگى كەزەڭگە ارنالعان ەكونوميكالىق دامۋ ستراتەگياسىن ءتيىمدى ىسكە اسىرۋدى قامتاماسىز ەتۋ قاجەتتىگىن اتاپ ءوتتى.

پرەمەر-مينيستر قازاقستاندا قۇرىلىپ جاتقان ۇلتتىق تاۋار وتكىزۋ جۇيەسىنىڭ مودەلىن كەڭەيتۋدى جانە تمد-نىڭ تاۋار وتكىزۋ جۇيەسىن قالىپتاستىرۋدى ۇسىندى.

"ەلدەرىمىز اراسىندا اوك ونىمدەرىنىڭ ۇزدىكسىز اعىنىن قامتاماسىز ەتۋ – ازىق-ت ۇلىك قاۋىپسىزدىگىن جانە قوعامداعى الەۋمەتتىك-ەكونوميكالىق تۇراقتىلىقتى قامتاماسىز ەتۋدىڭ نەگىزگى فاكتورى"، دەدى ا. مامين.

ۇكىمەت باسشىسى تمد-عا قاتىسۋشى ەلدەردىڭ بىرلەسكەن تۋريستىك جوبالاردى ىسكە اسىرۋ باستاماسىن كوتەردى. مىسال رەتىندە قازاقستان مەن وزبەكستاننىڭ " ۇلى جىبەك جولى" ترانسشەكارالىق تۋريستىك ءونىمىن قۇرۋ جونىندەگى جۇمىسى كەلتىرىلدى. بۇل رەتتە ەلدەر ۆيزالىق رەجيمدەردى ۇندەستىرۋدى جانە "تۇركىستان – شىمكەنت – تاشكەنت – سامارقاند – بۇحارا – حيۋا" جوعارى جىلدامدىقتى تەمىرجول قاتىناسىن ۇيىمداستىرۋدى جوسپارلاپ وتىر.

پرەمەر-مينيستر تمد اياسىندا "جاسىل" تەحنولوگيالاردى دامىتۋ جانە ەنگىزۋ بويىنشا بىرلەسكەن ءىس-قيمىل جوسپارىن ازىرلەۋدى ۇسىندى.

"قورشاعان ورتانى قورعاۋ جونىندەگى كەلىسىلگەن جۇمىس ەكونوميكالارىمىزدىڭ تۇراقتى دامۋى جانە ۇزاق مەرزىمدى پەرسپەكتيۆادا حالىقتىڭ تۇرمىس ساپاسىن ارتتىرۋ ءۇشىن قوسىمشا جاعدايلار جاساۋعا جول اشادى"، دەدى ا.مامين.

وتىرىسقا ازەربايجان پرەمەر-ءمينيسترى الي اسادوۆ، بەلارۋس پرەمەر-ءمينيسترى  رومان گولوۆچەنكو، قىرعىزستان پرەمەر-ءمينيسترى  سادىر جاپاروۆ، مولدوۆا پرەمەر-ءمينيسترى يون كيكۋ، رەسەي پرەمەر-ءمينيسترى  ميحايل ميشۋستين، تاجىكستان پرەمەر-ءمينيسترى كوحير راسۋلزودا، وزبەكستان پرەمەر-ءمينيسترى ابدۋللا اريپوۆ، ارمەنيا ۆيتسە-پرەمەر-ءمينيسترى مگەر گريگوريان، تۇرىكمەنستان مينيسترلەر كابينەتى توراعاسىنىڭ ورىنباسارى راشيد مەرەدوۆ، تمد اتقارۋشى حاتشىسى سەرگەي لەبەدەۆ قاتىستى.

تمد اياسىنداعى ەكونوميكالىق ءوزارا ءىس-قيمىلدىڭ وزەكتى ماسەلەلەرى جانە تمد-نىڭ 2030 جىلعا دەيىنگى كەزەڭگە ارنالعان ەكونوميكالىق دامۋ ستراتەگياسىنىڭ ءبىرىنشى كەزەڭىن ىسكە اسىرۋ جونىندەگى ءىس-شارالار جوسپارى تالقىلاندى.

وتىرىس قورىتىندىسى بويىنشا راديواكتيۆتى ماتەريالداردى ترانسشەكارالىق تاسىمالداۋ، تمد-عا قاتىسۋشى مەملەكەتتەردىڭ قوعامدى تسيفرلىق دامىتۋ سالاسىنداعى اقپاراتتىق ءوزارا ءىس-قيمىلى تۋرالى كەلىسىمدەر، سونداي-اق اتوم ەنەرگەتيكاسىندا، اۋىل شارۋاشىلىعىندا، كولىك سەكتورىندا، ماشينا جاساۋدا جانە باسقا دا سالالاردا ىنتىماقتاستىقتى نىعايتۋ جونىندەگى شەشىمدەر قابىلداندى.

تمد ۇبك كەلەسى وتىرىسىن 2021 جىلعى مامىردا مينسك قالاسىندا وتكىزۋ جوسپارلانىپ وتىر.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار