ايماقتار • 29 قازان، 2020

تۇركىستاندا ىندەتتەن ايىققانداردى وڭالتۋ ورتالىعى اشىلدى

5 رەت كورسەتىلدى

تۇركىستاندا كوروناۆيرۋستىق ينفەكتسيامەن نەمەسە پنەۆمونيامەن اۋىرىپ، ودان ەمدەلىپ شىققانداردى وڭالتۋعا ارنالعان العاشقى ورتالىق اشىلدى، دەپ حابارلايدى Egemen.kz.

قالالىق ەمحانادا ورنالاسقان جاڭا ورتالىقتاعى ماماندار 19 ەمدەلۋشىنى قابىلداپ، رەابيليتاتسيالىق كومەك كورسەتۋدە. ولارعا ينگالياتسيا، پارافينوتەراپيا، ەمدىك ماسساج، ۆەلوترەناجەر سىندى ەمدىك شارالارى جۇرگىزىلەدى.

ورتالىقتا الداعى ۋاقىتتا ماگنيتتى تەراپيا جانە باسقا دا مەديتسينالىق اپپاراتتارمەن تولىقتىرۋ جوسپارلانعان. ەمحانا بازاسىندا،سونىمەن قاتار  ۆيرۋسولوگيالىق زەرتحاناسى ۇزدىكسىز جۇمىس ىستەيدى. مۇندا ءوڭىردىڭ وتىرار، بايدىبەك، سوزاق اۋداندارى مەن كەنتاۋ، تۇركىستان قالالارىنداعى ەمدەۋ مەكەمەلەرىنەن الىنعان پتر سىنامالارىنا تالداۋ جاسالادى. ناتيجەلەرى ورتالىقتاندىرىلعان جۇيە ارقىلى ازاماتتاردىڭ جەكە مالىمەت جۇيەسىنە ەنگىزىلەدى.

"كوروناۆيرۋس ينفەكتسياسىنىڭ ىقتيمال ەكىنشى تولقىنى باستالعان جاعدايدا ەمحانالاردىڭ قىزمەتى قالىپتى جاعدايدا جالعاسا بەرەدى. سانيتارلىق تالاپتاردى قاتاڭ ساقتاي وتىرىپ، دارىگەرلەر تۇرعىنداردى الدىن-الا جازىلۋ بويىنشا قابىلدايدى. ال،  Covid-19 بەلگىلەرى بار ناۋقاستار بولەك ەسىك ارقىلى سۇزگى بولىمىنە كىرگىزىلىپ، بولەك كابينەتتە تەكسەرىلەدى. ۆيرۋس انىقتالعان جاعدايدا امبۋلاتوريالىق باقىلاۋ جانە ەمدەۋ جۇرگىزىلەدى. وبلىستاعى بارلىق مەديتسينالىق ۇيىمداردا  ىندەتپەن كۇرەس جۇمىستارى بارىنشا كۇشەيتىلگەن"، دەيدى تۇركىستان قالالىق ەمحاناسىنىڭ باس دارىگەرى رايىمبەك تاسىرباەۆ.

ايتا كەتەلىك، كوروناۆيرۋستىق ينفەكتسيانىڭ ءبىرىنشى تولقىنىندا اۋرۋحانادا 300-دەن استام قىزمەتكەر جۇمىلدىرىلعان بولاتىن. ەمدەۋ مەكەمەسىندە 320 توسەك-ورىندىق پروۆيزورلىق ستاتسيونار قاراستىرىلعان.

قوسىمشا 50 ورىندىق ينفەكتسيالىق ءبولىم اشۋ جوسپارلانعان. اۋرۋحانا 81 وتتەگى تاراتۋ كوزى،  16 دانا وكپەنى جاساندى جەلدەتۋ اپپاراتى، 70 دانا وتتەگى كونتسەنتراتورى مەن 70 پۋلسوكسيمەترمەن تولىقتى. ەمدەۋ مەكەمەسىندە ستاتسيونارلىق وتتەگى ستانتسياسى ورناتىلىپ، 2 ايلىق ءدارى-دارمەك قورى جانە دەزينفەكتسيالىق زاتتارمەن، جەكە قورعانىش كيىمدەرىمەن قامتاماسىز ەتىلگەن.

 

تۇركىستان وبلىسى

سوڭعى جاڭالىقتار

اتىراۋ وبلىسىندا بالىق قىرىلدى

ەكولوگيا • بۇگىن، 16:11

بازالىق مولشەرلەمە كوتەرىلە مە؟

ەكونوميكا • بۇگىن، 13:43

2757 ادام كوروناۆيرۋستان جازىلدى

كوروناۆيرۋس • بۇگىن، 09:51

الماتى وبلىسى «سارى» ايماققا ءوتتى

كوروناۆيرۋس • بۇگىن، 09:17

ۇقساس جاڭالىقتار