ايماقتار • 29 قازان، 2020

ق.ا.ياساۋي اتىنداعى حقتۋ-دا 1500-گە جۋىق شەتەل ازاماتى ءبىلىم الۋدا

65 رەت كورسەتىلدى

تۇركىستانداعى ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتى 2021 جىلى ستۋدەنتتىك ۋنيۆەرسيادا وتكىزۋدى جوسپارلاپ وتىر، دەپ حابارلايدى Egemen.kz.

سونداي-اق، ۋنيۆەرسيتەتتىڭ حالىقارالىق رەيتينگتە ورنىن كوتەرۋ، جاڭا ماماندىقتار اشۋ، وقىتۋشىلار مەن قىزمەتكەرلەردىڭ جالاقىسىن كوبەيتۋ كوزدەلۋدە.

بۇل جونىندە ۋنيۆەرسيتەت رەكتورى بولاتبەك ابدراسيلوۆ 2019-2020 وقۋ جىلىندا اتقارىلعان جۇمىستار بويىنشا حالىققا ەسەپ بەرگەن جيىندا ءمالىم ەتتى. جيىنعا وبلىس جانە قالا اكىمدىگىنىڭ وكىلدەرى، ءماسليحات حاتشىلارى مەن دەپۋتاتتار، زيالى قاۋىم وكىلدەرى، ارداگەرلەر،  ۋنيۆەرسيتەت وقىتۋشى-پروفەسسورلارى مەن قىزمەتكەرلەرى، اتا-انالار مەن ستۋدەنتتەر وفلاين جانە  ۋنيۆەرسيتەتتىڭ الەۋمەتتىك جەلىلەرى ارقىلى ونلاين رەجيمدە قاتىستى. وقۋ ورنىنىڭ جەتىستىكتەرى، ماتەريالدىق-تەحنيكالىق بازاسىنىڭ تولىقتىرىلۋى، قارجى ماسەلەسى، جالاقى مولشەرىنىڭ ارتتىرىلۋى، كونتينگەنت سانى، قاشىقتان ءبىلىم بەرۋ جۇيەسىنىڭ ۇيىمداستىرىلۋى،  عىلىم سالاسى جانە تاعى باسقا دا جىل بويى اتقارىلعان اۋقىمدى جۇمىستار تۋرالى باياندالدى.

دۇنيەجۇزىندە ورىن العان ىندەتكە بايلانىستى ناۋرىزدان باستاپ ۋنيۆەرسيتەتتىڭ وقۋ پروتسەسى تولىقتاي قاشىقتان وقىتۋ جۇيەسىنە كوشىرىلگەن. رەكتور وسىعان وراي، قاشىقتان ءبىلىم بەرۋ ساپاسىنا دا توقتالدى. ۋنيۆەرسيتەتتە 5 جىلدان بەرى ءسəتتى جۇمىس ىستەيتىن تۇركيا رەسپۋبليكاسىنىڭ ەڭ وزىق جۇيەسى تۋرتەپ نەگىزىندە قاشىقتان وقىتۋ بويىنشا بارلىق وقۋ ءتۇرى ونلاينعا ۋاقتىلى ءارى ساپالى كوشە ءبىلدى.  بيىل قاڭتاردا ۋنيۆەرسيتەت مەملەكەت باسشىسى قاسىم-جومارت توقاەۆتىڭ جارلىعىمەن ەرەكشە مارتەبەگە يە بولدى. بۇل مارتەبە  ۇلكەن اكادەميالىق جانە باسقارۋشىلىق دەربەستىك بەرە وتىرىپ، Ph.D. فيلوسوفيا دوكتورى مەن سالا بويىنشا دوكتور دارەجەسىن دايىنداۋعا، ءبىلىم بەرۋ باعدارلامالارىنىڭ مازمۇنىن انىقتاۋعا جانە جەكە ۇلگىدەگى ديپلومداردى بەرۋگە جول اشتى. سونداي-اق پروفەسسورلىق-وقىتۋشىلىق قۇرامنىڭ جالاقىسىن 75%-عا، قىزمەتكەرلەردىڭ جالاقىسىن 30%-عا ارتتىرۋعا جانە ماتەريالدىق-تەحنيكالىق بازانى جاڭارتۋعا مۇمكىندىك بەردى.

ۋنيۆەرسيتەتتە 19 ەلدەن كەلگەن 40 استام ۇلىس پەن ۇلت جاستارى، ياعني 1500-گە جۋىق شەتەل ازاماتى وقيدى. تۇركيا، بولگاريا، ۆەنگريا، البانيا، بوسنيا، گەرتسەگوۆينا، كوسوۆو، ءƏزىربايجان، رەسەي ەلدەرىنىڭ ستۋدەنتتەرى ەش كەدەرگىسىز ۋنيۆەرسيتەتتىڭ قاشىقتان وقىتۋ جۇيەسى ارقىلى ءبىلىم الۋدا. سونداي-اق ەسەپتىك جيىن بارىسىندا رەكتور وفلاين جانە ونلاين تۇرىندە قويىلعان سۇراقتارعا جاۋاپ بەردى.

 

 

تۇركىستان وبلىسى

سوڭعى جاڭالىقتار

اتىراۋ وبلىسىندا بالىق قىرىلدى

ەكولوگيا • بۇگىن، 16:11

بازالىق مولشەرلەمە كوتەرىلە مە؟

ەكونوميكا • بۇگىن، 13:43

2757 ادام كوروناۆيرۋستان جازىلدى

كوروناۆيرۋس • بۇگىن، 09:51

الماتى وبلىسى «سارى» ايماققا ءوتتى

كوروناۆيرۋس • بۇگىن، 09:17

ۇقساس جاڭالىقتار