ۆالەري گرينەنكو ەۋرازيالىق توپ قۇرىلىمىندا 20 جىلدان استام ۋاقىت جۇمىس ىستەپ كەلەدى. دنەپروپەتروۆسك مەتاللۋرگيا ينستيتۋتىن "قارا مەتالدار مەتاللۋرگياسى" ماماندىعى بويىنشا بىتىرگەن. تەحنيكا عىلىمدارىنىڭ دوكتورى, 40-تان استام عىلىمي جۇمىستاردىڭ, پاتەنتتەر مەن مونوگرافيالاردىڭ اۆتورى, عىلىم, تەحنيكا جانە ءبىلىم سالاسىنداعى قازاقستان مەملەكەتتىك سىيلىعىنىڭ يەگەرى.
ۆالەري گرينەنكو ەڭبەك جولىن 1984 جىلى نيكوپول فەرروقورىتپا زاۋىتىندا كورىكشى بولىپ باستاعان. 1985 جىلى اقتوبە فەرروقورىتپا زاۋىتىنىڭ №1 تسەحى وندىرىستىك شەبەرىنىڭ كومەكشىسى بولىپ جۇمىسقا قابىلداندى. سول جىلى تسەحتىڭ وندىرىستىك شەبەرىن قىزمەتىنە اۋىسىپ, كاسىپورىننىڭ باس ديرەكتورلىعىنا دەيىن كاسىبي ءوسۋدىڭ بارلىق كەزەڭدەرىنەن ءوتتى.
بۇعان دەيىن "سسكوب" اق پرەزيدەنتى بولىپ جۇمىس ىستەگەن بەرەكە ساعات ۇلى مۇحامەتقاليەۆ ەۋرازيالىق توپتا تابىستى ەڭبەك ەتىپ كەلە جاتقانىنا 20 جىلدان استى. ونىڭ باسشىلىعىمەن سسكوب ەۋرازيالىق توپتىڭ كاسىپورىندارى اراسىندا العاشقىلاردىڭ ءبىرى بولىپ تسيفرلىق تەحنولوگيالاردى ەنگىزە باستادى. 2017 جىلدىڭ جەلتوقسانىندا "اقىلدى كەنىش" جوباسى ىسكە قوسىلعان. جاڭاشىلدىق ناتيجەسىندە كاسىپورىن شىعاراتىن ءونىمنىڭ ەكونوميكالىق تيىمدىلىگى ارتتى. "اقىلدى كەنىش" قر پرەزيدەنتى نۇرسۇلتان نازارباەۆتىڭ قاتىسۋىمەن وتكەن تەلەكوپىر كەزىندە ىسكە قوسىلدى جانە ونى مەملەكەت باسشىسى جوعارى باعالادى.
