ايتا كەتۋ كەرەك, الەمنىڭ بىرقاتار ەلدەرىندە ينفەكتسيانى بولدىرماۋ ءۇشىن جاڭا شارالار قابىلدانۋدا. مىسالى, 30 قازانعا قاراعان ءتۇنى فرانتسيا COVID-19 جۇقتىرعاندار سانىنىڭ وسۋىنە بايلانىستى ءوزىن-ءوزى وقشاۋلاۋ رەجيمىن قايتا ەنگىزدى. اقش-تىڭ نيۋ-يورك شتاتىنا باسقا شتاتتاردان كەلگەندەردىڭ بارلىعىنا ءۇش كۇندىك كارانتيندى گۋبەرناتور ەندريۋ كۋومو ەنگىزدى.
ماسكا كيۋ تۇرىندەگى قوسىمشا ۆيرۋسقا قارسى شارالاردى وڭتۇستىك كورەيا بيلىگى ەلدە كوروناۆيرۋس ينفەكتسياسىن جۇقتىرۋ وقيعالارىنىڭ كوبەيۋى اياسىندا ەنگىزۋدە. شۆەيتساريانىڭ استاناسى جەنەۆادا كوروناۆيرۋس ينفەكتسياسىن جاڭادان جۇقتىرۋدىڭ ءوسۋىن باسەڭدەتۋگە ۇمىتتەنىپ, ءبىر ايعا كۇشەيتىلگەن كارانتين ەنگىزۋدە. بالتىق جاعالاۋى ەلدەرى, فينليانديا جانە شۆەتسيا ەلدەرىنىڭ بيلىگى حالىقتى كوروناۆيرۋستان قورعاۋ شارالارىن كۇشەيتتى: 1 قاراشادان باستاپ ستوكگولمدا بارلىق مۋنيتسيپالدى مۇراجايلار جابىلدى, سپورت زالدارى مەن باسسەيندەرگە بارۋعا قوسىمشا شەكتەۋلەر ەنگىزىلدى; ەستونيا ەلگە كىرۋشىلەر ءۇشىن ەكى اپتالىق كارانتين ەنگىزدى جانە ت. ب.
وسىعان بايلانىستى وڭىرلىك كوممۋنيكاتسيالار قىزمەتىنە ونلاين-سۇحباتىندا №8 قالالىق ەمحانانىڭ باس دارىگەرى فاريدا اعىباەۆا الماتى تۇرعىندارىمەن كوروناۆيرۋستىڭ الدىن الۋ بويىنشا ۇسىنىستارمەن ءبولىستى.
"قازىر ءبىز COVID-19 جاعدايلارىنىڭ ءوسۋىن بايقايمىز. ءبىزدىڭ ەمحانادا وتكەن ايلارمەن سالىستىرعاندا, قازان ايىنىڭ باسىنان باستاپ 1,5% - عا ءوسۋ بايقالادى. وسىعان بايلانىستى, قالا تۇرعىندارىنا ۇيدە بولۋعا, تەمپەراتۋرا پايدا بولعان كەزدە ۋچاسكەلىك دارىگەردى, جەدەل مەديتسينالىق كومەكتى شاقىرۋعا كەڭەس بەرەمىز", دەدى باس دارىگەر.
الماتى اكىمدىگى قالا تۇرعىندارى مەن قوناقتارىن ءوز دەنساۋلىعىن قورعاۋ جانە اينالاسىنداعىلاردىڭ ساۋلىعى ءۇشىن سانيتارلىق-ەپيدەميالىق تالاپتاردى قاتاڭ ساقتاۋدى جالعاستىرۋدى سۇرايدى. كوروناۆيرۋس ينفەكتسياسى قارت ادامدار ءۇشىن قاۋىپتى, ولارعا مۇمكىندىگىنشە ۇيدە بولۋعا كەڭەس بەرىلەدى. بارلىق قالا تۇرعىندارىنا ادامدار كوپ جينالاتىن ورىندارعا بارۋدان باس تارتۋ, الەۋمەتتىك قاشىقتىق پەن بەتپەردە رەجيمىن ساقتاۋ بويىنشا ۇسىنىستار بەرىلدى.
فاريدا اعىباەۆا الماتىلىقتارعا نەگىزگى ۇسىنىستار تۋرالى ەسكە سالدى:
- جەكە بايلانىستاردان اۋلاق بولىڭىز, ونىڭ ىشىندە قۇشاقتاۋ, قول الىسۋ;
- قولدى ءجيى جۋ, ۇيدەن تىس جەردە ءبىر رەتتىك مايلىقتى قولدانۋ;
- بولمەلەردى جەلدەتۋ;- جوتەلگەندە, تۇشكىرگەندە قول ورامالدى قولدانۋ نەمەسە شىنتاق بۋىنىنا تۇشكىرۋ كەرەك;
- ۇيدەن شىقپاس بۇرىن مەديتسينالىق ماسكا, سونداي-اق ۇزىن جەڭدى سىرتقى كيىم كيۋ. ۇيگە قايتقاندا ماسكا مەن قولعاپتى بايقاپ شەشۋ قاجەت, اۋا كىرمەيتىندەي ەتىپ پاكەتكە سالىپ, قوقىس سالاتىن جاشىككە تاستاۋ كەرەك. سودان كەيىن قولدى جۋ نەمەسە زارارسىزداندىرۋ.كەم دەگەندە 1,5 مەتر الەۋمەتتىك قاشىقتىقتى ساقتاڭىز.
"وزدەرىڭىزگە بەلگىلى بولعانداي, قالادا كارانتين رەجيمىن, سونىڭ ىشىندە ماسكا رەجيمىن بۇزۋ جاعدايلارىن انىقتايتىن ءموبيلدى توپتار جۇمىس ىستەيدى. موبيلدىك توپتار تىركەگەن بۇزۋشىلىقتار اۋداندىق ەمحانالارعا بەرىلەدى جانە ولار بويىنشا ءتيىستى شارالار قابىلدانادى. ءوزىڭىزدىڭ جانە جاقىندارىڭىزدىڭ دەنساۋلىعىن ساقتاۋ ءۇشىن بەتپەردە كيۋدى ۇسىنامىز. ماسكا كيگەن كەزدە 60-70%-عا دەيىن اۋرۋدىڭ الدىن الۋعا بولادى", دەپ اتاپ ءوتتى باس دارىگەر.
اعىمداعى جىلدىڭ 2 قازانىندا مونيتورينگتىك توپتاردىڭ تەكسەرۋ شارالارى بارىسىندا 27 نىسان قامتىلىپ, 3-نەن بۇزۋشىلىقتار انىقتالدى:
- اۋەزوۆ اۋدانى - اقساي - 4 ش.ا, مارعۇلان ك – ءسى, 17د مەكەنجايىنداعى "Miami" ءدامحاناسى - ساعات 23.00-دەن كەيىن جۇمىس رەجيمىن بۇزۋ; - بوستاندىق اۋدانى, - اباي داڭعىلى, 52/2 مەكەنجايىنداعى «Sushi راي» ءدامحاناسى -ساعات 23.00-دەن كەيىن جۇمىس رەجيمىن بۇزۋ;- تۇركسىب اۋدانى – اقان سەرى كوشەسى, 20/5 مەكەنجايىندا ورنالاسقان «Lotomatic» ويىن زالى - ۋاقىتشا تىيىم سالىندى.
زاڭدى تۇلعالارعا قاتىستى انىقتالعان بۇزۋشىلىقتار بويىنشا قر اقبتك-ءنىڭ 425-بابىنىڭ 1-بولىگىنە سايكەس شارالار قابىلداناتىن بولادى.
