وڭىردە ىندەت ءورشىپ تۇر

جالپى شىعىس قازاقستانداعى كوروناۆيرۋس ينفەكتسياسىنىڭ جاعدايى تۋرالى ور­تا­لىق كوممۋنيكاتسيالار قىز­مەتى الاڭىندا ءباسپاسوز جيىنى ءوتىپ, جاۋاپتى باسشىلار مالى­مەت­تەرمەن ءبولىستى.

ەلىمىزدىڭ دەنساۋلىق ساقتاۋ ۆيتسە-ءمينيسترى, باس مەملەكەت­تىك سانيتارلىق دارىگەرى ەرلان قياسوۆ وبلىستاعى ەپيدەميالىق جاعدايدى تۇراقتاندىرۋ ماق­ساتىندا 2 قاراشادان باس­تاپ وس­كەمەن قالاسىنان اۋە قا­تى­ناستارىن قىسقارتۋ جونىندە تاپسىرمالار بەردى. ناقتىلاساق, وسكەمەن – نۇر-سۇلتان باعىتى بويىنشا اپتاسىنا 17-دەن 7 رەيس­كە دەيىن, وسكەمەن – الماتى باعىتى بويىنشا 14-تەن 7 رەيس­كە دەيىن, وسكەمەن – شىمكەنت باعىتى بويىنشا 2-دەن 1 رەيس­كە دەيىن قىسقارتىلادى. سونى­مەن قاتار 2 قاراشادان باستاپ تەمىر جول قاتىناستارى دا قىس­قارادى. بۇدان بىلاي وسكەمەن – نۇر­سۇلتان باعىتى بويىنشا اپ­تاسىنا پويىز اپتاسىنا ءبىر-اق رەت جۇرسە, وسكەمەننەن الما­تى­عا ءۇش رەت عانا جۇرەتىن بولا­دى. ال جولاۋشىلاردا مەر­زىمى 30 كۇن­نەن اسپاعان COVID-19 ۆي­رۋسى بويىنشا پتر ارقىلى تەك­سەرىل­گەندىگى جونىندە انىق­تاما قا­عازى مىندەتتى تۇردە بولۋى شارت. ولاردى شىعارىپ سالۋشىلار مەن قارسى الۋشىلاردىڭ ۆوكزالعا, اۋەجايعا كەلۋلەرىنە بولمايدى.

سونداي-اق باس مەملەكەتتىك سانيتارلىق دارىگەردىڭ تاپسىرماسىنا سايكەس, وبلىستاعى قىزمەتكەرلەردىڭ 80 پايىزى قاشىقتان جۇمىس ىستەۋگە كوشتى. جينالىستاردىڭ وتۋىنە تيىم سالىندى. حالىق كوپ جينالاتىن جەرلەرگە دەزينفەكتسيا جاساۋ تاپسىرىلدى. ۆاحتالىق ادىسپەن جۇمىس ىستەيتىندەرگە تولىق پتر تەستىلەۋدەن ءوتۋ مىندەتتەلدى. ادام كوپ شوعىرلاناتىن ورىنداردا سانيتارلىق رەجىمدى ساقتاۋ ءۇشىن مونيتورينگتىك توپتاردىڭ جۇمىسى كۇشەيەدى. بۇدان بىلاي شىعىس قازاقستان وبلىسىنداعى ەپيدەميالىق جاعداي ۇكىمەتتىڭ ۇنەمى قاداعا­لاۋىندا بولادى.

– قۇرمەتتى تۇرعىندار, ەپيدە­ميا­لىق جاعدايعا, ەنگىزىلگ­ەن ساني­تار­لىق شەكتەۋلەر­گە جاۋاپ­كەرشى­لىكپەن قاراۋلا­رى­­ڭىزدى سۇراي­مىن. شىعىس قازاق­ستان وبل­ىسىندا كوروناۆيرۋس ينفەكتسيا­س­ى­نىڭ كوبەيۋى تۇرعىن­داردىڭ كو­شى-قونىمەن دە بايلانىستى. كوپ­شىلىك سانيتارلىق تالاپتاردى ساق­تاماعان. شەكارا اسىپ, وزگە مەم­لەكەتتەرگە ۇشىپ جۇرگەندەر وزدەرىن عانا ەمەس, جا­قىندارىن دا وي­لاۋى كەرەك. پتر-تەست تاپ­سىر­­­ماعاندار دا ۇشىپ جاتتى. ون­­دايدا اۋە كومپانيالارى تەست ناتي­جە­سى جوق جولاۋشىلار­دى وت­كىزبەۋى كەرەك ەدى, – دەدى ە.قياسوۆ.

وبلىستاعى شەكتەۋ شارا­لارى قۇزىرلى ورگانداردىڭ قاتاڭ باقىلاۋىنا الىندى. ەندى قوعام­دىق كولىكتە ماسكا تاعۋمەن قا­تار, ەكى مەتر اراقاشىقتىقتىڭ ساق­تال­عانى ءجون. ماسكانى ەل كوپ شو­عىر­لاناتىن جەردە عانا ەمەس, كوشەدە دە كەز كەلگەن تۇرعىن تاعۋى كەرەك.

شىعىس قازاقستان وبلىسى اكى­مى­نىڭ ورىنباسارى شاكارىم بۇق­­تۇعىتوۆتىڭ ايتۋىنشا, ىن­دەت­­تىڭ الدىن الۋعا باعىتتالعان شا­را­لار تىڭعىلىقتى جۇرگىزىلىپ جاتىر.

– وڭىردە 15 كومپيۋتەرلىك توموگراف تاۋلىگىنە 24 ساعات, دەمالىسسىز جۇمىس ىستەپ تۇر. ءار قۇرىلعى بەلگىلى ءبىر اۋدانعا نەمەسە قالاعا بەكىتىلگەن. ءۇرجار اۋدانىنا, وسكەمەننىڭ جەدەل مەديتسينالىق جاردەم اۋرۋحاناسىنا, سەمەي جۇقپالى اۋرۋلار اۋرۋحاناسىنا قوسىمشا 3 كومپيۋتەرلىك توموگراف الىندى. ولاردى وسى ايدا ورناتۋ جوسپارلانىپ وتىر. جەرگىلىكتى بيۋدجەت ەسەبىنەن وسكەمەن مەن سەمەيدە, كۇرشىم, ءۇرجار اۋداندارىندا تاعى 5 پتر زەرتحانا اشۋ جوس­پارلانعان. ۆيرۋسقا قارسى ءدارى-دارمەكتەر جەتكىلىكتى, – دەدى وبلىس اكىمىنىڭ ورىنباسارى.

سوڭعى تاۋلىكتە شىعىس قازاق­­ستان وبلىسى بويىنشا كورو­نا­­ۆيرۋس ينفەكتسياسىمەن 252 ناۋ­قاس تىركەلگەن. وزگە وبلىستار­مەن سالىستىرعاندا بىرنەشە ەسەگە كوپ. ال قازان ايىندا كوروناۆيرۋس ينفەكتسياسىنىڭ سالدارىنان ءولىم-ءجىتىم كورسەتكىشتەرى وسكەن.

– قايتىس بولعانداردىڭ 60 پايىزى – 60 جاستان اسقاندار. ال قالعانى كەش كەلگەندىكتەن, جان ساقتاۋ بولىمىنە تۇسكەن, – دەپ ءتۇسىندىردى شقو دەنساۋلىق ساقتاۋ باسقارماسى باسشىسى­نىڭ مىندەتىن اتقارۋشى رايفا سافيول­لاقىزى.

ونىڭ ايتۋىنشا, كوروناۆيرۋس ينفەكتسياسى جاعدايى ال­عاش ورىن العاننان بەرى وب­لىس­تا ناۋقاستاردىڭ توسەكتىك ور­نى 12 ەسەگە, جانساقتاۋ بولىم­دەرىندەگى توسەكتىك ورىن 11 ەسە كوبەيگەن. جالپى وبلىستا 124 رەا­نيماتسيالىق توسەكتىك ورىن بار. كوروناۆيرۋس ينفەك­تسيا­سى­نىڭ ەكىنشى تولقىنى كەزەڭىن­دە ۋا­ق­تىلى ءارى ساپا­لى مەدي­­تسي­نا­لىق كومەك كورسەتۋ ءۇشىن شىعىس قازاق­ستاندا 40 ينفەكتسيالىق ستا­تسيو­نار ازىرلەنىپ, تولىق مەدي­تسينالىق جابدىقتالعان 6 010 توسەكتىك ورىن دايىندالىپ وتىر. وبلىستىڭ مەديتسينالىق ۇيىم­دارىندا دارىلىك زاتتاردىڭ قورى ەكى ايعا جەتەدى. وبلىستا اۋىر ناۋقاستار ءۇشىن ءتۇرلى قان توپ­تارىنداعى يممۋندىق پلاز­مانىڭ 2 985 دوزاسى ازىرلەنگەن. COVID-19 كوروناۆيرۋس ينفەكتسياسى بار 50 اۋىر ناۋقاسقا يم­مۋن­دىق پلازمانىڭ 107 دوزا­سى قۇيىلدى. بۇگىندە ينفەك­تسيا­لىق ستاتتسيوناردا اۋىر جاع­داي­داعى 35 ناۋقاس ەم الۋدا. ونىڭ ەكەۋىنىڭ جاعدايى اسا اۋىر حالدە. اۋرۋحانا توسەگىندە جات­قان­دار دەنساۋلىق ساقتاۋ مينسيتر­لىگىمەن بەكىتىلگەن حاتتاما بويىنشا ەم الادى.

كۇن ساناپ كوبەيىپ كەلە جاتقان ناۋقاستاردىڭ سانىن ازايتۋ ءۇشىن 1 قاراشادان باستاپ وبلىس شەكارالارىنا سانيتارلىق بلوك بەكەتتەر قويىلدى. ونىڭ جەتەۋى وسكەمەننىڭ كىرەبەرىس جولدارىنا ورناتىلدى. ەندى وبلىس ازاماتتارىنىڭ كىرۋىنە جانە شىعۋىنا تىيىم سالىنادى. قيىن ساتتە حالىققا توي-تومالاقتى, باسقوسۋلاردى دا دوعارا تۇرعاندارى ءجون. وسىعان وراي وبلىستىق باس مەملەكەتتىك سانيتارلىق دارىگەرى «تۇرعىن­دار­عا كورپوراتيۆتى, سالتاناتتى, وتباسىلىق جانە باسقا دا ءىس-شا­رالاردى وتكىزۋگە جەكە ءۇي مەن عيماراتتاردى جالعا الۋ­عا تىيىم سالىپ وتىر. ال ءبىلىم بەرۋ مەكەمەلەرىنە كەلەر بول­ساق, 1-4 سىنىپ وقۋشىلارى اتا-انا­لاردىڭ ءوتىنىشى بويىنشا 15 بالادان اسپايتىن كەزەكشى سىنىپ­تارداعى وقۋ جالعاسادى», دەدى.

ايماقتا ستاتسيونارلىق دارى­لىك كومەككە بارلىعى 8,9 ملرد تەڭگە, ونىڭ ىشىندە كوروناۆيرۋس ينفەك­تسياسى بار ناۋقاستاردى ەمدەۋگە قوسىمشا 2,6 ملرد تەڭگە ءوتىنىم قاراستىرىلعان. I جانە II دەڭگەيدەگى ينفەكتسيالىق ستاتسيونارلاردا تاسىمالداۋعا كەلمەي­تىن اۋىر ناۋقاستار ءۇشىن كوش­پەلى شۇعىل ارەكەت ەتۋ بريگادا­لارى ۇيىمداستىرىلعان. ولاردىڭ قۇرا­مىندا انەستەزيولوگ-رەا­ني­ماتولوگ, ينفەكتسيونيست, پۋل­­مونولوگ سياقتى ماماندار بار. ەم-دومنىڭ ۋاقتىلى قولدا­نىلۋىنىڭ ارقاسىندا تاۋلىگىنە 64 پا­تسيەنت ستاتسيونارلاردان ەم­دەلىپ شىعارىلىپ وتىر. ونىڭ ىشىندە كوۆيدتى پنەۆمونياسى بار ناۋقاستار دا بار.

شىعىس قازاقستان وبلىسى