"تۇرعىن ءۇي قۇرىلىسىنا كەپىلدىك بەرۋ قورى" ءوز قىزمەتىن توقتاتتى

ايتا كەتۋ كەرەك, قازاقستاندىق يپوتەكالىق كومپانياسىنا قوردىڭ ۇلەستىك قۇرىلىستى اياقتاۋ بويىنشا كەپىلدىكتەر بەرۋ فۋنكتسياسى دا ءوتتى.

وسىلايشا, تۇرعىن ءۇي قۇرىلىسىنىڭ بىرىڭعاي وپەراتورىن قۇرۋ سوڭعى ساتىسىندا تۇر. سونىمەن قاتار اتاۋىن «قازاقستاندىق تۇرعىن ءۇي كومپانياسى» دەپ وزگەرتۋ جوسپارلانۋدا.

ەستەرىڭىزگە سالا كەتەيىك, «بايتەرەك» حولدينگى مەملەكەت باسشىسى قاسىم-جومارت توقاەۆتىڭ تاپسىرماسى بويىنشا ءوزىنىڭ تۇرعىن ءۇي بلوگىن وڭتايلاندىرۋدى جۇرگىزۋدە. بۇل ءۇشىن حولدينگ ءوزىنىڭ «بايتەرەك دەۆەلوپمەنت» جانە «تۇرعىن ءۇي قۇرىلىسىنا كەپىلدىك بەرۋ قورى» ەكى ەنشىلەس كومپانياسىن ءۇشىنشى – «قازاقستان يپوتەكالىق كومپانياسىنا» بىرىكتىرۋدى جۇزەگە اسىردى. وسى ماقساتتا بارلىق زاڭنامالىق اسپەكتىلەر رەتتەلگەن. قيك-كە سونداي-اق قۇرىلىس سالۋشىلاردى سۋبسيديالاۋ بويىنشا «دامۋ» كاسىپكەرلىكتى دامىتۋ قورىنىڭ فۋنكتسيالارى بەرىلەتىن بولادى.

بىرىڭعاي وپەراتور جەكە قۇرىلىس سالۋشىلارمەن جانە جەرگىلىكتى اتقارۋشى ورگاندارمەن مىناداي قۇرالدار ارقىلى قولجەتىمدى تۇرعىن ءۇي سالۋ بويىنشا عانا جۇمىس ىستەيتىن بولادى:

1) اكىمدىكتەردىڭ وبليگاتسيالارىن ساتىپ الۋ تەتىكتەرى ارقىلى تۇرعىن ءۇي قۇرىلىسىن قارجىلاندىرۋ;

2) ۇلەستىك قۇرىلىستى اياقتاۋ بويىنشا كەپىلدىكتەر بەرۋ;

3) جەكە قۇرىلىس سالۋشىلاردىڭ كوممەرتسيالىق كرەديتتەرى بويىنشا سۋبسيديالاۋ;

4) اكىمدىكتەر جانىنداعى ۋاكىلەتتى ۇيىمدارعا, سونداي-اق مەملەكەتتىك باعدارلامالار شەڭبەرىندە تۇرعىن ءۇي سالۋدى جۇزەگە اسىراتىن زاڭدى تۇلعالارعا كرەديت بەرۋ;

5) ينۆەستيتسيالىق جوبالاردى قارجىلاندىرۋ جانە ىسكە اسىرۋ;

6) تۇرعىن ءۇي قۇرىلىسى ماسەلەلەرى بويىنشا تالدامالىق زەرتتەۋلەر جۇرگىزۋ;

7) ۋاكىلەتتى ورگاننىڭ ليتسەنزياسى نەگىزىندە يپوتەكالىق قىزمەت;

8) قولجەتىمدى تۇرعىن ءۇي قۇرىلىسى ماسەلەلەرى بويىنشا ستراتەگيالىق IT-باستامالاردى دامىتۋ.

قىزمەتتى وڭتايلاندىرۋ جانە قايتالاناتىن فۋنكتسيالاردى الىپ تاستاۋ ەسەبىنەن جالپى اكىمشىلىك شىعىستار 40%-عا نەمەسە 3,4 ملرد تەڭگەگە قىسقارتىلاتىن بولادى. شتات سانى 32%-عا نەمەسە 101 بىرلىككە, ونىڭ ىشىندە باسقارۋشى بۋىن قىسقارتىلاتىن بولادى.