چيلي ءانشىسى دجوناتان دونوسو بالا كەزدەن شىعارماشىلىققا بەت بۇردى. سەگىز جاسىندا فەستيۆالدارعا قاتىسىپ, ءان جانە انيماتسيالىق كەشتەردە ونەر كورسەتتى. وسىلاي مۋزىكاعا العاشقى قادام باستى. جاسى 32-گە كەلگەن ءانشىنىڭ ءالى كۇنگە دەيىن ءان ونەرىنە سۇيىسپەنشىلىگى وشكەن ەمەس.
دجوناتان چيليدەگى شاعىن, بىراق وتە ادەمى قالا رەنودا دۇنيەگە كەلدى. قازىر ول ءوزىنىڭ قىزى انيتا ليگەروسپەن بىرگە سان-فەرناندودا تۇرادى. ەميليا, مارتين جانە داناي ەسىمدى ءۇش بالاسى بار.
دجوناتان ءبىر جىل بۇرىن ديماشتىڭ «S.O.ءS»انىن ورىنداپ, Youtube جەلىسىنە جۇكتەگەن بولاتىن. ءوزىنىڭ ايتۋىنشا, وسى ساتتەن باستاپ ونىڭ ءومىرى تۇبەگەيلى وزگەردى.
وسىدان كەيىن دجوناتان قازاق ۇلى ديماشتىڭ شىعارمالارىن قالت جىبەرمەي قاداعالاپ وتىردى. جاڭا اندەرىن تاعاتسىزدانا كۇتۋدى ادەتكە اينالدىردى. ونىڭ اندەرىنە كاۆەر جاساۋعا قۇشتارلىعى وياندى. شىعارمانى قايتا ورىنداۋ عانا ەمەس ءاننىڭ ءماتىنىن يسپان تىلىنە اۋدارىپ ورىنداۋدى قولعا الدى.
ء«اندى تىڭداعان كەزدە مەن ونىڭ ماعىناسىن تۇسىنبەيمىن, ويتكەنى باسقا تىلدە. بىراق ول ماعان قاتتى ۇناپ, ءبىر ارەكەت جاساۋعا بەلگى بەرگەندەي بولدى. بۇل سەزىم ديماشتىڭ «Give Me Love» ءانىن تىڭداعان كەزدە پايدا بولدى. ءاننىڭ اۋەنى قاتتى اسەر ەتتى دە بىردەن اۋدارماسىن ىزدەدىم. اۋدارماسى ءتىپتى تاڭ قالدىردى. ءماتىن مەنىڭ باسىمانان وتكەن قيىن كەزەڭدەر مەن ويلارىمدى سيپاتتاعانداي بولىپ, بىردەن كاۆەر جاسايمىن دەپ شەشتىم«, – دەيدى ۆوكاليست.
دجوناتان ءاننىڭ اۋدارماسىنىڭ ءۇش نۇسقاسىن تاۋىپ, يسپان تىلىندە ادەبي ءماتىن جازدى. وسىدان كەيىن, ءوزىنىڭ العاشقى شىعارماسىن ورىنداپ, ۆوكاليست ونى Smule جانە YouTube-كە جۇكتەدى.
