ءوزىنىڭ Instagram-داعى پاراقشاسىندا ب. ساعىنتاەۆ بالالاردىڭ بوس ۋاقىتتارىن سالاۋاتتى جانە پايدالى وتكىزۋلەرىن ۇيىمداستىرۋ اكىمدىك جۇمىسىنداعى نەگىزگى باسىمدىقتاردىڭ ءبىرى ەكەنىن اتاپ ءوتتى.
«ناۋرىزباي اۋدانىن ارالاعان كەزدە مەتسەناتتاردىڭ قولداۋىمەن اشىلعان «Social Music Center» مەن «Jas Tolqyn» ونەردى دامىتۋ ورتالىقتارىندا بولدىم. مۇندا بالالار مۋزىكالىق اسپاپتاردا ويناۋعا, ۆوكال مەن قولونەرگە تەگىن ۇيرەتىلەدى. سپورتپەن شۇعىلدانۋعا «Alty Alash Fight club» سەكتسياسى اشىلعان», - دەپ جازدى الماتى اكىمى.
ول سونىمەن قاتار «بيۋدجەتكە قاتىسۋ» جوباسى بويىنشا اۋداندا بەلسەندى جاستارعا ارنالعان اشىق اسپان استىنداعى كەشەن سالىنعانىن, ونىڭ ىشىندە باسكەتبول الاڭى, روللەررودروم مەن ۆوركاۋت ايماعى بار ەكەنىن ايتتى. كىشكەنتاي بالدىرعاندار «جۇمىسپەن قامتۋدىڭ جول كارتاسى» اياسىندا سالىنعان جاڭا سكۆەرلەردەگى ويىن الاڭدارىندا كوڭىلدەرىن كوتەرۋدە.
ء«بىز جاڭا الماتى اۋداندارىندا تۇراتىن كىشكەنتاي تۇرعىندارىمىز ءۇشىن سپورت پەن مادەني-دەمالىس ورتالىقتارىنىڭ قولجەتىمدى بولۋىنا ءمان بەرۋدەمىز», - دەپ اتاپ ءوتتى قالا اكىمى.
ونىڭ ايتۋىنشا, كەلەسى جىلى ناۋرىزباي مەن الاتاۋ اۋداندارىندا وقۋشىلار سارايىنىڭ قۇرىلىسىن باستاۋ جوسپارلانۋدا. بيىل جەتىسۋ اۋدانىندا ءۇش, ال الاتاۋ, مەدەۋ مەن تۇركسىب اۋداندارىندا ءبىر-ءبىر دەنە شىنىقتىرۋ-ساۋىقتىرۋ كەشەنىنىڭ قۇرىلىسى باستالادى. الاتاۋ اۋدانىندا 14 كورتقا ارنالعان تەننيس ورتالىعى سالىنۋدا. جالپى بارلىق اۋدانداردا ونداعان جاڭا سپورتتىق دەمالىس ورىندارى اشىلدى. كەلەسى جىلى قالا تۇرعىندارىنىڭ سۇرانىسى بويىنشا بۇل جۇمىستار جالعاسىن تابادى.
