وسىلايشا اقىننىڭ مەرەيتويىنا "BAURZHAN Foundation" جەكە قايىرىمدىلىق قورى "بالالار الەمدى بەينەلەيدى" قوعامدىق قورىمەن بىرگە وزىندىك ۇلەستەرىن قوسىپ, العاش رەت قازاقستاندا "قارا سوزدەر" كىتابىنىڭ جاڭا نۇسقاسىن قازاق جانە ورىس تىلدەرىندە قايتا باسىپ شىعارعان ەدى. ۇلى اقىننىڭ ولمەيتىن شىعارماسى 2020 جىلدىڭ اقپان -مامىر ايلارىندا قازاقستاندا وتكەن رەسپۋبليكالىق بايقاۋدىڭ جەڭىمپاز بالالارىنىڭ سۋرەتتەرىمەن بەزەندىرىلگەن.
كىتاپتى قايتا باسىپ شىعارۋ «Samruk-KazynaTrust» الەۋمەتتىك جوبالاردى دامىتۋ قورىنىڭ قولداۋىمەن جۇزەگە استى.
"وسى جوبامەن ءبىز بالالار مەن جاستاردى شىعارماشىلىققا تارتىپ ۇلى ويشىل سوزدەرىنىڭ قۇندىلىعىن ءار ادامعا جەتكىزگىمىز كەلدى. "قارا سوزدەر» سيمبيوزى جانە بالالاردىڭ بۇل تۋىندىعا دەگەن ەركىن كوزقاراسى بىزگە بىرەگەي شىعارماشىلىق ءونىم بەردى. «قارا سوزدەر» ءبىزدىڭ زامانىمىزدا وزەكتى بولىپ قالا بەرەدى. ءبىز بۇل شىعارمانى وقىپ, قايتا وقي وتىرىپ, ادامداردىڭ ءوز ومىرىندەگى ويلارى مەن تۇجىرىمدارىن ءتۇسىنىپ, قابىلداي الۋىن قالايمىز", - دەيدى "Samruk-KazynaTrust" قورىنىڭ رەسمي وكىلى ميراس ىرگەباەۆ.
تاماشا بەزەندىرىلگەن كىتاپقا بارلىعى 90 سۋرەتى ەنگەن, ولاردىڭ 45-ءى "قارا سوزدەرىنىڭ" 45 تاراۋىنىڭ ارقايسىسىنا ارنالعان يلليۋستراتسياسى بولىپ تابىلادى جانە ونىڭ فيلوسوفيالىق ماعىناسىن اشادى. جەڭىمپازداردىڭ سۋرەتتەرىنەن باسقا, "قارا سوزدەر" كىتابىنا بالالار سالعان اقىننىڭ پورترەتتەرى دە ەنگەن.
" ۇلى اباي ءوزىنىڭ باستى شىعارماسىنىڭ ءار جولى ءسوزدى شەبەر قولدانعان, ول حالىق شىعارماشىلىعى مەن تۇرمىسىن وسى كۇنگە دەيىن وزەكتى بولىپ كەلگەن ماعىنالارىن بىرنەشە دەڭگەيىمەن تاماشا ۇشتاستىرا ءبىلدى. مۇمكىن, بۇل اباي شىعارمالارىنىڭ باسقا تىلدەرگە اۋدارىلۋىندا قيىندىقتار تۋعىزۋى مۇمكىن, سوندىقتان بىزدە ويشىلدىڭ قارا سوزدەرىن 45 استارلى اڭگىمەنىڭ ارقايسىسىنا سۇيەنگەن بالالاردىڭ سۋرەتىمەن بىرىكتىرۋ يدەياسى پايدا بولدى", - دەيدى "BAURZHANFoundation" قورىنىڭ جوبا ۇيلەستىرۋشىسى سايدا يبراگيموۆا.
كىتاپتىڭ بارلىق 5000 داناسى قازاقستاننىڭ كىتاپحانالارى, بالالار ۇيلەرى مەن جالپى ءبىلىم بەرەتىن مەكتەپتەرىندە تەگىن تاراتىلاتىن بولادى.
الماتى
