"ەگەر بارلىق پوليتسەيلەر قاراپايىم ادامداردىڭ باسىنداعى قيىندىقتارىنا وسىلاي قاراسا, الدەقايدا جاقسى بولار ەدى. بىزبەن تەك اڭگىمەلەسىپ قانا قويماي, جۇمىسپەن قامتۋ ورتالىعىنا اپارىپ, بوس جۇمىس ورنىن دا تۋىپ بەردى, ەندى اڭگىمەلەسۋدەن ءوتىپ, قىزىم پايدالى ىسپەن اينالىسادى دەگەن ۇمىتتەمىن", دەيدى ءوزىنىڭ حاتىندا جابىرلەنۋشىنىڭ اناسى.
21 جاستاعى ايەلگە كۇن كورسەتپەگەن كۇيەۋىنءىڭ ۇستىنەن بۇعان دەيىن دە تالاي رەت شاعىم تۇسكەن. الايدا ايەل ءوزىنىڭ شاعىمدارىن كەرى قايتارىپ الىپ نەمەسە سوتتا تاتۋلاسىپ وتىرعان. كەزەكتى قولجۇمساۋدان كەيىن ول اتا-اناسىنىڭ ۇيىنە كەتىپ قالعان. "ۋچاسكە" جپش اياسىنداعى ءۇي-ءۇيدى ارالاۋ كەزىندە پوليتسەيلەر وتباسىلىق جانجالدىڭ ۇستىنەن شىعىپ, جاس ايەلدى بۇل جاعدايدى جىلى جاۋىپ قويماۋعا كوندىرەدى.
اقىرى جابىرلەنۋشىنىڭ كۇيەۋى تاراپىنان بولعان زاڭ بۇزۋشىلىقتاردى كۋالاندىراتىن قوسىمشا جينالعان ماتەريالدار ونى باس بوستاندىعىنان ايىرۋعا نەگىز بولدى. بۇرىن سوتتالعاندا وعان باس بوستاندىعىن شەكتەۋ جازاسى قولدانىلعان. ەندى شەكتەۋ شارتتارىن ءجيى بۇزۋىنا بايلانىستى ونىڭ بۇل جازاسى قاتاڭ ءتۇرگە اۋىستىرىلعان. وسىنىڭ ۇستىنە جانجالقوي وتباسى-تۇرمىستىق قاتىناس اياسىندا بۇزۋشىلىق جاساعانى ءۇشىن جازاعا تارتىلماق.
پەتروپاۆل
