مەديتسينا • 29 قازان، 2020

ينسۋلت ءبىر-اق كۇندە ادامدى دارمەنسىز مۇگەدەككە اينالدىراتىن دەرت

34 رەت كورسەتىلدى

ەشقانداي باسقا اۋرۋ ءوز اياعىمەن ءجۇرىپ-تۇراتىن بەلسەندى ادامدى ءبىر مەزەتتە دارمەنسىز مۇگەدەككە اينالدىرا المايدى، دەپ حابارلايدى Egemen.kz.

ال كوپشىلىكتىڭ كوزى اشىق زاماندا ءينسۋلتتىڭ دامۋىنا ىقپال ەتەتىن فاكتورلاردىڭ كوبىنە اسەر ەتۋگە بولادى. ماسەلەن، جىل سايىن قازان ايىنىڭ 29 كۇنى دۇنيەجۇزىلىك ينسۋلتپەن كۇرەسۋ  كۇنى اتالىپ وتىلەدى. بۇل كۇندى 2006 جىلى دۇنيەجۇزىلىك ينسۋلتپەن كۇرەسۋ ۇيىمى وسى اۋرۋعا قارسى كۇرەسۋگە بەلسەندى ارەكەت جاساۋعا شاقىرۋ ماقساتىندا بەلگىلەگەن.

بيىلعى دۇنيەجۇزىلىك ينسۋلتپەن كۇرەسۋ كۇنى "بىزبەن بىرگە قيمىلداڭىز" ۇرانىمەن ءوتتى. دەنە قيمىلى ينسۋلتپەن قوسا، جۇرەك-قانتامىرى اۋرۋلارىنىڭ دا الدىن الۋعا وڭ اسەر ەتەتىندىگى دالەلدەنگەن.

ادامنىڭ ءجۇرۋ، قوزعالۋ، ءتىپتى سويلەۋ مۇمكىندىكتەرىن شەكتەيتىن جانە باسقا دا كىناراتتاردى تۋدىراتىن ينسۋلت ادامنىڭ كۇندەلىكتى ومىرىندە ونىڭ تاۋەلسىزدىگىن جويادى. كارديولوگيا جانە ىشكى اۋرۋلار عزي كارديولوگيا كافەدراسىنىڭ اسسيستەنتى جاننا يباكوۆانىڭ ايتۋىنشا، بۇل اۋرۋدىڭ وتە قاۋىپتى ەكەندىگىن ەستەن شىعارماۋ كەرەك. سونىمەن مامان تومەندەگىدەي كەڭەس بەرەدى.

ينسۋلت – كەڭ تارالعان جۇرەك-قانتامىر اۋرۋى، ەڭ الدىمەن ارتەريالىق گيپەرتونيا جانە اتەروسكلەروزعا شالدىققان كەزدە مي تامىرلارىنىڭ اسقىنۋى.

ءينسۋلتتىڭ كەز كەلگەن ءتۇرى مي بولىكتەرىنىڭ زاقىمدانۋىنا اكەلەدى دە، كوپ جاعدايدا ناۋقاستىڭ مۇگەدەكتىلىككە شالدىعۋىمەن اياقتالادى. ەشقانداي باسقا اۋرۋ بەلسەندى ادامدى ءبىر مەزەتتە دارمەنسىز مۇگەدەككە اينالدىرا المايدى.

"بۇگىنگى تاڭدا ينسۋلت جاسارىپ كەلەدى. كوپ جاعدايدا وسى اۋرۋمەن 45 جاستان كەيىن اۋىراتىندىعىنا قاراماستان، كەيىنگى كەزدە ينسۋلت 25-30 جاسقا دەيىنگى جاستاعى ادامداردا دا كەزدەسەدى. كەز كەلگەن اۋرۋ سەبەپسىزدەن پايدا بولمايدى، دەنى ساۋ ادامنىڭ اۋرۋ ادامعا اۋىسۋى، ادەتتە، بىرتىندەپ داميدى"،  دەيدى جانار وڭعاربايقىزى.

سونىمەن سوڭى ينسۋلتكە اكەلەتىن سيمپتومدار: كورۋ، ەستۋ قابىلەتتەرىنىڭ ناشارلاۋى، سەزىمتالدىقتىڭ بۇزىلۋى (دەنە مۇشەلەرىنىڭ، بەتتىڭ، اياق-قولدىڭ ۇيۋى، كوبىنە بەتتىڭ نەمەسە دەنەنىڭ جارتىسى ۇيدى)، اياق-قولدىڭ السىزدىگى مەن بەلسەندى قيمىلدىڭ شەكتەلۋى، باس اينالۋ جانە باستىڭ اۋرۋى، سونداي-اق ەستە ساقتاۋ قابىلەتىنىڭ بۇزىلۋى.

يشەميالىق ينسۋلتكە شالدىعۋ قاۋپى جاس كەزگە قاراعاندا، ۇلكەن جاستا جوعارى بولادى. جانە 160/90 مم سىن.باع. جوعارى ارتەريالىق گيپەرتونياسى بار ناۋقاستاردا ءينسۋلتتىڭ قاۋپى قالىپتى قان قىسىمى بار ادامدارعا قاراعاندا شامامەن 4 ەسەگە، ال 200/110 مم سىن.باع. جوعارى ارتەريالىق قان قىسىمى كەزىندە – 10 ەسەگە ارتادى.

يشەميالىق ءينسۋلتتىڭ اسا ماڭىزدى كورسەتكىشى جۇرەكشە فيبريللياتسياسى (جىپىلىق اريتمياسى) بولىپ تابىلادى. ول سونداي-اق جۇرەكتىڭ يشەميالىق اۋرۋى، سول جاق قارىنشانىڭ گيپەرتروفياسى، جۇرەك  كەمىستىگى بولعان جاعدايدا جوعارىلايدى.

قانت ديابەتى. تەمەكى شەگۋگە تىم اۋەستىك ء ينسۋلتتىڭ دامۋ قاۋپىن ەكى ەسەگە ارتتىرادى. تەمەكى شەگۋدەن باس تارتۋ ءينسۋلتتىڭ پايدا بولۋىن 2-4 ەسە تومەندەتەدى. تەمەكى شەگۋ، ادەتتە، ەر ادامداردا ءينسۋلتتىڭ دامۋ قاۋپىن 40%-عا، ايەلدەردە 60%-عا ارتتىرادى.

سونداي-اق، ىشەتىن كونتراتسەپتيۆتەر. 50 مگ ارتىق ەكستروگەندەرى بار پرەپاراتتار يشەميالىق ينسۋلتكە جاقىنداتا تۇسپەك. اسىرەسە ونى تەمەكى شەگۋ جانە ارتەريالىق قان قىسىمى جوعارىلاعاندا قابىلداۋعا بولمايدى.

قىسقاسى، بۇل كەسەلدەن قاشىق ءجۇرۋ ءۇشىن – تەمەكى شەگۋدى قويىپ نەمەسە ءبىر كۇندە شەگىلەتىن تەمەكى سانىن ازايتۋ، الكوگول ىشىمدىگىنەن باس تارتۋ نەمەسە ونى قابىلداۋدى جەدەل توقساتۋ، بەلسەندى ءومىر ءسۇرۋ، دەنە شىنىقتىرۋمەن اينالىسۋ، دۇرىس تاماقتانۋ، اششى جانە تۇزدالعان تاعامدى شەكتەۋ، كۇيزەلىسكە تۇسپەۋگە تىرىسۋ، ارتەريالىق قان قىسىمىن باقىلاۋ جانە ول جوعارىلاعان جاعدايدا دەرەۋ دارىگەرگە قارالۋ، ونىڭ بارلىق ۇسىنىستارىن ورىنداۋ قاجەت.

گيپپوكرات كەزىندە: "اۋرۋدىڭ سەبەبىن جويساڭىز، اۋرۋ كەتەدى" دەگەن ەكەن.

الماتى

سوڭعى جاڭالىقتار

سقو «قىزىل ايماققا» ەندى

ايماقتار • كەشە

ۇقساس جاڭالىقتار