باعدارلامانىڭ ىسكە اسىرۋ جونىندەگى ءىس-شارالار جوسپارى 5 باعىتتان تۇرادى.
اتاپ ايتقاندا, سۋمەن تۇراقتى قامتاماسىز ەتۋ, مەملەكەتتىك قولداۋ, ينفراقۇرىلىمدى قۇرۋ, بالىق رەسۋرستارىن قورعاۋ, حالىقارالىق ىنتىماقتاستىقتى دامىتۋ, سالانى عىلىمي سۇيەمەلدەۋ جانە كادرلارمەن قامتاماسىز ەتۋ جونىندەگى شارالار.
ەلباسى نۇرسۇلتان نازارباەۆتىڭ باستاماسىمەن "سىرداريا وزەنىنىڭ ارناسىن رەتتەۋ جانە ارال تەڭىزىنىڭ سولتۇستىك بولىگىن ساقتاۋ» جوباسىنىڭ جۇزەگە اسىرىلۋى ناتيجەسىندە وبلىستا بالىق شارۋاشىلىعىن دامۋىنا ۇلكەن مۇمكىندىكتەر جاسالدى.
وبلىس اۋماعىندا سىرداريا وزەنى, كىشى ارال تەڭىزى جانە 207 كول بار. بالىق ونىمدەرىن وڭدەۋمەن جانە ەكسپورتپەن اينالىساتىن جىلدىق قۋاتتىلىعى 12,5 مىڭ توننا قۇرايتىن 9 بالىق وڭدەۋ زاۋىتتارى جۇمىس ىستەۋدە.
عىلىمي-ۇيىمداردىڭ زەرتتەۋلەرىنە سايكەس وبلىستاعى 207 كولدىڭ 95-ءسى تاۋارلى بالىق وسىرۋگە قولايلى. سوندىقتان, 2030 جىلعا قاراي وڭىردە بالىق ءوسىرۋدى 5 مىڭ تونناعا جەتكىزۋ جوسپارلانۋدا.
شارۋاشىلىقتارعا قازىر بالىق ءوسىرۋ كەزىندە پايدالانىلاتىن ازىقتى ساتىپ الۋعا جۇمسالاتىن شىعىنداردىڭ 30% وتەۋ جانە اۋدانى 50 گەكتاردان كەم ەمەس كول-تاۋارلى بالىق ءوسىرۋ شارۋاشىلىعى ءۇشىن جابدىقتار مەن تەحنيكانى ساتىپ الۋعا جۇمسالعان شىعىنداردىڭ 25% سۋبسيديالاۋ سياقتى مەملەكەت تاراپىنان قولداۋ كورسەتىلىپ كەلەدى.
الداعى ۋاقىتتا, 50%-عا دەيىن اكۆاوسىرۋ سۋبەكتىلەرى ءۇشىن بالىق ءوسىرۋ-بيولوگيالىق نەگىزدەمەنى ازىرلەۋ, بالىق ءوسىرۋ ماتەريالىن, دارىلىك پرەپاراتتاردى ساتىپ الۋ, شارۋاشىلىقتار قۇرۋعا ينۆەستيتسيالىق سالىمدار كەزىندەگى شىعىنداردى وتەۋگە باعىتتالعان سۋبسيدييالاۋ تۇرلەرى كەڭەيتىلەدى.
سونىمەن قاتار, ۇكىمەت دەڭگەيىندە بالىق ءوسىرۋ شارۋاشىلىقتارىنىڭ ورنالاسۋىن, ولارعا قىزمەت كورسەتۋ جونىندەگى قۇرىلىستاردىڭ قۇرىلعىلارىن ەسكەرە وتىرىپ, ينفراقۇرىلىمدى جۇرگىزۋ ءۇشىن جاعالاۋ ايماعىندا جانە سۋ قورعاۋ بەلدەۋىندە جەر ۋچاسكەلەرىن ءبولۋ ماسەلەسى پىسىقتالادى.
باعدارلامانى ىسكە اسىرۋ ءۇشىن 30,6 ملرد تەڭگە قارجى قاراستىرۋ جوسپارلانىپ وتىر. سونىڭ ىشىندە, بالىق شارۋاشىلىعىن قولداۋ ماقساتىندا, "بايقوڭىر" الەۋمەتتىك كاسىپكەرلىك كورپوراتسياسىنا 2021 جىلىوبلىستىق بيۋدجەتتەن 1 ملرد تەڭگە قارجى بولىنەءدى.
اتاپ ءوتۋ كەرەك, 2030 جىلعا دەيىن, تاۋارلىق بالىق ءوندىرىسىنىڭ كولەمىن 5 مىڭ تونناعا دەيىن ۇلعايتۋ ينديكاتورىنا قول جەتكىزۋ ءۇشىن 4 شارباقتىق بالىق ءوسىرۋ شارۋاشىلىقتارى قۇرىلىپ, تاۋارلى بالىق وسىرەتىن 10 توعان شارۋاشىلىعى جاساقتالادى, سونىمەن قاتار, 3 تۇيىق جۇيەلى سۋمەن قامتاماسىز ەتۋ قۇرىلعىسى ىسكە قوسىلادى. جوسپارعا سايكەس, - كول-تاۋارلى سۋ ايدىندارى سانى 55-كە جەتىپ, قۇراما جەم زاۋىتىندا تاۋلىگىندە قۋاتتىلىعى 80 توننا جەم ءوندىرىسى قامتاماسىز ەتىلەدى, پلاستيكالىق قايىقتار شىعاراتىن تسەح سالىنادى جانە قامىستى باس بالىق پيتومنيگى قايتا جاڭعىرتىلادى.
سونداي-اق, باعدارلاما اياسىندا 45 كولگە ەلەكتر جۇيەسىن جەتكىزۋ جانە 49 دانا گيدروتەحنيكالىق قوندىرعىلار ورناتىلادى.
وسىلايشا 2030 جىلعا دەيىن وبلىستىڭ بالىق ەكسپورتى 2 ەسەگە, تاۋارلى بالىق ءوندىرۋ كولەمى 34 ەسەگە وسەدى دەپ جوسپارلانىپ وتىر. بەس جۇزدەن اسا جاڭا جۇمىس ورنى قۇرىلادى, بالىق وڭدەۋ زاۋىتتارى تولىعىمەن شيكىزاتپەن قامتاماسىز ەتىلەدى.
جيىنعا قاتىسقان بالىق شارۋاشىلىعى سالاسىنىڭعالىمدارى, كاسىپكەرلەرءى مەن تابيعات پايدالانۋشىلارى باعدارلاما جوباسى بويىنشا ءوز وي-پىكىرلەرىمەن ءبولىستى.
جيىن سوڭىندا وبلىس اكىمى گۇلشارا ابدىقالىقوۆا "بالىق شارۋاشىلىعىن دامىتۋدىڭ 2021 - 2030 جىلدارعا ارنالعان وڭىرلىك باعدارلاماسىن بەكىتۋ تۋرالى" وبلىس اكىمدىگىنىڭ قاۋلىسىن ازىرلەپ, ۇسىنۋدى تاپسىردى.
