پرەزيدەنت • 28 قازان, 2020

پرەزيدەنت "ەگەمەن قازاقستان" گازەتىنىڭ باسشىسىن قابىلدادى

894 رەت
كورسەتىلدى
1 مين
وقۋ ءۇشىن

مەملەكەت باسشىسى قاسىم-جومارت توقاەۆ "ەگەمەن قازاقستان" رەسپۋبليكالىق گازەتى" اق باسقارما توراعاسى دارحان قىدىرالىنى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

پرەزيدەنت "ەگەمەن قازاقستان" گازەتىنىڭ باسشىسىن قابىلدادى

قاسىم-جومارت توقاەۆقا "ەگەمەن قازاقستان" گازەتىنىڭ اعىمداعى قىزمەتى تۋرالى ەگجەي-تەگجەيلى باياندالدى.

دارحان قىدىرالى پرەزيدەنتكە كوروناۆيرۋس پاندەمياسى كەزىندە قولعا الىنعان جاڭا جوبالار تۋرالى ايتتى.

سونداي-اق مەملەكەت باسشىسىنا حالىقارالىق تۇركى اكادەمياسىنىڭ بيىل اتقارىلعان جۇمىستارى تۋرالى دا مالىمەت بەرىلدى. حاكىم ابايدىڭ 175 جىلدىق مەرەيتويى اياسىندا ۇلى اقىننىڭ اۋدارىلىپ, جارىق كورگەن شىعارمالارى, ءال-ءفارابيدىڭ 1150 جىلدىعى اياسىندا وتكىزىلگەن حالىقارالىق ءىرى جيىندار مەن كونفەرەنتسيالار, التىن وردانىڭ 750 جىلدىعى اياسىندا جارىق كورگەن جاڭا كىتاپتار جونىندە تولىق اقپارات بەرىلدى.

كەزدەسۋ سوڭىندا مەملەكەت باسشىسى "ەگەمەن قازاقستان" گازەتىن زاماناۋي تالاپتارعا ساي شىعارىپ, حالىقارالىق تۇركى اكادەمياسىنىڭ جۇمىسىن ودان ءارى ىلگەرىلەتە بەرۋدى تاپسىردى.

سوڭعى جاڭالىقتار