الەمدەگى ەڭ تانىمال Coursera ونلاين-وقىتۋ پلاتفورماسى قر ەڭبەك جانە حالىقتى الەۋمەتتىك قورعاۋ مينيسترلىگىمەن جانە "ەڭبەك رەسۋرستارىن دامىتۋ ورتالىعى" اق-مەن بىرلەسىپ قازاقستاندىقتار ءۇشىن تەگىن ونلاين-ءبىلىم بەرۋدىڭ اۋقىمدى جوباسىن ىسكە اسىرۋدا. جوبا 31 قازانعا دەيىنگى مەرزىمگە ەسەپتەلگەن, الايدا, جوبانى ۇيىمداستىرۋشىلار اراسىندا كۋرستارعا تىركەلۋ مەرزىمىن 2020 جىلعى 14 جەلتوقسانعا دەيىن جانە وقۋ مەرزىمىن 2021 جىلعى 15 اقپانعا دەيىن وتەۋسىز نەگىزدە ۇزارتۋ تۋرالى ۋاعدالاستىققا قول جەتكىزىلدى.
داعدىلاردى ارتتىرۋ ماقساتىندا تەگىن كۋرستار اشىلعان ساتتەن باستاپ ولارعا 57 مىڭ ءوتىنىم بەرىلگەن, ونىڭ ىشىندە 24 مىڭنان استام قاتىسۋشى وقىتۋدان ءوتىپ جاتىر.
وقىتۋدىڭ ەڭ تانىمال باعىتتارىنىڭ ىشىندە ءىت-تەحنولوگيالار, بيزنەس كۋرستارى, تىلدەردى وقىتۋ, جەكە جانە مادەني دامۋ, ونەر, الەۋمەتتىك عىلىمدار بار. قازاقستاندىق ءبىلىم الۋشىلار اراسىنداعى توپ 5 كۋرس – بۇل "Teach English Now! Technology Enriched Teaching", "Programming for Everybody", "Business English: Basics", "Python-عا ەنۋ", "جوبالار مەن ونىمدەرمەن جۇمىس جاساۋداعى Agile جانە Scrum".
IT كۋرستارىنىڭ ىشىندە Python, باعدارلامالاۋ نەگىزدەرى, Adobe Photoshop, HTML جانە CCS, Android, Big Data نەگىزدەرى ۇلكەن قىزىعۋشىلىق تۋدىردى.
اعىلشىن ءتىلىن ۇيرەنۋ بارىسىندا ازاماتتار وقىتۋ ادىستەمەلەرىن, سويلەۋ جانە ىسكەرلىك ءتىلدى مەڭگەرۋ داعدىلارىن ارتتىرۋدى, سونداي-اق گرامماتيكانى قالايدى.
سونىمەن قاتار, قازاقستاندىقتار كورەي ءتىلىن, جوبالىق مەنەدجمەنتتى, SMM-ءدى, ينتەرنەت-كاسىپكەرلىكتى, سۋرەتكە ءتۇسىرۋ نەگىزدەرىن, سويلەۋ ەتيكەتىن جانە باسقا دا تانىمدىق كۋرستاردى وقۋعا ۇلكەن قىزىعۋشىلىق تانىتتى.
ەستەرىڭىزگە سالا كەتەيىك, Coursera ءبىلىم بەرۋ پلاتفورماسى الەمنىڭ جەتەكشى كومپانيالارى مەن ۋنيۆەرسيتەتتەرىنەن (GOOGLE, IBM, Facebook, Stanford University, Yale University, Johns Hopkins University, Princeton University جانە ت.ب.) 4 مىڭنان استام تەگىن كۋرستان وتۋگە بىرەگەي مۇمكىندىك بەرەدى.
كۋرستاردى ءساتتى اياقتاعاننان كەيىن ءبىلىم الۋشىلار سەرتيفيكات الادى.
اعىمداعى جىلعى 14 جەلتوقسانعا دەيىن https://www.enbek.kz/ru/free-coursera "ەلەكتروندى ەڭبەك بيرجاسى" ارقىلى ءوتىنىم بەرگەندەر جانە www.coursera.org پلاتفورماسىندا تىركەلگەنىن راستاعاندار ءۇشىن Coursera الاڭىندا تەگىن وقىتۋ كۋرستارى 2021 جىلعى 15 اقپانعا دەيىن قولجەتىمدى.
