سانيتارلىق-ەپيدەميولوگيالىق احۋال جانە COVID-19-دىڭ ەكىنشى تولقىنىنا دايىندىق تۋرالى دەنساۋلىق ساقتاۋ ءمينيسترى ا. تسوي, جەكە قورعانىش قۇرالدارىنىڭ باعا ساياساتىن مونيتورينگىلەۋ جۇمىسى تۋرالى باسەكەلەستىكتى قورعاۋ جانە دامىتۋ اگەنتتىگىنىڭ توراعاسى س. جۇمانعارين, سانيتارلىق تالاپتاردىڭ ساقتالۋىن باقىلاۋ تۋرالى ىشكى ىستەر ءمينيسترى ە. تۇرعىمباەۆ, وڭىرلەردەگى احۋال تۋرالى اقمولا وبلىسىنىڭ اكىمى ە. مارجىقپاەۆ, سولتۇستىك قازاقستان وبلىسىنىڭ اكىمى ق. اقساقالوۆ, پاۆلودار وبلىسىنىڭ اكىمى ءا. سقاقوۆ, شىعىس قازاقستان وبلىسى اكىمىنىڭ ورىنباسارى ش. بۇقتۇعۇتوۆ باياندادى.
بيىلعى 2 قاراشاداعى جاعداي بويىنشا قر كوپتەگەن وڭىرىندە سىرقاتتانۋشىلىقتىڭ ءوسۋى بايقالادى. وسى جىلعى 5-18 قازان ارالىعىندا ەلىمىزدە ۆيرۋستى جۇقتىرعان 1272 ادام انىقتالدى, 19 قازان مەن 1 قاراشا ارالىعىندا – 3352 ادام. تاۋلىگىنە 442 ادام اۋىرىپ قالدى. ءوسۋ قارقىنى 0,4%-دى, رەپرودۋكتيۆتىلىك كورسەتكىشى 1,4-ءتى قۇرايدى. ينفەكتسيالىق توسەك ورىندارى 22%-عا, رەانيماتسيالىق ورىندار 18%-عا جۇكتەلگەن.
ءبىر اي ىشىندە سىرقاتتانۋشىلىق دەڭگەيىنىڭ ەڭ جوعارى ءوسىمى شىعىس قازاقستان, اقمولا, قوستاناي, باتىس قازاقستان, پاۆلودار وبلىستارىندا بايقالادى. ۇكىمەت باسشىسى بيزنەس سۋبەكتىلەرى مەن حالىقتىڭ شەكتەۋ شارالارى مەن كارانتين رەجيمىن ساقتاۋىن باقىلاۋ جونىندەگى مونيتورينگتىك توپتار قىزمەتىنىڭ تيىمدىلىگىن ارتتىرۋدى تاپسىردى.
پرەمەر-مينيستر بارلىق وڭىرلەر تۇراقتاندىرۋ قورلارىن دەنساۋلىق ساقتاۋ مينيسترلىگىنىڭ نورماتيۆتەرىنە دەيىن جەتكىزۋ بويىنشا العا قويىلعان مىندەتتى ورىنداعانىن اتاپ ءوتتى.
ۇكىمەت باسشىسى ەمحانالاردى, ستاتسيونارلاردى, جەدەل جاردەم قىزمەتتەرىن قاجەتتى جابدىقپەن تولىقتىرۋدى جالعاستىرۋدى تاپسىردى. تسيفرلاندىرۋ جانە دەنساۋلىق ساقتاۋ مينيسترلىكتەرىنە اۋرۋدى جۇقتىرعاندارمەن بايلانىستا بولعان ادامداردى, ناۋقاستاردى قاداعالاۋ, سانيتاريالىق تالاپتاردىڭ ساقتالۋىنا مونيتورينگ جاساۋ جونىندەگى باعدارلامالاردى ازىرلەپ, ەنگىزۋدى جەدەلدەتۋ, يندۋستريا مينيسترلىگىنە وڭىرلەرگە رەنتگەن اپپاراتتارىن, جەدەل جاردەم اۆتوكولىكتەرىن جەتكىزۋدى جىلدامداتۋ, اكىمدىكتەرگە ولاردى قابىلداۋدى تەزدەتۋ تاپسىرىلدى.
ۆاك بىرقاتار شەشىم قابىلدادى:
ءى. مىنا ازاماتتار ءۇشىن مەملەكەتتىك شەكارانى كەسىپ ءوتۋ تارتىبىنە وزگەرىستەر ەنگىزۋ:
قر اۋماعىندا تۇرۋعا ىقتيارحاتى بار شەتەلدىكتەر, ولاردىڭ وتباسى مۇشەلەرى ءۇشىن;
قر ازاماتتارىنىڭ وتباسى مۇشەلەرى بولىپ تابىلاتىن شەتەلدىكتەر ءۇشىن. اتالعان ساناتتاعى تۇلعالار قر مەملەكەتتىك شەكاراسىن 90 تاۋلىكتە 1 رەتتەن ارتىق كەسىپ وتە المايدى (بۇعان دەيىن 30 تاۋلىك بولعان).
II. ۆيزاسىز رەجيم بويىنشا
57 ەلدىڭ ازاماتتارى ءۇشىن ۆيزاسىز رەجيمدى توقتاتا تۇرۋدى 2021 جىلعى 1 مامىرعا دەيىن ۇزارتۋ. قحر مەن ءۇندىستاننان كەلەتىن ترانزيتتىك جولاۋشىلاردىڭ قر اۋماعىندا 72 ساعات ۆيزاسىز بولۋىن توقتاتا تۇرۋدى 2021 جىلعى 1 قاڭتارعا دەيىن ۇزارتۋ.
ءIىى. تۇركيامەن اۋە رەيستەرى بويىنشا
2020 جىلعى 9 قاراشادان باستاپ تۇركيامەن حالىقارالىق اۋە رەيستەرىنىڭ سانىن اپتاسىنا 33-تەن 20-عا دەيىن قىسقارتۋ.
