"Lotto Soudal" كلۋبى ساپىندا ونەر كورسەتەتىن ايتۋلى سپورتشى لۋگو مەن ورەنسە قالالارى ارالىعىن قامتىعان 204,7 شاقىرىمدىق قاشىقتىقتى 4 ساعات 37 مينۋت 05 سەكۋندتا ءجۇرىپ ءوتتى. ەكىنشى جانە ءۇشىنشى ورىنداردى كانادالىق مايكل ۆۋدس ("EF Pro Cycling") پەن چەحيالىق زدەنەك شتىبار ("Deceuninck-Quick Step") يەلەندى.
"استانانىڭ" ۆەلوشاباندوزدارى اراسىندا ەڭ ءتاۋىر كورسەتكىشكە الەكساندر ۆلاسوۆ قول جەتكىزدى. ول 24 ساتىعا تابان تىرەدى. ءبىر ايتا كەتەرلىگى, رەسەليلىك لەگيونەر 23 كەزەڭدە دە ءدال وسىنداي ناتيجەگە يەك ارتقان بولاتىن.
جالپى ەسەپتەگى جاعداي ايتارلىقتاي وزگەرگەن جوق. ءالى دە "Team Jumbo-Visma" كلۋبىنىڭ سەركەسى پريموج روگليچكە تەڭ كەلەر ەشكىم تابىلار ەمەس. سلوۆەنيالىق سپورتشىنىڭ ۋاقىتى – 53:57:05. ەكۆادورلىق ريچارد كاراپاس ("INEOS Grenadiers") ەكىنشى جانە ۇلىبريتانيالىق حيۋكارتي ("EF Pro Cycling") ءۇشىنشى ساتىعا جايعاستى.
ال قازاقستاندىق كوماندانىڭ مۇشەسى الەكساندر ۆلاسوۆ توعىزىنشى ورنىن ساقتاپ قالدى.
