ەمحانا قىزمەتكەرلەرىنىڭ جۇقتىرۋىن بولدىرماۋ ءۇشىن مەديتسينالىق پەرسونالدىڭ ينفەكتسيالىق قاۋىپسىزدىگى ساقتالادى, جەكە قورعانۋ قۇرالدارىن پايدالانۋ: كيۋ, الىپ تاستاۋ, كادەگە جاراتۋ بويىنشا نۇسقاما جۇرگىزىلەدى.
مەديتسينا قىزمەتكەرلەرى مەن كىشى مەديتسينا پەرسونالى ينفەكتسيالىق باقىلاۋ ماسەلەلەرى - جقق كيۋ, شەشۋ بويىنشا نۇسقامادان وتەدى, نۇسقامادان وتكەنى تۋرالى جۋرنالعا بەلگى مەن مەديتسينا پەرسونالىنىڭ جەكە قولى قويىلادى.
"مەديتسينا قىزمەتكەرلەرى ءۇشىن جەكە كىرۋ ەسىگى, "لاس" جانە "تازا", جەكە قورعانىس قۇرالدارىن كيۋگە ارنالعان ورتالىقتاندىرىلعان كابينەتتەر ۇيىمداستىرىلعان, ءاربىر قۇرىلىمدىق بولىمشە ءۇشىن اۋىسىمدى كيىم كيۋگە ارنالعان جەكە كابينەتتەر بار", دەپ اتاپ ءوتتى باس دارىگەر.
ەمحانا قىزمەتكەرلەرى جەكە قورعانۋ قۇرالدارىنىڭ جەتكىلىكتى سانىمەن: ءار 2 ساعات سايىن بەتپەردەلەردى اۋىستىرۋ ەسەبىنەن ءبىر رەت قولدانىلاتىن ماسكالارمەن; ءار پاتسيەنتتەن كەيىن اۋىستىرۋ ەسەبىنەن ءبىر رەت قولدانىلاتىن قولعاپتارمەن, ءبىر رەت قولدانىلاتىن حالاتتارمەن, انتيسەپتيكتەرمەن جانە دەزينفەكتسيالاۋ قۇرالدارىمەن قامتاماسىز ەتىلگەن.
بۇدان باسقا, جاڭا كلينيكالىق حاتتامالاردى ەسكەرە وتىرىپ, العاشقى مەديتسينالىق-سانيتارلىق كومەك جاعدايىندا كوروناۆيرۋستىق ينفەكتسياسى بار ناۋقاستاردى دياگنوستيكالاۋ مەن ەمدەۋ, كلينيكا ماسەلەلەرى بويىنشا سەمينارلار تۇراقتى نەگىزدە وتكىزىلەدى. ەمحانا قىزمەتكەرلەرى بايلانىستا بولعان جانە سيمپتومسىز ۆيرۋس تاسىمالداۋشىلارعا مەديتسينالىق باقىلاۋ جانە زەرتحانالىق تەكسەرۋ جۇرگىزەدى.
ەمحانادا 120 كۇنگە جەتەتىن دارىلىك پرەپاراتتار قورى بار. مەديتسينالىق جابدىقتارمەن جانە مەديتسينالىق بۇيىمدارمەن جابدىقتاۋ 100% قۇرايدى.
الماتى
