ىسكە قوسىلعان وزىق تەحنولوگيا ەسكى باتارەيالاردى پايدالانۋ مۇمكىندىكتەرىن كەڭەيتەدى. جاڭا ۇلگىدەگى اككۋمۋلياتور كورپۋستارى تولىقتاي قايتالاما شيكىزاتتان جاسالاتىن بولادى. ال ول يتالياندىق "ينجيتەك" ءوندىرىسىنىڭ جاڭا زاماناۋي جەلىسىندە قايتا وڭدەلەدى جانە وندىرىستىك تازارتۋ قۇرىلعىسىنىڭ كومەگىمەن ەلەكتروليتتى تولىق بەيتاراپتاندىرادى.
جاڭا تەحنولوگيالىق جەلى قورشاعان ورتاعا كەلتىرەتىن كەرى اسەردى ازايتادى. ويتكەنى ول تازارتۋ سۇزگىلەرىمەن جابدىقتالىپ وتىر.
قازىرگى ۋاقىتتا زاۋىت جىلىنا 2,5 ملن دانا اككۋمۋلياتور باتارەياسىن شىعارادى. ال جاڭا جەلىنىڭ ىسكە قوسىلۋىنىڭ ناتيجەسىندە كاسىپورىننىڭ وندىرىستىك قۋاتتىن جىلىنا 3,7 ملن اككۋمۋلياتورلىق باتارەياعا دەيىن ارتتىرۋعا مۇمكىندىك بەرەدى.
ەلىمىزدەگى ءىرى قايتا وڭدەۋ كاسىپورىندارىنىڭ ءبىرىن جاڭعىرتۋ وكم وپەراتورىنىڭ قارجىلاي قولداۋىنىڭ ارقاسىندا مۇمكىن بولىپ وتىر. قاينار-اكب زاۋىتى پايدالانىلعان اككۋمۋلياتورلاردى جيناۋ, ولاردى قايتا وڭدەۋ جانە كادەگە جاراتقانى ءۇشىن وپەراتوردان وتەماقى تولەمدەرىن الادى.
2016-2020 جىلدار ارالىعىندا زاۋىت 4 061 618 031 تەڭگە الدى. وسى جىلى زاۋىت وندىرىلگەن ءونىمدى وتكىزۋ گەوگرافياسىن كەڭەيتىپ, ءباا, يتاليا نارىعىنا شىقتى.
زاۋىت قىتاي جانە ەۋروپا نارىعىنا شىعۋدى, ستارتەرلىك جانە ستاتسيونارلىق باتارەيالاردىڭ جاڭا تۇرلەرىن يگەرىپ, ساتۋ كولەمىن جىلىنا 3,7 ملن داناعا دەيىن ۇلعايتۋدى جوسپارلاپ وتىر.
