"بانكتەن قارىز جانە ميكروكرەديت العان ازاماتتاردىڭ قۇقىقتارىن قورعاۋ ماقساتىندا اگەنتتىك مىناداي ءىس-شارالاردى ىسكە اسىردى. بىرىنشىدەن, مەرزىمى وتكەن كرەديتتەر بويىنشا بەرەشەكتىڭ ءوسۋىن شەكتەۋ ءۇشىن وسى جىلدىڭ 1 قاڭتاردان باستاپ بانكتەرگە جانە ميكروقارجى ۇيىمدارىنا جەكە تۇلعالاردىڭ بارلىق كەپىلسىز تۇتىنۋشىلىق قارىزدارى جانە ميكروكرەديتتەرى بويىنشا تولەۋ مەرزىمى كۇنتىزبەلىك 90 كۇن وتكەن سوڭ تۇراقسىزدىق ايىبىن جانە كوميسسيالار ەسەپتەۋگە زاڭنامالىق تۇردە تىيىم سالىندى", دەدى اگەنتتىك ءتورايىمى.
ونىڭ ايتۋىنشا, ەكىنشىدەن, قارىزدار بويىنشا بورىش جۇكتەمەسىن شەكتەۋ ءۇشىن اگەنتتىك كىرىسى ەڭ تومەن كۇنكورىس دەڭگەيىنەن تومەن ازاماتتارعا, ونىڭ ىشىندە اتاۋلى الەۋمەتتىك كومەك الۋشىلارعا قارىزدار, سونداي-اق اي سايىنعى تولەمدەرى قارىز الۋشىنىڭ ورتاشا ايلىق كىرىسىنىڭ 50 پايىزىنان اساتىن قارىزدار بەرۋگە تىيىم سالۋدى ەنگىزدى. ۇشىنشىدەن, پرۋدەنتسيالىق تالاپتار اياسىندا بانكتەردى كرەديتتىك تاۋەكەلدەرى جوعارى تۇتىنۋشىلىق كەپىلسىز كرەديتتەردى بەرۋدە شەكتەۋ ءۇشىن تۇتىنۋشىلىق كرەديتتەر بويىنشا بانكتەردىڭ مەنشىكتى كاپيتالىنىڭ جەتكىلىكتىلىگىنە نورماتيۆتەر كاپيتالدى رەزەرۆتەۋ نورماتيۆتەرىن 150-دەن 300 پايىزعا دەيىن ەكى ەسە ۇلعايتۋ تۇرىندە ارتتىرىلدى.
"قارىزدار وتەۋ كەزىندە قيىندىققا تاپ بولعان قارىز الۋشىلارعا قولداۋ كورسەتۋ جانە پروبلەمالىق بەرەشەكتى رەتتەۋ تەتىكتەرىن جەتىلدىرۋ ماقساتىندا اگەنتتىك زاڭنامالىق اكتىلەرگە تۇزەتۋلەردىڭ قوسىمشا بلوگىن ازىرلەدى. بانكتەردىڭ قارىزدى قايتا قۇرىلىمداۋعا قارىز الۋشىلاردىڭ وتىنىشتەرىن قاراۋدىڭ مىندەتتى ءراسىمىن ەنگىزۋ, بورىشكەرلەردى قايتا قۇرىلىمداۋ جانە وڭالتۋ تالاپتارىنىڭ تىزبەسىن كەڭەيتۋ, كەپىلدى وتكىزگەن جاعدايدا يپوتەكالىق تۇرعىن ءۇي قارىزى بويىنشا وتەلمەگەن بەرەشەكتى كەشىرۋ كوزدەلەدى. بۇدان باسقا, كاپيتالداندىرىلعان مەرزىمى وتكەن سىياقى سوماسىنا سىياقىلار ەسەپتەۋگە, ونىڭ ىشىندە جاڭا قارىز بەرگەن كەزدە ەسەپتەۋگە تىيىم سالۋدى ەنگىزۋ قاراستىرىلادى", دەدى ءمادينا ابىلقاسىموۆا.
اگەنتتىك ءتورايىمىنىڭ اتاپ وتۋىنشە, تۇزەتۋلەر بلوگى قازاقستان رەسپۋبليكاسى پرەزيدەنتىنىڭ اكىمشىلىگىندە قارالۋدا.
"ونى قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى باستاما جاساعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىندا ميكروقارجىلىق جانە كوللەكتورلىق قىزمەتتى رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭىنىڭ جوباسىنا ەنگىزۋ جوسپارلانىپ وتىر", دەدى ول.
