وسى ماقساتتا بيىلعى جىلى "الاتاۋ جارىق كومپانياسى" اق-دا ەلەكتر جەلىلەرى مەن جابدىقتارىنىڭ 117 نىسانىن بەرۋ ءراسىمى جۇرگىزىلدى. 2019 جىلى "اجك" اق-نا ەلەكتر جەلىلەرى مەن جابدىقتارىنىڭ 544 نىسانى تاپسىرىلدى. بارلىعى ەكى جىلدا 661 نىسان تاپسىرىلدى.
"بۇل شارالار قالا تۇرعىندارىنا ساپالى كوممۋنالدىق قىزمەتتەردى الۋعا, تاريفتەردىڭ تومەندەۋىنە جانە جالپىقالالىق تاريفتەرمەن تەڭەستىرىلۋىنە الىپ كەلەدى", - دەپ اتاپ ءوتتى ءوز كەزەگىندە ر. اليەۆ.
سونىمەن قاتار, يەسىز جەلىلەردى قالا بالانسىنا بەرۋ كوممۋنالدىق قىزمەتتەرگە توتەنشە جاعدايلاردا جەدەل ارەكەت ەتۋگە مۇمكىندىك بەرەدى, ويتكەنى ولار تىرشىلىكتى قامتاماسىز ەتۋ وبەكتىلەرىندەگى كوممۋنالدىق اپاتتاردىڭ باستى سەبەپتەرىنىڭ ءبىرى بولىپ تابىلادى.
ينجەنەرلىك جەلىلەردى يەسىز دەپ تانۋ ءراسىمى قر ازاماتتىق كودەكسىنىڭ 242-بابىنا سايكەس جۇزەگە اسىرىلادى. اتاپ ايتقاندا, اۋداندىق اكىمدىكتەر تۇرعىنداردىڭ وتىنىشتەرىن جينايدى, ەنەرگيا تيىمدىلىگى جانە ينفراقۇرىلىمدىق دامۋ باسقارماسى مەن كوممۋنالدىق قىزمەتتەردى جەتكىزۋشىلەرمەن بىرلەسىپ, قايتالانۋدى بولدىرماۋ ماقساتىندا يەسىز وبەكتىلەردىڭ تىزبەسى دايىندالادى. بۇدان ءارى يەسىز وبەكتىلەردىڭ تىزبەسى مەملەكەتتىك اكتيۆتەر باسقارماسىنا جىبەرىلەدى, باسقارما ءوز كەزەگىندە وبەكتىلەردى يەسىز دەپ تانۋ ءراسىمىن باستايدى.
