JETI QAZYNA كوللەكتسيالىق مونەتالارى اينالىمعا شىعادى

مونەتالار 100 تەڭگەلىك نومينال «uncirculated» ساپامەن نيبراسس/نەيزيلبەر قوسپاسىنان دايىندالعان.

• 500 تەڭگەلىك نومينال التىننان دايىندالعان;
• 500 تەڭگەلىك نومينال كۇمىستەن دايىندالعان;
• 5000 تەڭگەلىك نومينال كۇمىستەن دايىندالعان;
• 200 تەڭگەلىك نومينال ءبىر بليستەرلىك جيىنتىقتا تۇراتىن مەلحيور قوسپاسىنان دايىندالعان جانە 100 تەڭگەلىك نومينال نيبراسس/نەيزيلبەر قوسپاسىنان دايىندالعان, ساپاسى - «brilliant uncirculated».

«JETI QAZYNA» مونەتالارى «دالا قازىناسى» سەرياسىمەن شىعارىلادى. ەجەلگى اڭىز بويىنشا, ناعىز قازاق كوشپەندىسىنىڭ باستى جەتى قازىناسى بولعان: ەر جىگىت, اقىلدى, سۇلۋ ايەل, قۇماي تازى, اقىل-ءبىلىم, بەرەن مىلتىق, جۇيرىك ات جانە قىران بۇركىت. اقىلدى جار – وتباسىنىڭ بەرەكەسى, قۇماي تازى – اڭ اۋلاۋداعى سەرىگى, بەرەن مىلتىقپەن ۇرىستا ساتسىزدىككە ۇشىرامايدى, جۇيرىك ات پەن قىران بۇركىت – جاۋاپتى ساتتە كومەكشى, ال جان-جاقتى ءبىلىم – دانا شەشىم قابىلداۋعا كومەكتەسەدى دەپ ەسەپتەلگەن.

نومينالى 100 تەڭگەلىك بيكولورلى اينالىستاعى مونەتالار 7 تۇردە بەرىلگەن - «ER JIGIT», «SULÝ ÁIEL», «QUMAI TAZY», «AQYL BILIM», «BEREN MYLTYQ», «JÚIRIK AT», «QYRAN BÚRKIT».

بۇل مونەتالار اينالىمعا تەك ەكىنشى دەڭگەيدەگى بانكتەر ارقىلى شىعارىلادى. كەيىن اينالىمداعى وزگە مونەتالارمەن بىرگە قولما-قول اقشا تۇرىندە پايدالانىلادى. بۇل «JETI QAZYNA» سەرياسىنداعى مونەتالار زاڭدى تولەم قۇرالى رەتىندە تانىلادى جانە تولەمدەردىڭ بارلىق ءتۇرى بويىنشا قابىلدانۋعا مىندەتتى, ياعني, ولاردى تاۋار العاندا نەمەسە بەلگىلى ءبىر قىزمەتتى پايدالانعاندا تولەم قۇرالى رەتىندە پايدالانۋعا بولادى دەگەن ءسوز.

مونەتالاردىڭ تەحنيكالىق جانە ناقتى ولشەمدەرى (ماسساسى, ديامەترى, قالىڭدىعى, مەتالل قورىتپاسى) وزگەرىسسىز ساقتالعان. تەحنيكالىق سيپاتتامالارى جاعىنان ولار نومينالى 100 تەڭگەلىك مونەتالارعا تولىعىمەن ۇقساس. سول سەبەپتى «JETI QAZYNA» مونەتالارىن قابىلداۋ ءۇشىن تولەم تەرمينالدارى مەن باسقا دا كاسسالىق تەحنيكانى قوسىمشا قايتا تەڭشەۋ تالاپ ەتىلمەيدى.

100 تەڭگەلىك نومينالدىڭ ماسساسى – 6,45 گ, ديامەترى – 24,5 مم. ءار تۇرىنەن 500 000 دانا, جالپى تارالىمى – 3,5 ملن دانا.

التىننان, كۇمىستەن جانە مەلحيوردان دايىندالعان «JETI QAZYNA» كوللەكتسيالىق مونەتالارى بارلىق جەتى دالا قازىناسىنىڭ كوركەم بەينەسىن ءبىر مونەتادا كورسەتەدى.

بليستەرلىك جيىنتىق نومينالى 200 تەڭگەلىك «رrووf-like» ساپاسىمەن مەلحيور قوسپاسىنان دايىندالعان ءبىر كوللەكتسيالىق مونەتادان جانە نومينالى 100 تەڭگەلىك «brilliant uncirculated» ساپاسىمەن نيبراسس/نەيزيلبەر قوسپاسىنان دايىندالعان جەتى بيكولورلى اينالىستاعى مونەتادان تۇرادى. بۇل بليستەرلىك جيىنتىقتىڭ تارالىمى - 25 000 دانا.

«JETI QAZYNA» كوللەكتسيالىق مونەتالارى:

1) 500 تەڭگەلىك نومينال «proof» ساپاسىمەن 999/1000 سىنامالى التىننان تۇرادى, , ماسساسى 7,78 گرامم, ديامەترى 25 مم, تارالىمى 1000 دانا;

2) 5000 تەڭگەلىك نومينال «proof» ساپاسىمەن 925/1000 سىنامالى كۇمىستەن تۇرادى, , ماسساسى 777,5 گرامم, ديامەترى 100 مم, تارالىمى 250 دانا;

3) 500 تەڭگەلىك نومينال «proof» ساپاسىمەن 925/1000 سىنامالى كۇمىستەن جاسالعان, , ماسساسى 31,1 گرامم, ديامەترى 38,61 مم, تارالىمى 3 000 دانا;

4) 200 تەڭگەلىك نومينال «رrووf-like» ساپاسىمەن من 25 مەلحيور قوسپاسىنان جاسالعان, ماسساسى 15 گرامم, ديامەترى 33 مم, تارالىمى 25 000 دانا.

5) 100 تەڭگەلىك نومينال «brilliant uncirculated» ساپاسىمەن نيبراسس/نەيزيلبەر قوسپاسىنان تۇرادى, ماسساسى 6,45 گرامم, ديامەترى 24,5 مم, ءار تۇرىنەن 25 000 دانا, جالپى تارالىمى 175 000 دانا. 

نومينالى 500 تەڭگەلىك - التىننان, نومينالى 500 جانە 5 000 تەڭگەلىك - كۇمىستەن دايىندالعان مونەتالار, نومينالى 200 تەڭگەلىك مەلحيور قوسپاسىنان دايىندالعان ءبىر كوللەكتسيالىق مونەتادان جانە نومينالى 100 تەڭگەلىك «brilliant uncirculated» ساپاسىمەن نيبراسس/نەيزيلبەر قوسپاسىنان دايىندالعان جەتى بيكولورلى اينالىستاعى مونەتادان تۇراتىن بليستەرلىك جيىنتىق كوللەكتسيالىق قۇنى بويىنشا ساتۋعا ارنالعان.

التىننان جانە كۇمىستەن دايىندالعان مونەتالار كادەسىيلىق ورامدا شىعارىلادى جانە قازاقستان ۇلتتىق بانكىنىڭ مەملەكەتتىك, ورىس جانە اعىلشىن تىلدەرىندە نومىرلىك ساپا سەرتيفيكاتىمەن جابدىقتالعان. «رrووf-like» ساپاسىمەن مەلحيور قوسپاسىنان جانە «brilliant uncirculated» ساپاسىمەن نيبراسس/نەيزيلبەر قوسپاسىنان دايىندالعان مونەتالار بليستەرلىك جيىنتىقتا شىعارىلادى.

بۇل مونەتالار تولەمنىڭ بارلىق ءتۇرى بويىنشا قازاقستان رەسپۋبليكاسىنىڭ بۇكىل اۋماعىندا, ولاردىڭ بەلگىلەنگەن قۇنىمەن قابىلدانۋعا, سونداي-اق بانك شوتتارىنا ەسەپكە جازىلۋعا جانە اۋدارىلۋعا مىندەتتى, قازاقستان رەسپۋبليكاسىنىڭ بانكتەرىندە شەكتەۋسىز ۇساقتالادى جانە ايىرباستالادى.

اينالىمداعى كوللەكتسيالىق جانە بيكولورلى مونەتالار قازاقستان تەڭگە سارايىندا دايىندالعان.

باعالى مەتالداردان جاسالعان جانە بليستەرلىك جيىنتىقتارداعى كوللەكتسيالىق مونەتالاردى ساتۋ كۇنى تۋرالى اقپارات قازاقستان ۇلتتىق بانكىنىڭ رەسمي سايتىندا جاريالانادى. بۇل مونەتالاردى ۇلتتىق بانكتىڭ بارلىق اۋماقتىق فيليالدارىنان, سونداي-اق قۇب ينتەرنەت-دۇكەنى ارقىلى ساتىپ الۋعا بولادى.