ايماقتار • 30 قازان، 2020

باتىس قازاقستاندا وبلىستىق باسقارما باسشىسى پارامەن ۇستالدى

1207 رەت كورسەتىلدى

باتىس قازاقستان وبلىستىق دەنساۋلىق ساقتاۋ باسقارماسىنىڭ باسشىسى بولاتبەك كايۋپوۆ 7،8 ملن تەڭگە پارا العانى ءۇشىن قاماۋعا الىندى، دەپ حابارلايدى Egemen.kz.

"باتىس قازاقستان وبلىسى بويىنشا سىبايلاس جەمقورلىققا قارسى قىزمەت باتىس قازاقستان وبلىسىنىڭ دەنساۋلىق ساقتاۋ باسقارماسى باسشىسى مەن ونىڭ سىبايلاسىنا قاتىستى تەرگەۋدى باستادى. ولار 2020 جىلعى 12-23 قازان ارالىعىندا كومپانيا ديرەكتورىنان جالپى سوماسى 78 000 000 تەڭگەگە مەديتسينالىق جابدىقتاردى (مونيتورلاردى) جەتكىزۋگە مەملەكەتتىك ساتىپ الۋ تۋرالى جشس-پەن بۇرىن جاسالعان شارتتار بويىنشا ورىندالعان جۇمىستار مەن تمق قابىلداۋ اكتىلەرىنە كەدەرگىسىز قول قويۋ ءۇشىن ايتارلىقتاي مولشەردە پارا تۇرىندە جالپى سوماسى 7 800 000 تەڭگە العان"، دەپ حابارلادى بۇگىن قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ اسا ماڭىزدى ىستەر جونىندەگى تەرگەۋشىسى دانيار بيعايداروۆ.

باسقارما باسشىسى جانە ونىڭ سىبايلاسى قازاقستان رەسپۋبليكاسى قىلمىستىق پروتسەسسۋالدىق كودەكستىڭ 128-بابى بويىنشا ۇستالىپ، ورال قالالىق پوليتسيا باسقارماسىنىڭك ۋاقىتشا ۇستاۋ اباقتىسىنا قامالعان. وزگە اقپارات تەرگەۋ مۇددەسىنە وراي جاريالانباعان.

1969 جىلى تۋعان بولاتبەك كايۋپوۆ بۇل قىزمەتىنە 2020 جىلدىڭ ناۋرىز ايىندا تاعايىندالعان بولاتىن. وعان دەيىن ماڭعىستاۋ وبلىستىق اۋرۋحاناسىنىڭ ديرەكتورى بولىپ قىزمەت ەتكەن.

سوڭعى ەكى اپتادا ەلىمىزدىڭ سىبايلاس جەمقورلىققا قارسى قىزمەتى 85 وقيعا بويىنشا تەرگەۋ باستاپ، 8 لاۋازىمدى تۇلعانى قاماۋعا العان.

 

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار