ايماقتار • 02 قاراشا، 2020

سولتۇستىكتە كارانتيندى بۇزۋدىڭ 34 دەرەگى انىقتالدى

816 رەت كورسەتىلدى

سولتۇستىك قازاقستان وبلىسىندا وتكەن دەمالىس كۇندەرى مونيتورينگتىك توپتار كارانتين تالاپتارىن بۇزۋدىڭ 34 دەرەگىن انىقتادى، دەپ حابارلايدى Egemen.kz

سولتۇستىك قازاقستان وبلىسى پوليتسيا دەپارتامەنتى ءباسپاسوز قىزمەتىنىڭ مالىمەتىنشە، مونيتورينگتىك توپتار پەتروپاۆل ماڭىنداعى دەمالىس ورىندارىن تەكسەردى. ناتيجەسىندە، جۇرگىزىلىپ جاتقان ءتۇسىندىرۋ شارالارىنا جانە ەسكەرتۋلەرگە قاراماستان كەي تۇرعىندار جيىنداردان ءالى دە بولسا باس تارپاعان. قۇرامىندا جەرگىلىكتى پوليتسيا قىزمەتى باسقارماسىنىڭ قىزمەتكەرلەرى، پروكۋراتۋرا وكىلدەرى مەن سانيتاريالىق دارىگەرلەر بولعان مونيتورينگ توپ "بەرەزوۆايا روششا" دەمالىس ورنىنا كەلگەندە، ونداعى بارلىق ۇيلەردە دەمالۋشىلار بولعان. قالا تۇرعىندارى كارانتين رەجيمىن بۇزىپ، تۋىستارىمەن جانە جولداستارىمەن بىرگە تۋعان كۇندەرىن تويلاعان. اتالعان فاكتىلەر بويىنشا كەشەن يەلەرىنە دە، توي يەلەرىنە دە اكىمشىلىك ماتەريالدار تولتىرىلدى. سونداي-اق دەمالىس كۇندەرى كارانتيندىك شارالاردى بۇزىپ، جۇمىس ىستەگەن "وگني كاسپيا" ءدامحاناسىنىڭ يەسى دە اكىمشىلىك جازاعا تارتىلادى.

"دەمالىس كۇندەرى شەكتەۋ شارالارىنىڭ كۇشەيتىلگەنىن ەستەرىڭىزگە سالامىز. وبلىستىڭ باس سانيتاريالىق دارىگەرىنىڭ قاۋلىسىنا سايكەس كوڭىل كوتەرۋ مەكەمەلەرىنىڭ جۇمىسىنا تىيىم سالىندى. قوعامدىق تاماقتاندىرۋ نىساندارى سەنبى-جەكسەنبى كۇندەرى ونىمدەرىن جەتكىزۋ ارقىلى عانا جۇمىستارىن جۇرگىزە الادى"، دەيدى پەتروپاۆل قالالىق پب باستىعى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار