شىلدە ايىنىڭ ورتاسىنان قىركۇيەك ايىنىڭ سوڭىنا دەيىنگى كەزەڭدە قۇقىق قورعاۋ ورگاندارى دەپارتامەنتتىڭ قاتىسۋىمەن قالا بويىنشا ءدارىحانا ۇيىمدارىنا دارىلىك زاتتاردىڭ باعاسىن كوتەرۋگە تەكسەرۋ جۇرگىزدى. دەپارتامەنت قر اقبتك-ءنىڭ 426-بابىنىڭ 1-بولىگى بويىنشا جالپى سوماسى 28 ملن تەڭگەدەن اساتىن 156 ايىپپۇل سالدى. سونىمەن قاتار, قۇقىق قورعاۋ ورگاندارى تەكسەرۋ جۇرگىزگەننەن كەيىن بۇگىنگى كۇنى جاعداي تۇراقتى - سوڭعى ايدا دارىلىك زاتتىڭ باعاسىن كوتەرۋگە قاتىستى ءبىر عانا ءوتىنىش كەلىپ ءتۇستى. وسى باعىتتاعى جۇمىستار جالعاسۋدا.
ء"دارىحانا ۇيىمدارى باعانى دەنساۋلىق ساقتاۋ مينيسترلىگىنىڭ بولشەك ساۋدا باعالارى تۋرالى بۇيرىعىنا سايكەس كەلتىرەدى. سونداي-اق نورماتيۆتىك قۇقىقتىق بازانى جەتىلدىرۋ بويىنشا جۇمىس جۇرگىزىلۋدە. وسىلايشا, كوروناۆيرۋس ينفەكتسياسىن ەمدەۋ جانە الدىن-الۋ ءۇشىن ءدارى-دارمەكتەردى ءبىر رەتتىك اكەلۋ ءراسىمى جەڭىلدەتىلدى. دارىلىك زاتتار مەن مەديتسينالىق ونىمدەر ساپاسىنىڭ قاۋىپسىزدىگىنە باعالاۋ جۇرگىزۋ مەرزىمى ەندى 3 جۇمىس كۇنىن قۇرايدى", - دەپ اتاپ ءوتتى م.مۇحامەدياروۆ.
مۇنىڭ ءبارى دارىلىك زاتتاردى قايتا تىركەۋدى توقتاتپاۋ ءۇشىن جاسالعان, سونىمەن قاتار دارىلىك زاتتار مەن مەديتسينالىق ونىمدەردىڭ جەدەل ساراپتاماسى قاراستىرىلعان.
