الماتىدا شاھار باسشىسى باقىتجان ساعىنتاەۆتىڭ تاپسىرماسىمەن كوروناۆيرۋس پاندەمياسىنىڭ جاڭا تولقىنىنا دايىندىقتى قامتاماسىز ەتۋ بويىنشا بارلىق شارالار الدىن الا قابىلداندى.
№ 8 قالالىق ەمحانا بازاسىندا الماتىداعى بارلىق مەديتسينالىق مەكەمەلەردىڭ جۇمىس الگوريتمى ءتۇسىندىرىلدى.
- ماتەريالدىق جانە ماتەريالدىق ەمەس رەسۋرستار بويىنشا ءتيىستى ەسەپتەۋلەر ارقىلى COVID-19 پاندەمياسىنىڭ جاڭا تولقىنىنا دايىندىق جوسپارى ازىرلەندى;
- نەگىزگى جانە قوسىمشا پروتسەستەر تۇرعىسىنان دايىندىقتى باعالاۋدىڭ چەك-پاراقتارى, جرۆي, كوروناۆيرۋس ينفەكتسياسى بار ناۋقاسقا كورسەتىلەتىن باعىت ازىرلەندى;
- ەپيدەميانىڭ ەكىنشى تولقىنى كەزەڭىنە Call-center-دە مەديتسينالىق تىركەۋ ورىندارىنا قوسىمشا 6 ادام, پاندەميانىڭ ەكىنشى تولقىنى كەزەڭىنە جەدەل مەديتسينالىق كومەك بولىمشەسىندەگى قوسىمشا فەلدشەرلىك بريگادالار (3 نەگىزگى بريگاداعا دەيىن, 1 رەزەرۆتىك), 2 اۆتوكولىك قاجەتتىلىگى ەسەپتەلگەن. قاجەتتىلىك بويىنشا بەيىندى ماماندار قاتارىنان, ونىڭ ىشىندە ۇيدە شاعىن ءينۆازيۆتى مانيپۋلياتسيالار جانە ءۇي جاعدايلارىندا جۇزەگە اسىرىلاتىن زەرتحانالىق-اسپاپتىق زەرتتەۋلەر جۇرگىزە وتىرىپ, ءموبيلدى دارىگەرلىك بريگادا قۇرىلاتىن بولادى.
"لاس" جانە "تازا" ايماقتارعا ءبولۋ جۇرگىزىلدى. "تازا" ايماقتا بالالار مەن جۇكتى ايەلدەرگە ارنالعان جەكە فيلتر-كابينەتتەرى ۇيىمداستىرىلعان. پاتسيەنتتەر اعىنىن سۇرىپتاۋ ءۇشىن ءدالىز ورناتىلدى. ەمحانانىڭ كىرەبەرىسىندە بۇكىل ناۋقاستار اعىنىنىڭ دەنە قىزۋىن ولشەۋ ءۇشىن بايلانىسسىز تەپلوۆيزور ورناتىلعان. ەمحاناعا كىرگەن كەزدە پاتسيەنتتەر "ترياج" جۇيەسى ارقىلى وتەدى: بايلانىسسىز تەرمومەتريامەن اعىندارعا ءبولۋ, جرۆي جانە كوروناۆيرۋس ينفەكتسياسى بەلگىلەرىنىڭ بار-جوعىنا ساۋالناما جۇرگىزىلەدى.
"فيلتر" مەن وقشاۋلاعىشتار ءبىرىنشى قاباتتا ۇيىمداستىرىلعان, وندا ولارعا بايلانىسسىز تەرمومەتريا جانە COVID-19 جوققا شىعارمايتىن كلينيكالىق بەلگىلەرى بار پاتسيەنتتەردى انىقتاۋ ماقساتىندا ساۋالناما جۇرگىزىلەدى. اۋرۋ بەلگىلەرى انىقتالعان كەزدە بالا ۋاقىتشا وقشاۋلاعىشقا ورنالاستىرىلادى. پەدياتر دارىگەر قاراپ تەكسەرگەننەن كەيىن, پاتسيەنت امبۋلاتوريالىق ەمدەلۋگە جىبەرىلەدى نەمەسە پروۆيزورلىق ستاتسيونارعا ەمدەۋگە جاتقىزىلادى. دەنە قىزۋى جوعارى بالالار ەمحاناعا جىبەرىلمەيدى.
№8 ەمحانادا كۆي اۋرۋىنىڭ سيمپتومسىز, جەڭىل, ورتاشا ءتۇرى بار ناۋقاستاردى مەديتسينالىق باقىلاۋ بويىنشا 12 ءموبيلدى توپ قۇرىلدى. ءموبيلدى بريگادالار نورماتيۆتىك تالاپتارعا سايكەس جابدىقتالعان, سونىڭ ىشىندە جەدەل شۇعىل كومەك كورسەتۋگە ارنالعان جيىنتىقتارمەن جابدىقتالعان. وسىلايشا, ءموبيلدى بريگادالار ەپيدەميالىق جاعدايعا بايلانىستى مەديتسينالىق قىزمەتتەر كەشەنىن كورسەتەدى: ۇيگە شاقىرۋ بويىنشا قىزمەت كورسەتۋ, پاتسيەنتتەرگە كونسۋلتاتسيا بەرۋ (اۋديو-ۆيدەو), بيولوگيالىق ماتەريالدار ۇلگىلەرىن جيناۋ, ەم تاعايىنداۋ جانە ت. ب.
بۇگىنگى كۇنى مونيتورينگتە سيمپتومسىز 2 ناۋقاس بار. سونداي-اق, جالپى پراكتيكا دارىگەرلەرىنىڭ ءبولىم مەڭگەرۋشىلەرى دەڭگەيىندە جرۆي, كوروناۆيرۋس ينفەكتسياسى, قاۋىپ توبىنداعى پاتسيەنتتەردى ءتيىستى سۇرىپتاۋ جانە ديناميكالىق باقىلاۋ جۇرگىزىلەدى.
الماتى
