ۇلى ابايعا ارنالعان ءىرى شارالاردىڭ قاتارىندا پەدوگوگيكالىق عىلىمدار اكادەمياسى قر اقپارات جانە قوعامدىق دامۋ مينيسترلىگى جانە "ازاماتتىق باستامالاردى قولداۋ ورتالىعىنىڭ قولداۋىمەن زاماناۋي ادەبيەت پەن جۋرناليستيكانى كەڭىنەن ناسيحاتتاۋ, جاس جازۋشىلار مەن اقىنداردىڭ شىعارماشىلىق الەۋەتىن كوتەرۋ ماقساتىندا ابايدىڭ 175 جىلدىعىنا ارنالعان "ءمۇشايرا" رەسپۋبليكالىق بايقاۋىنىڭ وڭىرلىك ىرىكتەۋ تۋرى ءوتتى.
ماڭعىستاۋ وبلىسى بويىنشا اقىندار مەن جازۋشىلاردىڭ قاتىسۋىمەن وتكەن مۇشايراعا 30 ۇمىتكەر قاتىستى. اباي قۇنانباەۆتىڭ سول زامانداعى ىشكى جان-كۇيىن سەزىنگەن قاتىسۋشىلاردىڭ اراسىنان ۇزدىكتەردى ىرىكتەپ الۋ قيىنعا سوقتى. ءادىل قازىلار Yessenov University پروفەسسورى, ادەبيەتتانۋشى عالىم, "ابايتانۋ" ءپانىنىڭ وقىتۋشىسى, فيلولوگيا عىلىمدارىنىڭ كانديداتى قابىلوۆ ادىلەت, قازاقستان جازۋشىلار وداعىنىڭ مۇشەسى, جازۋشى, ولكەتانۋشى وتىنشى كوشباي ۇلى, اقىن, رەسپۋبليكالىق ءمۇشايرالاردىڭ جەڭىمپازى جايلاۋوۆ باقتىباي جازۋ ستيلىندەگى ساۋاتتىلىق پەن ەرەكشەلىككە اسا ءمان بەرە وتىرىپ, ولەڭدەردىڭ ويلارى تۇنىق, پاراساتى بيىك, مازمۇنى تەرەڭ, ءتىلى قۇنارلى, كوركەمدىگى شۇرايلى بولۋىن قاداعالاپ, اباي تۇلعاسىن اسقاقتاتا جىرلاۋدى باستى نازاردا ۇستادى.
"زامانىندا قازاق قوعامىنىڭ باتىل سىنشىسى بولا بىلگەن ويشىل اقىن اباي اتاسىنا ولەڭ ارناي وتىرىپ, بۇگىنگى زامان ماسەلەلەرىن دە بايلانىستىرا جىرلاعان جاستار سانى جەتەرلىك. اتاپ ايتقاندا, اقتاۋ قالاسى, تۇپقاراعان اۋدانى, جاڭاوزەن قالاسىنىڭ كوللەدج ستۋدەنتتەرى مەن Yessenov University ءبىلىم الۋشىلارى. ورىن سانى شەكتەۋلى بولعاندىقتان عانا ءۇش ۇمىتكەرىرىكتەپ الىنعان ەدى. شوحاەۆ مۇستافانىڭ "اباي ءسوزى – اباي شىڭى ار دەگەن" دۇيسەنوۆ ناۋرىزبەكءتىڭ "ابايعا ارناۋ, ورىنباسار ازاماتتىڭ "قالىڭ ەءلىم, قازاعىم, قايران جۇرتىم", "اباي" اتتى شىعارمالارى دارالانىپ, ىرىكتەۋ تۋرىنان ءوتىپ, رەسپۋبليكالىق دوداعا ءتۇستى. "ەل ءىشى – ونەر كەنىشى" دەگەندەي, رەسپۋبليكامىزدىڭ ءار وڭىرىنەن قاتىسىپ جاتقان جاس اقىنداردىڭ جاقسى ولەڭدەرىن جيناپ, توپتاستىرىپ, كىتاپ ەتىپ شىعارسا, اباي اقىننىڭ 175 جىلدىعىنا قوسىلعان ۇلەس بولار ەدى", دەيدى ش.ەسەنوۆ اتىنداعى كمتيۋ, قازاق فيلولوگياسى كافەدراسىنىڭ مەڭگەرۋشىسى ماڭعىستاۋ وبلىسىنىڭ وڭىرلىك ۇيىمداستىرۋشىسى اقمارال وتاروۆا.
