اتالعان مەكەمەدە قارابۋرا اۋليە مەشىتىنىڭ باس يمامى ءا.سەرتاي, قالالىق ءدىن ىستەرى باسقارماسىنىڭ تەولوگى ا.ورالباەۆ "الەۋمەتتىك جەلىنىڭ زارداپتارى" جونىندە بايانداما وقىدى.
باياندامادا قازىرگى تاڭدا ءدىني ەكسترەميستىك تەرىس باعىتتاعى سايتتار اعىمىنا كىرىپ, شىرماۋىنان شىعا الماي, اداسىپ جاتقاندار جايىندا ايتىلدى.
"مەكەمەمىزدە سالا ماماندارىن شاقىرتىپ, وسىلاي تۇسىندىرمە جۇمىستارىن جۇرگىزىپ وتىرامىز. ماقساتىمىز - جازا وتەۋ ورىندارىنان بوساپ شىعاتىن تۇلعالاردىڭ بەيمالىم تەرىس ءدىني اعىمداردىڭ جەتەگىندە كەتۋىنە جول بەرمەۋ بولىپ تابىلادى", دەيدى يچ-167/4 مەكەمەسى جەدەل ءبولىمىنىڭ جەدەل ۋاكىلى ادىلەت كاپيتانى ع.ابسادىق.
جات پيعىلداعى ارانداتۋشىلاردىڭ سالدارىنان كەلەڭسىز جاعدايلارعا ءتۇسىپ قالماس ءۇشىن قالالىق قىلمىستىق-اتقارۋ جۇيەسى دەپارتامەنتىنە قاراستى يچ-167/4 مەكەمەسىندە جازاسىن وتەۋشى سوتتالعان ازاماتشالارعا ارنايى تەولوگ ماماندار مەن يمامدار ءدىني ءدارىس وقىپ كەلەدى ەكەن.
