ەكونوميكا • 02 قاراشا، 2020

بيتكوين باعاسى كۇرت ءوستى

60 رەت كورسەتىلدى

بيتكويننىڭ باعاسى 14 000 دول­لاردان اسىپ ءتۇستى. مۇنداي جاع­داي 2018 جىلدىڭ قاڭتارىنان بەرى العاش رەت تىر­كەلىپ وتىر.

Coinmarketcap.com كريپتوبير­جا­سىنىڭ دەرەكتەرىنە سۇيەنسەك، 2020 جىل­دىڭ 31 قازانىندا كريپتوۆاليۋتا باعاسى بىردەن 300 دوللارعا كوتەرىلىپ، 14 027 دوللاردى قۇراعان. الايدا بۇل ۇزاق ساقتالعان جوق، ىلە 13 680 دوللارعا دەيىن تومەن­دەدى.

دەسە دە، كريپتوۆاليۋتانىڭ شامامەن ءۇش جىلدان كەيىن 14 000 دوللارعا كوتەرىلۋى نارىقتاعى ويىنشىلاردى ءبىر سەرپىلتىپ قويدى. سوڭعى رەت 2018 جىلدىڭ قاڭتارىندا 1 بيت­كوين 14 000 دوللاردان جوعارى سوماعا باعالانىپ ەدى. جالپى، بۇل ءونىمنىڭ باعاسى ءبىر كەزدەرى 20 000 دوللارعا دەيىن كوتەرىلگەنىن جاقسى بىلەمىز. ال ودان كەيىن قۇلدىراۋ كەزەڭى باس­تالدى.

2020 جىلدىڭ قازان ايىندا بيت­كوين شامامەن 25 پايىزعا قىمباتتاعان. ءساۋىر ايىنان بەرى مۇنشالىقتى ءوسىم تىركەلگەن ەمەس.

كريپتوۆاليۋتا باعاسىنىڭ وسىمىنە بىرنەشە فاكتور اسەر ەتۋى مۇمكىن. ءبى­رىنشى كەزەكتە كومپانيالار تاراپى­نان قىزىعۋشىلىقتىڭ ارتۋى. بەلگىلى بولعانداي، قازان ايىندا Square تولەم سەرۆيسى 4 709 بيتكويندى ساتىپ الۋ ءۇشىن 50 ملن دوللار جۇمساعان. بۇ­دان بولەك، PayPal تولەم سەرۆيسى پاي­دالانۋشىلارعا كريپتوۆاليۋتامەن ەسەپ ايىرىسۋعا مۇمكىندىك بەردى. سونىمەن قاتار JP Morgan بانكى وت­كەن اپتادا تولەم جاساۋ ءۇشىن JMP Coin تسيفرلىق ۆاليۋتاسىن العاش رەت پايدالانۋعا شەشىم قابىلدادى. سون­دىقتان وسى فاكتورلاردى ەسكەرگەن بيت­كويننىڭ جاقتاۋشىلارى مۇنداي ءوسىم تۇراقتى ساقتالارىنا سەنىمدى.

سونداي-اق وتكەن اپتانىڭ اقش قور نارىعى ءۇشىن قولايسىز بولعانىن بىلەمىز. بەلگىلى ءبىر دەڭگەيدە بۇل جاع­داي دا بيتكويننىڭ وسىمىنە اسەر ەتپەي قويعان جوق. ماسەلەن، Dow Jones ونەركاسىپتىك يندەكسى اپتا باسىنان بەرى جۇما كۇنگى ساۋدا-ساتتىقتىڭ جابىلۋى­نا دەيىن 6،5 پايىز جوعالتتى. اقش-تىڭ ەڭ كوپ كاپيتالداندىرىلعان كومپانيالارى كىرەتىن S&P 500 يندەكسى ءبىر اپتادا 5،6 پايىزعا تومەندەدى. تەحنو­لوگيالىق كومپانيالاردى قامتيتىن Nasdaq يندەكسى 5 پايىز جوعالتتى.

ەسكە سالا كەتەيىك، جىل باسىندا بيت­كويننىڭ باعاسى 8 000 دوللاردان تومەن ەدى. ونىڭ بيىلعى ءوسىمى اقش پەن يران قاقتىعىسىنىڭ شيە­لەنىسۋىنە بايلانىستى ين­ۆەس­تور­لاردىڭ سەنىم­سىزدىگىنەن باس­تال­دى. سونىمەن قاتار بۇعان پان­دەميا مەن قور نارىقتارىنىڭ قۇل­دىراۋىن، مۇ­ناي باعاسىنىڭ تو­مەن­دەۋىن قوسۋعا بولادى.

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار