ءاليا مازباەۆا پروفيلاكتيكالىق تەكسەرۋ جۇرگىزۋ كەزىندە حالىقتىڭ ەڭ وسال توپتارى – 65 جاستان اسقان ادامدار مەن 16 جاسقا دەيىنگى بالالارعا ەرەكشە نازار اۋدارىلاتىندىعىن اتاپ ءوتتى.
حالىقتى مەديتسينالىق ۇيىمدارمەن تولىق قامتۋ ماقساتىندا اعىمداعى جىلدىڭ جەلتوقسان ايىنىڭ سوڭىنا دەيىن كاسىبي تەكسەرۋ جۇرگىزۋ كەستەسى جاسالدى.
تۇرعىندارعا الدىن الا Damumed مەديتسينالىق اقپاراتتىق جۇيەسى, ۇيالى تەلەفوندار ارقىلى ۋچاسكەلىك قىزمەت, سونداي-اق مەديتسينالىق ۇيىمداردىڭ سايتتارى ارقىلى حابارلاندى.
الاتاۋ اۋدانىندا 7 ۇيىم جۇمىلدىرىلعان, ونىڭ ىشىندە 5-ءۋى مەملەكەتتىك جانە 2-ءۋى جەكەمەنشىك, ولاردا 231 845 ادامعا قىزمەت كورسەتىلەدى, ونىڭ ىشىندە 16 جاسقا دەيىنگى بالالار – 90 677, 65 جاستان اسقان ادامدار – 10 918. ديسپانسەرلىك ەسەپتە 6 437 ادام, ەرەسەك جاس توبىندا 7 871 بالا تۇر.
«پروفيلاكتيكالىق تەكسەرءىس كەزىندە الەۋمەتتىك جاعدايى ناشار وتباسىلاردىڭ بالالارىنا ەرەكشە كوڭىل بولىنەدى, ولار كوپ بالالى وتباسىلار, ءبىر عانا اتا-انا تاربيەلەپ وتىرعان بالالار, مۇمكىندىگى شەكتەۋلى بالالار. ءبىرىنشى كەزەكتە ماقساتتى توپتاردىڭ ءتىزىمى, ۇيگە قابىلداۋ جانە شىعۋ كەستەسى جانە ۇيدە پروفيلاكتيكالىق تەكسەرۋلەر جۇرگىزۋ ءۇشىن بريگادالار قۇرىلدى», – دەءيدى ءاليا مازباەۆا.
وسىلايشا, ءبىر ەمحانا بازاسىندا 15 100 بالانى جانە 65 جاستان اسقان 7 260 ادامدى تەكسەرۋ جوسپارلانعان.
ەمحانالاردا كەلەسى قۇرامدا بريگادالار قۇرىلدى:
– جالپى تاجىريبەلىك دارىگەر, مەدبيكە, نەۆروپاتولوگ, كارديولوگ, 65 جاستان اسقان ادامدار ءۇشىن قانت, حولەستەرين دەڭگەيىن انىقتاي وتىرىپ, ەكگ جۇرگىزەتىن وتولارينگولوگ;
– كورسەتكىشتەرى بويىنشا زەرتحانالىق زەرتتەۋلەر جۇرگىزە وتىرىپ, پەدياتر, نەۆروپاتولوگ, وكۋليست, وتولارينگولوگ دارىگەر, بالالار حيرۋرگى.
پاتولوگيا انىقتالعان جاعدايدا پاتسيەنتتەرگە ودان ءارى تولىق تەكسەرۋ ءۇشىن كدك ارقىلى جولداما بەرىلەتىن بولادى.
ناۋرىزدان تامىزعا دەيىن كارانتيندىك شارالار ەنگىزىلگەنىن ەسكەرە وتىرىپ, كوپتەگەن ديسپانسەرلىك ناۋقاستار مەرزىمدى ديسپانسەرلىك تەكسەرۋدەن ۋاقتىلى وتە المادى, سوندىقتان ءبىر ۋاقىتتا تولىق تەكسەرۋ, ياعني فليۋوروگرافيالىق تەكسەرۋ, ءىش قۋىسى مەن بۇيرەكتىڭ ۋلترادىبىستىق زەرتتەۋى, جالپى قان مەن ءزار ءاناليزى, بيوحيميالىق قان ءاناليزى, قان قىسىمى مەن كوز قىسىمىن ولشەۋ جوسپارلانۋدا.
«مۇقتاج قارت ادامدارعا كۇندىزگى جانە ۇيدەگىستاتسيونارلاردا ەمدەۋ, سونداي-اق تەگىن ءدارى-دارمەك جەتكىزۋدى قامتاماسىز ەتۋ ۇيىمداستىرىلادى, – دەدى باس دارىگەر.
بۇدان باسقا, پاتسيەنتتەردى ۇيدە قاراعان كەزدە بوسانعان ايەلدەرگە چەك-پاراقتاردى تولتىرۋ, 5 جاسقا دەيىنگى بالالاردى جانە ديسپانسەرلىك ناۋقاستاردى دارىلىك پرەپاراتتارمەن قامتاماسىز ەتۋ كوزدەلگەن.
