پوليتسيا بولىمشەسىنە بارعان سوڭ تاراپتار وقيعانىڭ ءمان-جايىن تۇگەل بايانداپ بەردى. پوليتسيا دەپارتامەنتى وكىلدەرىنىڭ ايتۋىنشا, 26 جانە 37 جاستاعى ەكى ەر ادام قىزمەتتە بولعان 5512 اسكەري ءبولىمىنىڭ قىزمەتشىلەرىنەدەنە جاراقاتىن سالعان. وقيعا 1 قاراشا كۇنى, ساعات 19.25 ۋاقىتىندا ورىن الىپتى. قالا تۇرعىندارىنىڭ ارەكەتى قۇزىرلى ورگاندار تاراپىنان بۇزاقىلىق دەپ تانىلىپ وتىر. سونداي-اق, ەر ادامدار وزدەرىن اگرەسسيۆتى ۇستاپ, پاترۋلگە دورەكى سوزدەر ايتىپتى.
"اسكەري قىزمەتشىلەر بۇل ادامداردان قوعامدىق ءتارتىپتى بۇزۋدى توقتاتۋدى جانە ۋچاسكەلىك پوليتسيا پۋنكتىنە بارۋدى سۇراپتى. بىراق ولار قارسىلىق كورسەتىپ, اسكەري قىزمەتشىلەردىڭ ءبىرىنىڭ كوزىن جاراقاتتادى", دەپ تولىقتىردى دەپارتامەنتتەن. سونداي-اق, پوليتسيا ەرلەرگە قاتىستى ارنايى قۇرالدار قولدانىلعانىن دا اتاپ ءوتتى.
