ءنوۆوسىبىر قالاسىندا «سيبيردەن» جەڭىلگەننەن كەيىن «بارىستىڭ» باپكەرلەرى قۇراماعا ازداعان وزگەرىس ەنگىزگەن-ءدى. الايدا ودان ەش ناتيجە شىققان جوق. ءبىر قىزىعى, بۇل باسەكەدە دە حوككەيشىلەر ءبىرىنشى كەزەڭدە گول سوعا المادى. ەكىنشى كەزەڭ باستالعان بەتتە مۇزايدىن يەلەرىنەن مالتە ستريومۆالل 21-مينۋتتا جىلدام گول سوعىپ, ەسەپ اشتى. ەكىنشى 20 مينۋتتى ءساتتى باستاعان «سوچي» ويىنشىلارى كەزەڭ اياقتالار تۇستا دا «بارىس» حوككەيشىلەرىنەن ايلاسىن اسىرىپ كەتتى. بۇل جولى دانيل ميرومانوۆ مەرگەندىگىمەن كوزگە ءتۇستى.
ءۇشىنشى كەزەڭدە جەرلەستەرىمىز جاقسى ويىن ورنەگىن كورسەتكەنىمەن, بۇل كەزدەسۋدە گول سوعۋ باقىتى بۇيىرمادى. جەرلەستەرىمىز قارىمتا شايبا سوعامىز دەپ جۇرگەندە «سوچي» ءبىزدىڭ قاقپاعا ءۇشىنشى شايباسىن سالىپ كەتتى. ماتچتىڭ سوڭعى مينۋتىندا دانيل ميرومانوۆ بوس قالعان قاقپانى ءدال كوزدەپ, دۋبل اۆتورى اتاندى.
«بارىس» تۇراقتى بىرىنشىلىكتەگى كەلەسى كەزدەسۋىن بۇگىن نۇر-سۇلتاندا قىتايدىڭ «كۋنلۋن» كومانداسىمەن وتكىزەدى.
