تۇركىستان دەربەس وبلىس اتانعاندا, وبلىستىق سپورت كەشەنى شىمكەنت قالاسىنىڭ ۇلەسىنە وتكەن. قازىر مۇندا تۇركىستان وبلىسى مەن شىمكەنتتىك سپورتشىلار جاتتىعۋدا. حالىقارالىق دارەجەدەگى ەسكەك ەسۋ كانالى تۇركىستان قالاسىندا كەلەر جىلى سالىنادى.
وليمپيادالىق سۋ كەشەنىنىڭ ەسكيزدىك جوباسىن وبلىس اكىمى ومىرزاق ەستاي ۇلى ماقۇلدادى. ەسكەك ەسۋ جəنە بايداركا سپورتى بويىنشا وليمپيادالىق ستاندارتقا ساي ورتالىق 80 گەكتار القاپقا جايعاسادى. وسىلايشا قازاقستاندا سۋ سپورت تۇرلەرىنىڭ دامۋىنا ىقپال ەتىپ قانا قويماي, تۇركىستاندا جوعارى دەڭگەيدەگى جارىستار وتكىزۋگە مۇمكىندىك تۋادى. ساپبوردينگ, سۋ شاڭعىسى, فلايبوردينگ, ۆەيكسەرفينگ, كانوپولو, دراگونبوت جانە جاعاجاي ويىندار فۋتبولى, ۆولەيبول, گاندبول, تەننيس, رەگبي سەكىلدى سۋ جانە جاعاجاي سپورتىنىڭ تانىمال تۇرلەرىن دامىتۋعا سەپتىگىن تيگىزەتىن سپورت كەشەنىندە كەڭسەلەر, قوناقۇي, ساۋدا ورتالىقتارى, اكۆاپارك, بالالار اتتراكتسيوندارى جانە تاعى باس نىساندار ورنالاسادى.
ايتا كەتەلىك, توكيو وليمپياداسىنىڭ جولداماسى ءۇشىن ليتسەنزيالىق تۋرنيرلەرگە تۇركىستان وبلىسىنان ەسكەك ەسۋدەن يرينا كلينوۆا مەن اكادەميالىق ەسكەك ەسۋدەن ۆلاديسلاۆ ياكوۆلەۆ, سونىمەن قاتار پاراكونوەدەن ەلىمىزدىڭ دارىندى سپورتشىلارى جالعاس تايكەنوۆ پەن بيبارىس سپاتاي قاتىسادى.
تۇركىستان وبلىسى
