سايلاۋ كوميسسيالارىنىڭ وكىلدەرى مەن قىزمەتكەرلەرىنە ارنالعان وقىتۋ سەمينارىن مەملەكەتتىك باسقارۋ اكادەمياسى, نۇر-سۇلتان قالاسىنىڭ اۋماقتىق سايلاۋ كوميسسياسى جانە قازاقستان رەسپۋبليكاسىنىڭ ورتالىق سايلاۋ كوميسسياسى بىرلەسە وتىرىپ ىسكە اسىردى.
سەمينار اياسىندا تىڭداۋشىلار ءتيىمدى كوممۋنيكاتسيا, قازاقستان رەسپۋبليكاسى پارلامەنتى ءماجىلىسى مەن ءماسليحات دەپۋتاتتارىن سايلاۋ كەزەڭىندەگى كوميسسيا جۇمىسىن ۇيىمداستىرۋدىڭ قۇقىقتىق نەگىزدەرى بويىنشا ءبىلىم الدى. كۋرس بارىسىندا ەرەكشە نازار – سايلاۋ كەزىندەگى ءتيىمدى جۇمىس ۇيىمداستىرۋدىڭ نەگىزگى مىنەز-ق ۇلىق ماسەلەلەرىنە, داۋىس بەرۋ كەزىندە تۋىنداۋى مۇمكىن جانجالدى جاعدايلاردى شەشۋ جولدارىنا اۋدارىلدى.
مەملەكەتتىك باسقارۋ اكادەمياسىنىڭ كاسىبي دامۋ ينستيتۋتىنىڭ ديرەكتورى مارگاريتا قادىروۆانىڭ ايتۋىنشا, مەملەكەتتىك قىزمەتشىلەر مەن سايلاۋ كوميسسيالارىنىڭ مۇشەلەرىن وقىتۋ –- ينتەراكتيۆتى تەحنولوگيالاردى قولدانۋ مەن تاجىريبەگە نەگىزدەلگەن. سەميناردا قاتىسۋشىلار قازاقستان رەسپۋبليكاسىنىڭ سايلاۋ زاڭناماسىن, سايلاۋدى ۇيىمداستىرۋ جانە وتكىزۋ ەرەكشەلىكتەرىن زەردەلەپ قانا قويماي, جاۋاپكەرشىلىك, پاراساتتىلىق جانە ەتيكالىق نورمالار بويىنشا قۇزىرەتتەرىن ارتتىردى.
ونلاين وقىتۋدى سايلاۋ ناۋقاندارىن وتكىزۋدە مول تاجىريبەسى بار بيزنەس-ترەنەرلەر, سايلاۋ زاڭناماسىنداعى ساراپشى ماماندار جانە سايلاۋ پروتسەستەرىن ۇيىمداستىرۋشىلار وتكىزدى, ولاردىڭ ىشىندە مەملەكەتتىك باسقارۋ اكادەمياسىنىڭ بيزنەس-ترەنەرى, فاسيليتاتور, پسيحولوگ – جاننا يبراەۆا, نۇر-سۇلتان قالاسى الماتى اۋداندىق سايلاۋ كوميسسياسىنىڭ حاتشىسى – تاتيانا سۋحيح, نۇر-سۇلتان قالاسى سارىارقا اۋداندىق سايلاۋ كوميسسياسىنىڭ حاتشىسى – ناتاليا باجۋتينا بولدى.
«سايلاۋ كەزىندەگى ەڭ ماڭىزدى ساتتەردىڭ ءبىرى-حالىقپەن, باقىلاۋشىلارمەن, ۇجىممەن, باق وكىلدەرىمەن دۇرىس بايلانىس, كوممۋنيكاتسيا ورناتا ءبىلۋ. سول ارقىلى قوعام تاراپىنان سايلاۋ كوميسسياسىنا دەگەن سەنىم قالىپتاسادى. بۇل اشىقتىق, ادىلەتتىلىك, قول جەتىمدىلىك, ادالدىق, قاۋىپسىزدىك. ياعني, وسىنداي قاراپايىم مىسالدارمەن تۇتاس كوماندانىڭ جۇمىسىن باعالاۋعا بولادى», – دەپ اتاپ ءوتتى كۋرس ترەنەرى جاننا يبراەۆا.
بۇگىنگى تاڭدا اكادەميا ءبىلىم بەرۋ الاڭى عانا ەمەس, سونىمەن قاتار سايلاۋ كوميسسيالارىنىڭ مۇشەلەرىن وقىتۋعا ارنالعان ادىستەمەلىك ورتالىققا دا اينالىپ وتىر.
ايتا كەتۋ كەرەك, 2018 جىلى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى مەن ورتالىق سايلاۋ كوميسسياسى اراسىندا مەملەكەتتىك قىزمەتشىلەردىڭ قۇقىقتىق مادەنيەتى مەن ەلەكتورالدىق ساۋاتتىلىعىن ارتتىرۋ ماقساتىندا ەلەكتورالدىق وقىتۋدى ۇيىمداستىرۋ بويىنشا ىنتىماقتاستىق تۋرالى بىرلەسكەن مەموراندۋمعا قول قويىلدى.
وسى مەموراندۋم اياسىندا وتكەن جىلى اكادەميا جانە ونىڭ فيليالدارى بازاسىندا بىلىكتىلىكتى ارتتىرۋ سەمينارلارى ۇيىمداستىرىلىپ, وندا 4151 مەملەكەتتىك قىزمەتشى,ال 2020 جىلعى كورسەتكىش بويىنشا 5000-نان استام مەملەكەتتىك قىزمەتشى وقىتۋ كۋرستارىنان ءوتتى. سونداي-اق, جىل سوڭىنا دەيىن ەلىمىزدىڭ ءتۇرلى وڭىرلەرىندە 1593 مەملەكەتتىك قىزمەتشىنى وقىتۋ جوسپارلانۋدا.
