جىل سايىن ەءلىمىزدىڭ ايتۋلى سپورتتىق شاراسى ءساۋىر ايىندا وتەتىن ەدءى. الداعى جىلى سورە سىزىعىنا 17 مىڭعا جۋىق قاتىسۋشى كەلەدى دەگەن بولجام بار. ۇيىمداستىرۋشىلار ىندەتتىڭ ءورشۋىنىڭ اڭىسىن باقىلىپ وتىرعان جايى بار.
ء"بىز جوباعا دايىندىقتى باستاپ كەتتىك جانە الداعى ۋاقىتتا ءساۋىر ايىندا "الماتى مارافونىن" وتكىزۋ ءداستۇرىن ساقتاپ قالامىز دەپ ۇمىتتەنەمىز. الايدا, اعىمداعى جاعدايعا بايلانىستى ءبىز بارلىق تاۋەكەلدەردى تۇسىنەمىز جانە الماتى قالاسىنىڭ اكىمدىگىمەن جانە سپورت باسقارماسىمەن ۇنەمى بايلانىستامىز, بارلىق وزگەرىستەر مەن جاڭالىقتارعا جەدەل دەن قويامىز. سوعان قاراماستان, بۇگىندە سپورت – ازاماتتاردىڭ يممۋنيتەتىن ساقتاۋعا باعىتتالعان ماڭىزدى سالالاردىڭ ءبىرى بولىپ تابىلادى. ءبىز ۇيىمداستىرۋشىلار رەتىندە ءوز تاراپىمىزدان سپورتشىلاردىڭ دەنساۋلىعىن قورعاۋ دا بىرقاتار شارالار ازىرلەدىك", دەءيدى "الماتى مارافونىنىڭ" ديرەكتورى سالتانات قازىباەۆا.
"الماتى مارافونى" 2021 مەرەيتويلىق بولادى. ۇيىمداستىرۋشىلار ۇلكەن مەرەكەلىك باعدارلاما دايىنداۋدا, سونىمەن قاتار بارلىق قاۋىپسىزدىك شارالارىن قابىلداۋعا ۋادە بەرەدى.
"جاۋاپكەرشىلىك بىزدە بولعاندىقتان, ەڭ الدىمەن قاتىسۋشىلاردىڭ دەنساۋلىعىن ويلايمىز", دەيدى "الماتى مارافونىنىڭ" وپەراتسيالىق ديرەكتورى يسا قالقا.
– جولارنا جەدەل جاردەم كولىكتەرىمەن, دارىگەرلەرمەن, تاماقپەن جانە سۋمەن جابدىقتالاتىن بولادى. ءبىز ارقاشان بارلىق قاتىسۋشىلاردى ءوز دەنساۋلىعىنا جاۋاپكەرشىلىكپەن قاراۋعا جانە وسىنداي وقيعالارعا دايىندالۋعا شاقىرامىز. سونىڭ ىشىندە, ءبىز پاندەميا جاعدايىندا مارافوندار وتكىزۋدىڭ حالىقارالىق تاجىريبەسىنە سۇيەنەمىز جانە ەڭ تابىستى تاجىريبەلەردى قابىلدايمىز.
سونىمەن جارىس باستالار الدىندا, ياعني سورەدەن ءۇش اي بۇرىن بارلىق نيەت بىلدىرۋشىلەر ءۇشىن اشىق تەگىن جاتتىعۋلار باستالادى. ولاردى كاسىبي جاتتىقتىرۋشى جۇرگىزەدى. ناقتى كۇنى مەن وتەتىن جەرى كەيىنىرەك جاريالانادى.
"الماتى مارافونى" 2021 جارىسىنا تىركەلۋ جاڭا جىلدا, 2021 جىلعى 4 قاڭتاردا اشىلادى.
جىل سايىن "الماتى مارافونى", جارىس اياقتالعاننان كەيىن جۇزەگە اسىرىلاتىن قايىرىمدىلىق ماقساتتاردى تاڭدايدى. بيىلعى جىلى جارىستىڭ توقتاتىلۋىنا قاراماستان, بارلىق 5 قايىرىمدىلىق ماقساتى تولىق كولەمدە جۇزەگە اسىرىلدى. قازىردىڭ وزىندە 2021 جىلعا وتىنىمدەر قابىلداۋ باستالدى. نىسانداردى تاڭداۋدىڭ نەگىزگى ولشەمشارتتارى: سپورت الاڭدارى مەن ارنايى بالالار مەكەمەلەرىندەگى جابدىقتارعا دەگەن مۇقتاجدىق. وتىنىمدەر مىنا ەلەكتروندىق مەكەنجاي بويىنشا قابىلدانادى: info@almaty-marathon.kz.
ەستەرىڭىزگە سالا كەتەيىك, "الماتى مارافونى" 2020 جارىسى كوروناۆيرۋس پاندەمياسىنىڭ جاريالانۋىنا بايلانىستى توقتاتىلدى. سونداي-اق, 2020 جىلعا جوسپارلانعان بارلىق جارىستار توقتاتىلدى. جۇگىرۋ جارىستارىن ۇيىمداستىرۋشىلار بارلىق ءىس-شارالاردى ونلاين رەجيمىنە اۋىستىردى. سونىڭ ىشىندە, جىل سايىنعى الماتى جارتىلاي مارافونى دا ونلاين-فورماتتا ءوتتى. جىل سوڭىنا دەيىن ء"بىرىنشى بولۋ – باتىلدىق" كورپوراتيۆتىك قورى الماتىدا تاعى ءبىر "جارىس قاھارمانى" ونلاين-جۇگىرىسىن (14-15 قاراشا) وتكىزۋدى جوسپارلاپ وتىر. وعان تىركەلۋ وسى 26 قازاندا اشىلدى.
الماتى
