كەڭەس بارىسىندا پوليتسيانىڭ ۋچاسكەلىك ينسپەكتورلارىنىڭ جۇمىس ناتيجەلەرى تىڭدالدى. قالادا 491 ۋچاسكەلىك ينسپەكتور مەن ولاردىڭ 102 ۋچاسكەلىك كومەكشىسى قىزمەت ەتەدى. 102 ۋچاسكەلىك پۋنكت جۇمىس جاسايدى. وتكەن جىلى الماتى قالاسىنىڭ اكىمى ب.ساعىنتاەۆتىڭ تاپسىرماسى بويىنشا كريمينوگەندى ايماقتارعا 37 مودۋلدىك پوليتسيا بەكەتتەرى ورناتىلدى, ولارعا اعىمداعى جىلدىڭ باسىنان بەرى 40 مىڭعا جۋىق ءوتىنىش تۇسكەن.
جىل باسىنان بەرى ۋچاسكەلىك ينسپەكتورلار 5 مىڭنان استام قىلمىستى اشىپ, قالا تۇرعىندارىنىڭ 370 مىڭنان استام شاعىمدارى مەن ارىزدارىن قارادى. اكىمشىلىك جاۋاپكەرشىلىككە 61,6 مىڭ ازامات تارتىلدى.
الماتى اكىمى ب.ساعىنتاەۆ قۇقىق بۇزۋشىلىقتى بولدىرماۋ, ونىڭ ىشىندە تۇرمىستىق سيپاتتاعى قۇقىق بۇزۋشىلىقتاردىڭ الدىن الۋ بويىنشا پروفيلاكتيكالىق جۇمىستاردى كۇشەيتۋدى تاپسىردى. كەڭەس بارىسىندا ۋچاسكەلىك پوليتسيا قىزمەتىنىڭ ماتەريالدىق-تەحنيكالىق بازاسىن نىعايتۋ, ۋچاسكەلىك پوليتسيا قىزمەتكەرلەرىنىڭ مارتەبەسىن كوتەرۋ ماسەلەلەرى قارالدى. سوندىقتان دامۋدىڭ كەشەندى باعدارلاماسىن قابىلداۋ قاجەت.
قوعامدىق قاۋىپسىزدىكتى قامتاماسىز ەتۋ شارالارىن كۇشەيتۋ مىندەتى العا قويىلدى, ويتكەنى قالا تۇرعىندارىنىڭ جايلىلىعى مەن تىنىس-تىرشىلىگى وسىعان تىكەلەي قاتىستى.
كەڭەستە اۋداندار پوليتسيا باسقارمالارى ۋچاسكەلىك ينسپەكتورلارىنىڭ ناتيجەلى جۇمىستارى اتاپ ءوتىلدى.
