قازىر قور نەگىزىنەن "بيزنەستىڭ جول كارتاسى 2020" باعدارلاماسىنىڭ شەڭبەرىندە كاسىپكەرلەردىڭ العان نەسيەسىنىڭ ءوسىم پايىزدارىن سۋبسيديالاۋ ارقىلى قارجىلىق كومەك اگەنتىنىڭ ءرولىن اتقارۋدا. "دامۋ" قورىنىڭ ەلىمىزدىڭ بارلىق ايماقتارىندا فيليالدارى بار, ولار جەرگىلىكتى كاسىپكەرلەرمەن, قوعامدىق ۇيىمدارمەن جانە جەرگىلىكتى اتقارۋشى ورگاندارمەن تىعىز بايلانىسادى. قوردىڭ تاعى ءبىر قىزمەتى بەرىلگەن نەسيەلەرگە بانكتەردىڭ الدىندا كەپىلدىك بەرە الادى, ليزينگتىك مامىلەلەردى جەڭىلدىكپەن قارجىلاندىرادى. سونىمەن قاتار بۇل قور كاسىپكەرلىككە وقىتۋ, كونسالتينگتىك قىزمەت كورسەتۋ, اقپاراتتىق-ساراپتىق قولداۋلار ءبىلدىرۋ سياقتى قارجىلىق ەمەس كومەكتەر دە كورسەتەدى.
وتكەندە قوردىڭ ءباسپاسوز قىزمەتى قوستاناي مەن سولتۇستىك قازاقستان وبلىستارىنا پرەسس-تۋر جاساعان ەدى. سول شارانىڭ بارىسىندا تەك بيىل عانا قور سولتۇستىكقازاقستاندىق كاسىپكەرلەردىڭ 115 جوباسىن قولداپ, 11,8 ملرد. تەڭگەنىڭ مەملەكەتتىك قولداۋىن كورسەتكەندىگى بەلگىلى بولدى. وسى سوما تۇتاسىمەن شاعىن جانە ورتا بيزنەس وكىلدەرىنىڭ بانكتەن العان نەسيەلەرىنىڭ ءوسىم پايىزىن سۋبسيديالاندىرۋ تۇرىندە بەرىلىپ وتىر. بۇلاردان باسقا 6 ملرد. تەڭگەنىڭ 86 جوباسىنا كەپىلدىك بەرىلگەن.
"بيىلعى "دامۋ" قورىنىڭ 9 ايداعى بىزگە جاساعان كومەگىنىڭ كولەمى بىلتىرعى تولىق جىلدان اسىپ وتىر. جىلدىڭ اياعىنا دەيىن بۇل كومەك بىلتىرعىمەن سالىستىرعاندا 20 پايىزعا ارتىق بولادى دەپ بولجاپ وتىرمىز", دەيدى "دامۋ" قورىنىڭ ايماقتىق فيليالىنىڭ باسشىسى مەرەكە سىزدىقوۆ.
سولتۇستىكقازاقستاندىق "اگروپروفي" كومپانياسى سەرگەەۆكا جانە بۋلاەۆ قالالارىنىڭ كەيبىر مەكەمەلەرىنە جىلۋ جەتكىزۋمەن اينالىسادى. وسى كومپانيا "دامۋ" قورىنىڭ كومەگىن كورىپ وتىرعان كاسىپورىنداردىڭ ءبىرى. قازىر ولار قوردىڭ كومەگىمەن ساتىپ العان قازاندىقتاردىڭ ارقاسىندا جىلۋ ەنەرگياسىن وزدەرى شىعارادى.
"دامۋ" قورى كومپانيانىڭ اتف بانكتەن بەس جىلعا 14 پايىزدىق وسىممەن العان 86 ملن تەڭگە نەسيەسىنىڭ 10 پايىزىن سۋبسيديالاپ وتىر.
ء"بىز تەك 4 پايىزدىق ءوسىمدى تولەيمىز. بۇل بىزگە ۇلكەن كومەك بولىپ وتىر. الداعى ۋاقىتتا ءبىز جىلۋمەن قامتۋ كولەمىن ارتتىرىپ, پەتروپاۆلداعى ءتورت مەكتەپتى, شال اقىن, جامبىل اۋداندارىنداعى مەكتەپتەردى دە جىلۋمەن قامتۋدى جوسپارلاپ وتىرمىز", دەيدى كومپانيانىڭ ديرەكتورى نيكولاي دەنيسوۆ.
ايتا كەتەتىن ءبىر جايت, وسى كومپانيا ساتىپ الاتىن پولشالىق قازاندىقتاردىڭ ساپاسى جوعارى جانە ەكولوگيالىق وتىنداردى تولىق جاعا الادى. ەكولوگيالىق وتىننىڭ قاتارىنا سابان قولدانىلادى. ونىڭ ەنەرگيا قۋاتىن وندىرۋدەگى تيىمدىلىگى 85 پايىز.
قوردىڭ پايداسىن كورىپ وتىرعان تاعى ءبىر كاسىپكەر التىناي ءساتينا. ونىڭ كاسىپورنى جەلدەتكىش جۇيەسىن, جىلۋ, پەش سالۋمەن اينالىسادى.
"مەملەكەتتىك قولداۋ قورى بارىن ەستىگەن سوڭ مەن ودان كەڭەس الۋعا باردىم. جەڭىلدىكپەن نەسيەلەندىرۋ جولدارى تۋرالى ءبىلىپ, ءوزىمنىڭ جوباممەن تانىستىرعان ەدىم. "دامۋ" قورى قولداعان سوڭ ونى بانك تە نەسيەلەندىرۋگە قارسى بولمادى. ءسويتىپ مەن 6 پايىزدىق قانا وسىممەن 60 ايعا 15,6 ملن نەسيە الۋعا قول جەتكىزدىم. قازىر ونىڭ ءبىرازىن جوندەۋ جۇمىستارىنا, ءبىرازىن جاڭا جابدىقتار الۋعا جۇمسادىم", دەيدى كاسىپكەر.
"قاراپايىم زاتتار ەكونوميكاسى" مەملەكەتتىك باعدارلاماسىنىڭ شەڭبەرىندە "يۋدي–دەنت" ستوماتولوگيالىق قىزمەتتەردى ۇسىناتىن كومپانياسى قوردىڭ قولداۋىمەن جىلدىق ءوسىمى 6 پايىزبەن 29,3 ملن تەڭگە نەسيە الدى. ء"بىز "دامۋ" قورىنىڭ قولداۋىمەن پروتەزدەردى جىلدام دايىنداۋعا مۇمكىندىك بەرەتىن "تسيفرلىق زەرتحانا" جابدىعىن ساتىپ الۋعا نەسيە الدىق. جابدىق وتە قىمبات تۇرادى, سوندىقتان ونى وزدىگىمىزدەن ساتىپ الۋعا مۇمكىندىگىمىز بولمادى. "دامۋ" قورىنىڭ قولداۋىنىڭ ارقاسىندا بۇل پروبلەمامىزدى شەشتىك", دەيدى "يۋدي-دەنت" جشس باسشىسى يۋليا رەدكينا.
مىنە, كاسىپكەرلىكپەن اينالىسىپ جاتقان سولتۇستىكقازاقستاندىقتارعا مەملەكەت «دامۋ» قورى ارقىلى وسىنداي كومەكتەر كورسەتىپ جاتىر. ءبىز كومەك العانداردىڭ اراسىنان بىرنەشەۋىن عانا اتادىق. بارلىق كومەكتىڭ كولەمى 12 ملرد. تەڭگەنىڭ ماڭىندا. وسى يگىلىكتى پايدالانىپ قازاق جىگىتتەرى دە بەلسەندىرەك قىزمەت ەتسە قانەكي. ايتپەسە, كاسىپكەرلەردىڭ كوبى باسقا ەسىمدى ادامدار ەكەنى كورىنىپ تۇر.
سولتۇستىك قازاقستان وبلىسى
