حابارلاماعا سۇيەنسەك, قر پرەزيدەنتىنىڭ 14-قىركۇيەكتەگى №413 جارلىعى بويىنشا ەكونوميكانىڭ پاندەميادان مەيلىنشە زارداپ شەككەن سالالارىنداعى شاعىن جانە ورتا بيزنەس نىساندارى بيۋدجەتتەن تىس قورلارعا تولەنەتىن تولەمدەردەن بوساتىلعان. بيزنەس سۋبەكتىلەرىنە بۇعان دەيىن دە 2020 جىلدىڭ ءساۋىرى مەن قازان ايلارى ارالىعىندا التى ايلىق جەڭىلدىكتەر بەرىلگەن بولاتىن.
"سالىقتار مەن الەۋمەتتىك تولەمدەردى تولەۋ مىندەتىنەن بوساتىلعان شوب نىساندارىنىڭ ءتىزىمى كوكتەمدە جاسالعان بولاتىن. ولاردىڭ قاتارىندا ساۋدا-ساتتىق, كولىك جانە تەحنيكالىق قىزمەت كورسەتۋ, ءبىلىم, مەديتسينا, تۋريزم, مەيرامحانا-قوناق ءۇي بيزنەسى, ويىن-ساۋىق, باعدارلامالىق قامسىزداندىرۋ نىساندارى, فيتنەس كلۋبتارى جانە ت.ب. بار. ەندى بيزنەستى قولداۋ ماقساتىندا جەڭىلدىك مەرزىمى جىل سوڭىنا دەيىن ۇزارتىلىپ وتىر", دەدى فيليال ديرەكتورى تىلەۋحان ابىلداەۆ.
تولەمدەردەن بوساتىلعان جۇمىس بەرۋشىلەر قاراماعىنداعى قىزمەتكەرلەرىن ساقتاندىرۋمەن قامتاماسىز ەتۋدى ەستەن شىعارماعانى ءجون. قىزمەتكەرلەر ءمامس پاكەتىنە ەنەتىن مەديتسينالىق قىزمەت تۇرلەرىن كەدەرگىسىز الۋى ءۇشىن ولاردىڭ ءتىزىمىن قوردىڭ اقپاراتتىق جۇيەسىنە ەناگىزىپ, ۋاقتىلى جاڭارتىپ وتىرۋى ءتيىس, دەلىنگەن حابارلامادا.
ەستەرىڭىزگە سالا كەتسەك, وڭتۇستىك استانا بويىنشا 116 604 شاعىن جانە ورتا بيزنەس نىسانىنا جەڭىلدىك بەرىلگەن.
جالپى, جۇمىسشىلارعا قاتىستى مالىمەتتى ءبىر رەت ەنگىزسە جەتكىلىكتى. الداعى ۋاقىتتا جۇمىسقا جاڭادان الىنعان جانە جۇمىستان شىققان قىزمەتكەرلەر جايلى مالىمەتتى ەنگىزىپ وتىرۋ قاجەت. اقپارات اي سايىن مەملەكەتتىك كىرىس كوميتەتىنە جولدانادى.
