ورتالىق اتا-اناسىنىڭ قامقورلىعىنسىز قالعان بالالاردى قىسقا مەرزىمدى كۇتىپ-باعۋدى, بەيىمدەۋدى جانە ودان ءارى ورنالاستىرۋدى قامتاماسىز ەتەدى, سونداي-اق كامەلەتكە تولماعاندار اراسىندا قاراۋسىزدىق پەن پاناسىزدىقتىڭ الدىن الۋ بويىنشا پروفيلاكتيكالىق جۇمىستار جۇرگىزەدى.
ورتالىققا بارۋ بارىسىندا الماتى قالاسى اكىمىنىڭ ورىنباسارى ەرجان باباقۇماروۆ كامەلەتكە تولماعاندارعا قوسىمشا ءبىلىم بەرۋ جانە دامىتۋ ساباقتارىن ۇيىمداستىرۋ ماسەلەلەرىن قاراستىردى.
كوروناۆيرۋستىق پاندەميا اياسىندا سانيتارلىق-ەپيدەميولوگيالىق قاۋىپسىزدىك پەن ۇيىمداعى كارانتيندىك شارالاردىڭ ساقتالۋى تۋرالى ماسەلە ەرەكشە قارالدى.
ورتالىق بالالاردى وقىتۋعا ارنالعان نوۋتبۋكتار مەن پلانشەتتەرمەن قامتاماسىز ەتەتىن بولادى. سونىمەن قاتار, كىتاپحانا قورى جاڭارتىلىپ, ورتالىق اۋماعىندا بالالار سپورت الاڭدارى ورناتىلادى.
"جۇمىسپەن قامتۋدىڭ جول كارتاسى" باعدارلاماسى اياسىندا عيماراتتا جوندەۋ جۇمىستارى جۇرگىزىلىپ جاتىر, ونى بيىلعى جىلدىڭ قاراشا ايىندا اياقتاۋ جوسپارلانعان.
