ەكىنشى وتىرىستى جۇمىس توبىنىڭ تەڭ توراعالارى, ليتۆا رەسپۋبليكاسىنىڭ ەكونوميكا جانە يننوۆاتسيا ۆيتسە-ءمينيسترى ۆالەريا يانكاۋسكايتە-ميلچۋۆەنە جانە قازاقستان رەسپۋبليكاسىنىڭ مادەنيەت جانە سپورت ۆيتسە-ءمينيسترى وركەن بيساقاەۆ اشىپ, العى سوزدەرىمەن الماستى جانە وتىرىستىڭ كۇن ءتارتىبى بويىنشا ءوز پىكىرلەرىمەن قىسقاشا ءبولىستى.
سونىمەن قاتار جۇمىس توبىنىڭ وتىرىسىنا تاراپتاردىڭ اۆياتسيالىق بيلىگى, Kazakh Tourism ۇك اق, «اتامەكەن» ۇلتتىق كاسىپكەرلەر پالاتاسى وكىلدەرى قاتىستى. سونداي-اق توپقا ليتۆا تۋريستىك قوعامداستىعىنىڭ 7 وكىلى جانە قازاقستاندىق تاراپتىڭ 38 تۋريستىك اسسوتسياتسياسى مەن تۋريستىك كومپانيالارى قاتىستى.
كەزدەسۋدىڭ كۇن ءتارتىبى شەڭبەرىندە تاراپتار ءوز ەلدەرىندەگى تۋريزمگە قىسقاشا شولۋ جاسار جانە تۋريزم سالاسىنىڭ وزەكتى ماسەلەلەرىن تالقىلاپ, تۋريزم سالاسىنداعى ەكىجاقتى ىنتىماقتاستىقتىڭ پەرسپەكتيۆالارىن, اتاپ ايتقاندا «نۇر-سۇلتان-ۆيلنيۋس» تىكەلەي رەيسىن قالپىنا كەلتىرۋدى, حالىقارالىق يميدجدىك ءىس-شارالار مەن كورمەلەرگە ءوزارا قاتىسۋ, جانە سونىمەن بىرگە COVID-19 كوروناۆيرۋس پاندەمياسىنىڭ زارداپتارىن جەڭۋ ءۇشىن تۋريستىك سەكتوردا تاجىريبە جانە قابىلدانعان ءىس شارالارمەن الماستى.
ليتۆا مەن قازاقستاننىڭ سالالىق قاۋىمداستىقتارى ساناتوري, ەكو, اۋىلشارۋاشىلىق جانە ءتۋريزمنىڭ باسقا تۇرلەرىندەگى پاريتەتتى دامىتۋ بويىنشا ىنتىماقتاستىق جانە سەرىكتەستىك باعىتتارى تۋرالى وزدەرىنىڭ كوزقاراستارىن ءبىلدىردى.
پىكىرتالاستار ناتيجەسىندە قازاقستان مەن ليتۆانىڭ تۋريستىك سەكتورىنىڭ وكىلدەرى ءوزارا الماسىپ, ىنتىماقتاستىقتىڭ جاڭا كوكجيەكتەرىن انىقتادى. كەزدەسۋ ناتيجەسىندە تاراپتار وسى جۇمىس توبىن تۇراقتى تۇردە وتكىزىپ تۇرۋعا شەشىم قابىلدادى, ول تۋريزم ۆەدومستۆولارى مەن تۋريستىك يندۋستريا وكىلدەرى اراسىنداعى بايلانىستاردى ورناتۋعا جانە نىعايتۋعا ىقپال ەتەدى.
