تەلەارنا مالىمەتىنشە, جانجال "پوليانا 1ب" دەمالىس ورنىندا بولعان. كۋاگەرلەردىڭ ايتۋىنشا, وق اتقاندار مەن كەشەن يەسىنىڭ اراسىندا جەكە ماسەلەلەر بولعان. جانجالدى دەمالۋشىلاردىڭ ءبىرى ۆيدەوعا تۇسىرگەن. روليك اۆتورى وق داۋىسىن ەستىگەننەن كەيىن كامەرا قوسقانىن ايتتى.
باسقا كۋاگەرلەردىڭ ايتۋىنشا, ولار مەديتسينالىق ماسكا كيگەن ءبىر توپ ادامنىڭ دەمالىس كەشەنىنە كىرگەنىن كورگەن. ولار كەشەننىڭ يەسىن ىزدەپ كەلگەن جانە جانجالداسقاننان كەيىن وق اتقان.
"قاتتى جارىلىس بولدى, شامامەن ءتورت رەت. سوسىن مەن دەمالىپ وتىرعان ادامداردىڭ كەتە باستاعانىن كوردىم. ولار قورقىپ كەتتى. جارىلىس بولدى دەگەن قاۋەسەت شىقتى, بىراق مەن قاتەلەسىپپىن. ول جەردە ادام ولتىرىلگەن شىعار", دەدى ىلە اۋدانىنىڭ تۇرعىنى لەونيد پرونيۋكوۆ.
جەرگىلىكتى تۇرعىندار دەمالىس ورنىندا مۇنداي جاعداي ەشقاشان بولماعانىن اتاپ ءوتتى. ولاردىڭ ايتۋىنشا, كەشەننىڭ يەسى جاقسى ادام جانە ونىڭ جاۋى بولعان ەمەس. سونداي-اق سپورتپەن شۇعىلدانامىن دەگەن كەز كەلگەن ادام ءۇشىن كەشەن ءاردايىم اشىق بولعان. ال جۇمىس كۇندەرى كىرۋ تەگىن. بىراق قازىرگى جاعدايعا بايلانىستى دەمالىس ورنى جابىق - ەسىكتە ۇلكەن ق ۇلىپ تۇر جانە قاراۋىلداپ يت جاتىر.
