ارىق جەلىلەرىن تۇگەندەۋ قالا اكىمى ب. ساعىنتاەۆتىڭ تاپسىرماسى بويىنشا جاعدايدىڭ وزەكتىلىگى, بۇرىننان بار ارىق جەلىلەرى مەن جاۋىن كارىزدەرىنىڭ كارتا-سىزباسىن ازىرلەۋ ماقساتىندا جۇرگىزىلدى. سونداي-اق, جاسىل جەلەكتەردى سۋمەن قامتاماسىز ەتۋدىڭ جانە جاڭبىر سۋلارىن اعىزۋدىڭ كەشەندى شارالارىن ازىرلەۋ مىندەتى قويىلدى.
تۇگەندەۋ ناتيجەسىندە 1523 شاقىرىمدى قۇرايتىن سۋارمالى ارىقتاردىڭ جالپى ۇزىندىعى بەلگىلەندى. سونىڭ ىشىندە اۋداندىق اكىمدىكتەر ەنشىسىندە - 1138 شاقىرىم, اۋلالاردىڭ اۋماعىندا - 245 شاقىرىم, ساياباق ايماقتارىندا - 60 كم. 424 شاقىرىم ارىق جەلىلەرى جوندەۋدى نەمەسە قايتا جوندەۋدى قاجەت ەتەدى. سۋارۋ ءۇشىن 168 شاقىرىم ارىق قولدانىلادى.
نىسانداردىڭ تولقۇجاتتارى بويىنشا گەودەرەكتەر بازاسى جاسالدى, تۇگەندەۋ كارتالارىنىڭ كەشەنى, سونداي-اق ارىق جەلىلەرى مە جاڭبىر كارىزدەرىن اباتتاندىرۋ بويىنشا ۇسىنىمدار ازىرلەندى.
الماتىنىڭ ارىق جەلىلەرى ءوزىنىڭ ماڭىزى بويىنشا كوپسالالى جانە جاسىل جەلەكتەردى سۋارۋعا ءارى جايلى ميكرواۋحال قۇرۋعا ارنالعان.
الماتى
