الماتى قالاسى دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى جانار مادەەۆا اتاپ وتكەندەي, سovid-19-دىڭ ەكىنشى تولقىنىنا دايىندىق اياسىندا حالىقتىڭ ەڭ وسال توپتارىنا پروفيلاكتيكالىق تەكسەرۋلەر ۇيىمداستىرۋ تۋرالى شەشىم قابىلدانىپ وتىر. مەديتسينالىق تەكسەرۋ ەڭ الدىمەن 65 جاستان اسقان تۇرعىندارعا جاسالادى. ويتكەنى ناق وسى جاستاعى ازاماتتاردىڭ اراسىندا ارتەريالدى گيپەرتەنزيا, سوزىلمالى وبسترۋكتيۆتى برونحيت, قانت ديابەتى سەكىلدى سوزىلمالى اۋرۋلارى بار ناۋقاستار كوپ.
ء«اربىر العاشقى مەديتسينالىق-سانيتارلىق كومەك كورسەتۋ ۇيىمىندا جالپى تاجىريبە دارىگەرى, نەۆروپاتولوگ, كارديولوگ, وتولارينگولوگتان تۇراتىن مۋلتيديستسيپلينارلىق كوماندالار قۇرىلدى. ولار قارت ادامداردى ۇيدە قاراپ, قانت, حولەستەرين دەڭگەيىن انىقتايدى, ەكگ جاسايدى. بۇل قاجەت بولعان جاعدايدا ەمدەۋدى تۇزەتۋگە نەمەسە ستاتسيونارلىق ەمدەۋ ءۇشىن كورسەتكىشتەردى انىقتاۋعا مۇمكىندىك بەرەدى. بۇل رەتتە 80 مىڭعا جۋىق ادامدى قامتۋدى جوسپارلاپ وتىرمىز», دەپ اتاپ ءوتتى ج.مادەەۆا.
ەلدەگى احۋالعا بايلانىستى بالالاردىڭ ۇزاق ۋاقىت بويى قاشىقتان وقىپ جاتقانىن ەسكەرسەك, ولاردىڭ كوپشىلىگى جىل سايىنعى تەكسەرۋدەن ءوتۋ ءۇشىن ەمحانالارعا بارماعان. الماتى اكىمدىگى وسى رەتتە 16 جاسقا دەيىنگى جەتكىنشەكتەردى پروفيلاكتيكالىق تەكسەرۋدەن وتكىزۋ ماسەلەسىنە دە ماڭىز بەرىپ وتىر. العاشقى مەديتسينالىق-سانيتارلىق كومەك ۇيىمدارىندا بالالاردى پروفيلاكتيكالىق تەكسەرۋ ءۇشىن پەدياتر, نەۆروپاتولوگ, وكۋليست, وتولارينگولوگ, بالالار حيرۋرگى دارىگەرلەرىنەن قۇرالعان مۋلتيديستسيپلينارلىق كوماندالار قۇرىلعان. قاجەت بولعان جاعدايدا تالداۋ ۇيدە جۇرگىزىلەدى. شامامەن 100 مىڭعا جۋىق ءجاسوسپىرىم جان-جاقتى تەكسەرۋدەن وتەدى دەپ جوسپارلانعان. اسىرەسە الەۋمەتتىك تۇرعىدان از قامتىلعان وتباسىلاردىڭ بالالارىنا, مۇمكىندىگى شەكتەۋلى بالالارعا باسا نازار اۋدارىلعان. قازىرگى ۋاقىتتا اتالعان ۇيىمداردا نىسانالى توپتاردىڭ تىزىمدەرى جاسالىپ جاتىر.
الماتى قالاسىنىڭ وڭىرلىك كوممۋنيكاتسيالار قىزمەتىنىڭ الاڭىندا وتكەن ونلاين-سۇحبات بارىسىندا №8 قالالىق ەمحانانىڭ باس دارىگەرى فاريدا اعىباەۆا نىسانالى توپتاردىڭ ءتىزىمى جاسالىپ, پروفيلاكتيكالىق تەكسەرۋ جۇرگىزۋ كەستەسى بەكىتىلگەنىن, پەدياتر, نەۆروپاتولوگ, وتولارينگولوگ, كارديولوگ, وفتالمولوگ, بالالار حيرۋرگىنەن قۇرالعان مۋلتيديستسيپلينارلىق كوماندا جاساقتالعانى حابارلادى.
قابىلداۋ كەزىندە جانە اۋلالاردى ارالاۋ بارىسىندا ۋچاسكەلىك دارىگەرلەر مەن مەدبيكەلەر جەكە گيگيەنا ەرەجەلەرىن قاتاڭ ساقتاۋ, قولدى ءجيى جۋ, مەديتسينالىق ماسكانى قولدانۋ ەرەجەلەرى, الەۋمەتتىك قاشىقتىق, بالالاردى ادامدار كوپ جينالاتىن ورىندارعا, ۇلكەن ويىن الاڭدارىنا جىبەرمەۋ تۋرالى اقپاراتتىق-ءتۇسىندىرۋ جۇمىستارىن جۇرگىزەدى.
«ەمحانادا پاتروناجدىق قىزمەت كورسەتۋدىڭ امبەباپ پروگرەسسيۆتى مودەلىنە سايكەس مەدبيكەنىڭ ەرتە جاستاعى بالالارعا, ونىڭ ىشىندە بوسانعانعا دەيىنگى كەزەڭدە «ۇيگە بارىپ تەكسەرۋ» وتكىزۋ جۇيەسى ەنگىزىلدى. پاتسيەنتتىڭ وتباسىمەن ونىڭ جەكە ورتاسىندا كەزدەسۋ مامانعا پروبلەمالاردى تۇسىنۋگە جانە دۇرىس شەشىم قابىلداۋعا ەرەكشە مۇمكىندىك بەرەدى», دەيدى باس دارىگەر.
وسىلايشا, №36 ەمحانادا 2,5 مىڭ ادامدى, ونىڭ ىشىندە 1,5 مىڭ 16 جاسقا دەيىنگى بالا مەن قالعان ديسپانسەرلەۋدى قاجەت ەتەتىن 65 جاسقا كەلگەن ازاماتتاردى پروفيلاكتيكالىق تەكسەرۋمەن قامتۋ جوسپارلانعان. شاھاردىڭ ناۋرىزباي اۋدانىندا ورنالاسقان №36 ەمحانانىڭ باس دارىگەرى گۇلجاينات تىلەگەن بۇل پروتسەدۋرا جىل بويى سكرينينگتەن وتپەگەن حالىقتىڭ باسىم بولىگىن قامتۋعا مۇمكىندىك بەرەتىنىن اتاپ ءوتتى.
«65 جانە ودان جوعارى جاستاعى تۇرعىنداردى, سونداي-اق 16 جاسقا دەيىنگى بالالاردى جوسپارلى ديسپانسەرلەۋگە بايلانىستى ۋچاسكەلىك دارىگەرلەر مەن ارناۋلى مامانداردان تۇراتىن 2 ءموبيلدى بريگادا قۇرىلدى. بۇل اكتسيا ەرتە باستان قانداي دا ءبىر پاتولوگيانى انىقتاۋعا, سونداي-اق كوروناۆيرۋس ينفەكتسياسىن جۇقتىرۋ كۇدىگى بار جانە ونىمەن اۋىرعانداردى انىقتاپ, ولاردى ۇيدە قاراپ, ءتيىستى ەم بەرىپ, مونيتورينگتىك باقىلاۋعا الۋىمىزعا مۇمكىندىك بەرەدى», دەيدى گ.تىلەگەن.
الماتى
