جيىن بارىسىندا وبلىستىق ءبىلىم باسقارماسىنىڭ باسشىسى اقزيرا قاسىموۆا وسكەلەڭ ۇرپاقتى رۋحاني-ادامگەرشىلىككە, پاراساتتىلىققا تاربيەلەۋ ماقساتىندا وڭىردە اتقارىلىپ جاتقان جۇمىستار جايلى ايتىپ, وسى باعىتتاعى "سانالى ۇرپاق" جانە "ادال ۇرپاق" كلۋبتارىنىڭ ماڭىزدىلىعى تۋرالى قاتىسۋشىلارمەن وي ءبولىستى.
عانيجان اسان ۇلى قوعامداعى سىبايلاس جەمقورلىقپەن كۇرەس جۇيەلى ءارى ۇزاق مەرزىمدى مەملەكەتتىك ساياسات ەكەندىگىن اتاپ ءوتىپ, ۇجىمدا جەمقورلىققا مۇلدەم توزبەۋشىلىك احۋالىن قالىپتاستىرۋ ءۇشىن جۇيەلى تۇردە پروفيلاكتيكالىق شارالاردى وتكىزۋ قاجەتتىگىن نازارعا الۋدى ۇسىندى.
رەسپۋبليكالىق اقپاراتتىق-اعارتۋشىلىق شتابىنىڭ جەتەكشىسى ىرزا تۇرسىنزادا ءبىلىم الۋشىلاردىڭ بويىنا ادالدىق, پاراساتتىلىق, ادىلدىك, سەنىم قۇندىلىقتارىن سىڭىرۋدە جانە پاراساتتى قوعام تاربيەلەۋدە ءبىلىم سالاسىنىڭ ورنى ايرىقشا ەكەندىگىن جەتكىزدى.
قىزىلوردا قالاسىنداعى جوعارعى جانە ارناۋلى ورتا ءبىلىم بەرۋ ۇيىمدارىنىڭ باسشىلارى قاتىسقان كەزدەسۋگە اۋداندارداعى مەكتەپكە دەيىنگى, ورتا ءبىلىم بەرۋ ۇيىمدارى مەن ينتەرناتتار باسشىلارى Zoom پلاتفورماسى ارقىلى قوسىلدى.
