قابىلدانعان شەشىم بويىنشا اعىمداعى جىلدىڭ 2 قاراشاسىنان باستاپ (جۇما نامازىن قوسپاعاندا) مەشىتتەردە ۇجىمدىق ناماز (بەس ۋاقىت ناماز) وتكىزۋگە رۇقسات بەرىلدى.
الايدا مەشىتتە 100 ادامنان ارتىق كىسى بولماۋى كەرەك. سونداي-اق ادامدار بەتپەردەلىك رەجىممەن 2 مەتر الەۋمەتتىك اراقاشىقتىقتى ساقتاۋلارى قاجەت. قازاقستان مۇسىلماندارى ءدىني باسقارماسى مەشىتكە كەلۋشى جاماعاتتى سانيتارلىق-دەزينفەكتسيالىق رەجيمدى قاتاڭ ساقتاۋعا شاقىرادى.
تۇركىستان وبلىسىنىڭ باس يمامى مۇسابەك اقتامبەردى كارانتين جاعدايىنا بايلانىستى ازىرگە جۇما نامازى وقىلمايتىنىن حابارلادى.
بۇدان بولەك, مەشىت قىزمەتكەرلەرى مەن كەلۋشىلەر مىندەتتى تۇردە بەتپەردەمەن ءجۇرۋى مىندەتتى. بارلىق مەشىتتەردىڭ ناماز وقيتىن, قۇران وقيتىن بولمەلەرىندە انتيسەپتيكالىق قۇرالدارمەن قامتاماسىز ەتىلەدى. مەشىتكە جەكە قۇلشىلىققا كەلگەن ازاماتتاردىڭ مەشىتتە ۇزاق ۋاقىت بولماۋى كەرەك. مەشىت دارەتحانالارى كارانتين رەجىمى اياقتالعانشا جابىق تۇرادى.
