ۆيتسە-پرەمەر ەپيدەميولوگيالىق احۋال جانە كوروناۆيرۋستىڭ ىقتيمال تولقىنىنا دايىندىق بويىنشا كەڭەستەر وتكىزىپ, وبلىس باسشىلىعىنىڭ اتقارىلعان جۇمىس تۋرالى ەسەبىن تىڭدادى.
اقتوبە وبلىسىندا پرەمەر-ءمينيستردىڭ ورىنباسارى اقتوبە مەديتسينالىق ورتالىعىنىڭ نەگىزىندەگى پروۆيزورلىق ستاتسيوناردىڭ جۇمىسىمەن تانىستى. 
سودان كەيىن ۆيتسە-پرەمەر 2021 جىلدىڭ ءبىرىنشى توقسانىندا پايدالانۋعا بەرۋ جوسپارلانعان 190 توسەك-ورىندىق پەريناتالدىق ورتالىقتىڭ قۇرىلىس بارىسىمەن تانىستى.
ەرالى توعجانوۆ «تك فارم اقتوبە» جشس فارماتسەۆتيكالىق زاۋىتىندا دارىلىك زاتتاردى ءوندىرۋ پروتسەسىمەن تانىستى. كاسىپورىننىڭ قۋاتتىلىعى جىلىنا 6 ملن تابلەتكا مەن كاپسۋلانى, 75 توننا سۇيىق ءدارى تۇرلەرىن جانە 12 توننا سىعىندىنى قۇرايدى. پاندەميا كەزىندە كاسىپورىن انتيسەپتيكتەر مەن مەديتسينالىق ماسكا شىعارۋدى جولعا قويدى.
قازاقستانداعى تسيفرلىق ستاتسيونارلىق جانە ءموبيلدى رەنتگەن اپپاراتتارىنىڭ جالعىز ءوندىرۋشىسى «اكتيۋبرەنتگەن» اق بولىپ وتىر. ەرالى توعجانوۆقا پاندەميا باستالعاننان بەرى ەلىمىزدىڭ مەديتسينالىق مەكەمەلەرى ءۇشىن 48 تسيفرلىق رەنتگەن اپپاراتىن شىعارعان ءىرى كاسىپورىننىڭ جۇمىسى تانىستىرىلدى.
بۇدان ءارى باتىس قازاقستان وبلىسىندا ۆيتسە-پرەمەر ورال قالاسىنداعى جوسپارلى ەمدەۋگە جاتقىزۋ بويىنشا كوپبەيىندى اۋرۋحانانىڭ جۇمىسىن تەكسەردى. مەديتسينا قىزمەتكەرلەرىمەن كەزدەسۋدە ە. توعجانوۆ وبلىستىق جەدەل جاردەم ستانتسياسىنا 20 اۆتوكولىك كىلتىن سالتاناتتى تۇردە تابىس ەتتى.
ساپاردىڭ كەلەسى پۋنكتى اعىمداعى جىلدىڭ قاراشا ايىندا پايدالانۋعا بەرۋ جوسپارلانعان وبلىستىق 200 ورىندىق جۇقپالى اۋرۋلار اۋرۋحاناسىنىڭ قۇرىلىس بارىسىمەن تانىسۋ بولدى.
سونداي-اق, دەلەگاتسيا دارىلىك زاتتار مەن مەديتسينالىق بۇيىمداردىڭ 7 مىڭنان استام اتاۋىنىڭ ديستريبيۋتورى – «تالاپ» اق ءدارىحاناسىنا باردى. ە. توعجانوۆ حالىقتى جانە دەنساۋلىق ساقتاۋ نىساندارىن ءدارى-دارمەكپەن قامتاماسىز ەتۋدىڭ ماڭىزدىلىعىنا نازار اۋداردى.
جۇمىس ساپارىنىڭ جالعاسى رەتىندە ەرالى توعجانوۆ COVID-19 تارالۋىن بولدىرماۋعا باعىتتالعان سانيتارلىق شارالاردى تەكسەرۋ ماقساتىندا «سىرىم» باقىلاۋ-وتكىزۋ بەكەتىنىڭ جۇمىسىن تەكسەردى.
ساپار سوڭىندا ءوڭىر باسشىسى ۆيتسە-پرەمەرگە 2020-2021 جىلدارعا ارنالعان جۇمىسپەن قامتۋدىڭ جول كارتاسى باعدارلاماسى اياسىندا اتقارىلعان جۇمىستاردىڭ ناتيجەسى تۋرالى باياندادى.
