سونىمەن قاتار, ۇلتتىق سپورت تۇرلەرى اۋدارىسپاق, جامبى اتۋ جəنە تەڭگە ىلۋدەن وتكەن ەلىشىلىك جارىستاردىڭ جەڭىمپازدارى مەن جۇلدەگەرلەرى دە انىقتالدى.
كىلەڭ مىقتى جىگىتتەر باق سىناسقان كوكپار دوداسىنا ەلىمىزدەن 9 كوماندا قاتىستى. بيىل 15-رەت جالاۋى جەلبىرەگەن شاباندوزدار سايىسىنىڭ اقتىق سىنىندا تۇركىستان وبلىسىنىڭ كومانداسى جامبىل وبلىسىنان كەلگەن «اۋليە-اتا» كوكپارشىلارىن 6:2 ەسەبىمەن ويسىراتا جەڭدى. جامبىل وبلىسىنىڭ كوكپارشىلارى كۇمىس جۇلدەگەر, الماتى قالاسىنىڭ قۇراماسى قولا جۇلدەگەر اتاندى. سونىمەن قاتار, ۇلتتىق سپورت تۇرلەرىن جاڭعىرتۋ ماقساتىندا اۋدارىسپاق, تەڭگە ءىلۋ جəنە جامبى اتۋدان دا بيىلعى قازاقستان چەمپيوناتىنىڭ جەڭىمپازدارى انىقتالدى. اپتا بويىنا جالعاسقان جارىستا بىلەكتى دە قايسار جىگىتتەر اراسىندا اۋدارىسپاقتان 4 سالماقتا تۇركىستاندىقتار جەڭىمپاز اتاندى. ماسەلەن, 70 كەلىدە جەڭىستىڭ تۇعىرىنان تۇركىستاندىق دارىن وتكەلباي كورىنسە, 80 كەلىدە راسۋل قۇرايىش, +80 كەلى سالماقتا عابيت اعابەكتىڭ باعى جاندى. تەڭگە ىلۋدەن عالىمجان يزجانوۆتىڭ مەرەيى ۇستەم بولدى. ال جامبى اتۋ جارىسىندا جامبىل وبلىسىنىڭ ساڭلاعى باقدəۋلەت باباجان جەڭىمپاز اتاندى. تۇركىستاندىقتار باتىر بەكساۋىت كۇمىس القا, ەرالحان ايكوز كولا جۇلدەنى قاناعات تۇتتى.
جارىس سوڭىندا جەڭىمپازدار مەن جۇلدەگەرلەر ارنايى ديپلومدارمەن ماراپاتتالدى. سونداي-اق, اۋدارىسپاقتان «ۇزدىك سپورتشى» اتانعان راسۋل قۇرايىش پەن كوكپاردان «ۇزدىك سالىمشى» نوميناتسياسىنا يە بولعان سابىر باقداۋلەتكە گرامموتا تابىس ەتىلدى. ال جانكۇيەرلەردى ءوزىنىڭ تالانتىمەن تاڭ قالدىرعان نامىسكوك اتتى سۇيگ ۇلىك «ۇزدىك ات» اتاندى.
تۇركىستان وبلىسى
