پەتروپاۆلدىق ءبىر ايەل پوليتسياعا ءىرى بانكتەردىڭ ءبىرى وزىنە رەسىمدەمەگەن نەسيە بويىنشا 100 مىڭ تەڭگە كولەمىندەگى تولەمدى تالاپ ەتىپ جاتقانى تۋرالى ارىزبەن شىققان. كريمينالدىق پوليتسيا قىزمەتكەرلەرى ايەلدىڭ قۇجاتتارى مەن بانك كارتاسىن پايدالانۋ مۇمكىندىگى بار ونىڭ 22 جاسار ۇلىن ۇستادى. بالاسى اناسىن الداپ, ونىڭ 100 مىڭ تەڭگە اقشاسىن جىمقىرماق بولعان...
"Hi-Tech" رەسپۋبليكالىق جەدەل-پروفيلاكتيكالىق ءىس-شاراسىنىڭ ماقساتى – ينتەرنەت ارقىلى جاسالاتىن قىلمىستارمەن كۇرەسۋ. سونىڭ ناتيجەسىندە كيبەرقىلمىستاردى اشۋ جونىندەگى مامانداندىرىلعان جەدەل-تەرگەۋ توبىنىڭ جۇمىسى كۇشەيتىلدى. وسىنىڭ ارقاسىندا بۇرىن جاسالعان التى ينتەرنەت-الاياقتىق اشىلدى. ءۇش كۇدىكتىنى ۇستاۋ ءۇشىن كريمينالدىق پوليتسيا قىزمەتكەرلەرى نۇر-سۇلتان, ەكىباستۇز جانەپاۆلودار قالالارىنا باردى. بەلگىلى ءبىر قاراجاتسوماسىنا قاجەتتى قۇجاتتاردى جىلدام الۋعاكومەكتەسەتىنى تۋرالى حابارلاندىرۋ ورنالاستىرعانەلوردا تۇرعىنى ۇستالدى. ماسەلەنى وڭاي جولمەنشەشپەكشى بولعان ول پەتروپاۆلدىق جىگىتتەن 77 مىڭ تەڭگەنى قاقشىپ كەتكەن. اشىقاۋىز پەتروپاۆلدىق ماسەلەسىن شەشەمىن دەگەن الاياققا 77 مىڭ تەڭگەنى اۋدارا سالعان. اقشانى قولىنا تۇسىرگەن سوڭ "قىزمەت كورسەتۋشى" زىم-زيا بولىپ, تۇتقانى كوتەرمەي قويعان. "سوڭعى كەزدە ۆيرتۋالدى الاياقتار ءتۇرلى ادىستەردى پايدالانادى. ولاردىڭ بارلىق ماقساتى – ادامداردىڭ جەكە مالىمەتتەرءىمەن بانك دەرەكتەمەلەرىنە قول جەتكىزۋ. قولعا تۇسكەن اقپارات ارقىلى قاسكويلەر جابىرلەنۋشىلەردىڭ اتىنا نەسيە رەسىمدەيدى. سونداي-اق, ءتۇرلى "قىزمەتتەر" ۇسىنىپ, جابىرلەنۋشىنىڭ اقشاسىن الداپ الىپ كەتەدى. جەدەل-پروفيلاكتيكالىق ءىس-شارانىڭ العاشقى كۇنىندە جۇمىسقا ورنالاسۋعا كومەك كورسەتەمىن دەپ الاياقتار مەديتسينالىق انىقتامانى جىلدام رەسىمدەۋگە اقشا سۇراعان, سونىمەن بىرگە بانك كارتاسىنىڭ دەرەكتەمەلەرىن الداپ قولعا ءتۇسىرگەن. وسىنداي ءۇش فاكتى انىقتالدى", دەپ اتاپ ءوتتى سقو پوليتسيا دەپارتامەنتى كريمينالدىق پوليتسيا باسقارماسىنىڭ باستىعى, پوليتسيا پولكوۆنيگى پەتر كليموۆ.
سونىمەن بىرگە جەدەل-پروفيلاكتيكالىق ءىس-شارانىڭ العاشقى كۇنىندە سقو پوليتسەيلەرى تاۋارلاردى ساتۋ تۋرالى 2 جالعان حابارلاندىرۋدى انىقتادى. قۇقىققا قايشى كونتەنتپەن 30-دان استام رەسۋرس انىقتالىپ, سىلتەمەلەرى قۇزىرەتتى ورگاندارعا بۇعاتتاۋ ءۇشىن جىبەرىلدى. الەۋمەتتىك جەلىلەردە ءتارتىپ ساقشىلارى ينتەرنەتتە كۇماندى كەلىسىم جاساۋدان اۋلاق بولۋ, جەكە جانە قارجى مالىمەتتەرىن, قۇپيا سوزدەردى ەشكىمگە بەرمەۋ, اقشانى جىبەرۋگە قاتىستى كەز-كەلگەن مالىمەتتى ەگجەي-تەگجەيلى تەكسەرۋ سياقتى كەڭەستەرءى بار جادىنامالاردى ورنالاستىردى.
سولتۇستىك قازاقستان وبلىسى
