"سوڭعى بەس جىل ىشىندە شاعىن جانە ورتا بيزنەستىڭ ەل ەكونوميكاسىنداعى ۇلەسى 24 پايىزدان 32 پايىزعا ارتتى. كاسىپكەرلىك سالاسىندا ەڭبەك ەتەتىن ازاماتتاردىڭ سانى 21 پايىزعا, ياعني 2,8 ميلليوننان 3,4 ميلليونعا دەيىن ءوستى. قازىر جۇمىسپەن قامتىلعانداردىڭ 40 پايىزعا جۋىعى شاعىن جانە ورتا بيزنەستە ەڭبەك ەتەدى. بۇعان مەملەكەت پەن بيزنەستى بايلانىستىرىپ وتىرعان ۇلتتىق پالاتانىڭ سىڭىرگەن ەڭبەگى مول. مەنىڭ تاپسىرمام بويىنشا كاسىپكەرلەردىڭ قۇقىقتارىن قورعاۋ ءۇشىن "بيزنەسكە ادالدىق پرەزۋمپتسياسى" قاعيداتى زاڭ جۇزىندە بەكىتىلدى. بۇل بارشا داۋلى جانە تۇسىنىكسىز ماسەلەلەردى كاسىپكەرلەردىڭ پايداسىنا شەشۋگە مۇمكىندىك بەرەدى. اتالعان زاڭ شىعارۋداعى وزگەرىستەر ءتيىستى سوت تاجىريبەسىندە قولداۋ تاباتىنىنا سەنەمىن. وسى جىلدىڭ 1 قاڭتارىنان باستاپ مەنىڭ جارلىعىما سايكەس شاعىن جانە ورتا بيزنەستى ءۇش جىلعا دەيىن تەكسەرۋدەن بوساتۋ تۋرالى موراتوري كۇشىنە ەندى. ناتيجەسىندە مۇنداي سۋبەكتىلەردى تەكسەرۋ كولەءمى 8 ەسە قىسقاردى", دەگەن قازاقستان پرەزيدەنتى قاسىم-جومارت توقاەۆ ۇكىمەت پەن "اتامەكەن" ۇكپ-نىڭ ۇيلەسىمدى جۇمىسى ەلىمىزدەگى بيزنەس احۋالعا وڭ اسەر ەتىپ وتىرعانىن دا اتاپ ءوتتى.
"اتامەكەن" قر ۇكپ تورالقا توراعاسى تيمۋر ق ۇلىباەۆ پاندەميا كەزەڭىندە وتاندىق كاسىپكەرلەر تاپ بولعان نەگىزگى پروبلەمالاردى اتادى.
"2020 جىل پاندەميا اسەر ەتۋىمەن ءوتتى. ءبىز جۇرگىزگەن ساۋالنامالاردىڭ دەرەكتەرى بويىنشا پاندەميا ەلدەگى 1 ملن كاسىپكەرگە اسەرىن تيگىزگەن. كولىك, ساۋدا سالالارى اناعۇرلىم زارداپ شەككەن, ونداعى اينالىمنىڭ قىسقارۋى 10-17 پايىزدى قۇراعان. شامامەن 1,6 ملن قىزمەتكەر اقىسىز دەمالىسقا جىبەرىلگەن. مەملەكەت باسشىسى تاراپىنان قولداۋ تاپقان قولداۋ شارالارىنىڭ كەشەندى پاكەتى ىندەت سالدارىن ءبىرشاما جۇمسارتۋعا مۇمكىندىك بەردى. ناتيجەسىندە 15 مىڭنان استام كاسىپكەر نەسيە تولەمدەرى بويىنشا شەگەرىم الدى. قولداۋ شارالارىنىڭ پاكەتى ۇكىمەتتىڭ ورىن العان سيتۋاتسياعا جەدەل ارەكەت ەتۋى بولدى. "اتامەكەن" مەملەكەت ورگاندارىمەن بىرلەسىپ, ن توتەنشە جاعداي رەجيم جاريالانعاننان باستاپ بۇگىنگى كۇنگە دەيىن كۇن سايى جاعدايعا مونيتورينگ جۇرگىزىپ وتىردى", دەدى "اتامەكەن" ۇكپ تورالقا توراعاسى تيمۋر ق ۇلىباەۆ.
ەسكە سالساق, "اتامەكەن" كۇردەلى احۋالدىڭ العاشقى كۇنىنەن باستاپ وڭىرلەر, سالالار مەن سەكتورلاردا ناقتى سيتۋاتسيانى انىقتاۋ ماقساتىندا كاسىپكەرلەر اراسىندا ساۋالنامالار جۇرگىزدى. ساۋالنامالار بارىسىندا جينالعان بارلىق دەرەكتەر ۇكىمەتكە جىبەرىلىپ, ەل كاسىپكەرلەرىن قولداۋ شارالارىنىڭ نەگىزىنە الىندى.
داعدارىسقا قارسى شارالاردان باسقا "اتامەكەن" باسشىسى بۇگىندە ۇلتتىق پالاتا ءوز الدىنا قويعان ۇزاق مەرزىمدى مىندەتتەرى, سونىڭ ىشىندە 860 مىڭنان استام كاسىپكەرلىك سۋبەكتىسىن نەمەسە جۇمىس ىستەپ تۇرعان كاسىپكەرلەردىڭ جالپى سانىنىڭ 65%-ىن قامتىعانرەتتەۋ جۇيەسىن "تازا پاراقتان" ەنگىزۋگە قاتىساتىنىن ايتتى. سونىمەن قاتار ۇلتتىق پالاتادا مىندەتى جۇمىسپەن قامتىلۋدى تىركەۋ جانە كولەڭكەلى ەكونوميكانى تومەندەتۋ بولىپ سانالاتىن جاڭا سالىق كودەكسىن ازىرلەۋگە قاتىستى ۇسىنىستارى بار. بيزنەستى نەسيەلەۋ جانە وڭىرلەردە كاسىپكەرلەردى قولداۋ ماسەلەسى جەكەلەي كوتەرىلدى.
"مەملەكەت باسشىسىنىڭ "بيزنەسكە ارنالعان ۇكىمەتتى" ىسكە اسىرۋعا قاتىستى تاپسىرماسىن ورىنداۋ ماقساتىندا بيزنەستىڭ تسيفرلىق ەكوجۇيەسىن قۇرۋ بويىنشا جۇمىستى جالعاستىرۋدامىز, وندا كاسىپكەرلەر ونلاين-فورماتتا قىزمەتتەر كەشەنىن قولدانىپ,وتىنىمدەر جىبەرىپ, كەرى بايلانىس الا الادى", دەپ اتاپ ءوتتى تيمۋر ق ۇلىباەۆ.
كەزدەسۋ سوڭىندا قر ۇكىمەتى جانە قر ۇكپ اراسىندا ءوزارا ارەكەتتەسۋ تۋرالى كەلىسىمگە قوسىمشا كەلىسىم جاسالدى.
